THA-CAT/THAHRI CAT( Muscle Cramps)

Muscular Cramps hi lai nih cun tha cat a siloah thahri cat tiah kan ti. Tampawrah ruahlo pi in a hung fak i khuptang thahri vialte ai tom dih, a fah ning cu chimpit bak a si ve. Tha-cat hi cikhatlo ah kan thahri ai tom ruang i a chuahmi a si.

Tha-cat a chuahter tu hi a ruang tampi a um. Mi ngandam ngaimi zong hi ruahlo pi'n tha cat an ngei kho ve ko. Buaktlak in zan ah hin tha cat hi a um khun.

Zeiruangah dah kan Tha a Cah tawn?

1. Chungthlet ( a zual ngaimi),Luak le lek, Zun tam tuk.., tbk ruangah kan Thi leh kan Tit chungin Sodium leh Potasssium tamtuk a chuak i cu ruangah cun kan tha a cah tawnnak a si. ( Naupawi lioah hin tha a cat duh ngai)

2. Kal fah (Nephritis) ngeih ruangah Sodium leh Potassium cu kan takpum nih a bau i cunih cun Thahri Cat hi a chuahter.

3. Ni lin lak i thaba ngai i riantuan ruangah;
Tahchunhnak ah : Ni lin lakah bawlung kan chuih, kan tli, cutik ah kan thlan tamtuk a chuak. Kan takpum chungin Sodium leh Potassium tamtuk a chuak, cu ruangah kan Tha a Cah tawnnak hi a si.

4. Tit leh thi nih Calcium a chambau ruang zongah Tha Cat hi a chuah kho. Naupawi lio leh nau hnuk dinhlio ah hin Nu le nih Calcium hi tampi'n ei piak ding a si. HI caan lio i Calcium an chambau mi Nu le cu an Tha a Cat lengmang tawn. Rickets zawtnak ruang zongah ngakchia nih tha-cat hi an ngeih khawh ve thaim thiam. Cun, pawpi leh ril thatlo ruangah kan eimi chung i Calcium aa telmi kha kan takpum caah a dawp kholo i cu ruang zongah cun Tha Cat hi ngeih khawh a si. Nu phung(Thi) ngeihlio zongah hin Nu tampi nih cun Tha Cat an ngei tawn. Cun, mi tlu leh Ranghrik zawtnak (Tetenus) a ngeimi hna nih hin Tha Cat hi a ngei khun.

Tha-Cat a ngeimi na si ah cun;

Zawtnak ruang i Tha Cat a ngeimi na si ah cun Doctor sinah i piah hrim hrim ding.

Na Tha A Cah ah cun;
1. Ti hraikhat chungah cite darkeu ( a fami) khat na cawhlai i na din la, cun, tilum ah cite na cawh lawi i na Tha Cah nak zawn kha na hmeh piak la.

2. Cozah Sii Ei ding le chunh dingmi ( a dang zong a thami tampi an um ko)
a)Benadryl 50 mg, zan ih lai ah ei din.
b) Clacium gluconate, i chunh ding.
c) Quinine 100 mg. a siloah Procainamide 1 mg. zong hi Tha Cat ah cun a tha ngai ngai ve

*** Naupawi mi nih Doctor te chim hmasa lo in zeibantuk Sii hmanh eilo ding.

HNARTHI ( Epistaxis)

Hnarthi a chuahnak hi a ruang tampi a um. Zawtnak ruang i a chuah mi a si maw ti hi kan fianh hrim hrim awk a si.

Hnar ah hin thi hri tampi an um caah fawi te i kan hnar thi a chuah tawnnak a si. Hnarthi a chuahnak bik hi ‘Little’s area’ ti a si, A umnak hi kutdong i vawn sawhah a phak khawh. Hi ka hmun hi thihri pali- Anterior Ethmoidal artery, Septal branch of superior labial artery, Septal branch of superior sphenopalatine leh Greater palatine artery hna an i tawnnak hmun a si. Mah hi pali ai fonhmi hi a min ah Kesseilbach’s plexus tiah an ti. Hi ka zawnte hi kutdong zong i tawnghkhawhnak hmun a si ruangah kan i ralrin ngai a herh.

Hnarthi a chuahter tu hna:-

1.Hnarkua chung a thatlo ruangah;-
-Hma, keu, a peh peh i hahchiau.
-Sinus zawtnak, TB
-Hnarkua chung ah hnawm ai taap
-Thilnung luh. Eg. Cangvat, lit, Hngerhte.., etc.
-Hnarkua chung cancer

2.Zawtnak Dang Ruangah;
-Lung lei thatlonak
-Thi kai
-Thi cancer, Vitamin K / C chambau ruangah.
-Thin a thatlo ruangah
-Kal a thatlo ruangah
-Natchawknak tamtuk ei ruangah
-Cumpi, tangfah tbk

3. A ruang bik zong theihlo.

Zohkhenh ning:

1.First Aid-
A cunglei i ka vawn tialmi ‘Little’s area’ hi hnathi chuahnak bik a si ruangah
minute 5 hrawng na kut in na hmeh piak la. Vur i hnar nam piak zong a tha ngai ngai. Vur nih hin thihri pawl a sawnter i thi chuakmi a phih khawh.

2.Anterior Nasal packing ( Hnarkua phih)-

Hnarkua chungah ribbon gauge meter khat hrawng i a saumi le centimetre 2.5 tluk a saumi cu paraffin ah na ciah la, ral ring ten hnarkua chung ah rawn ding a si. SML 24 hnu lawngah chuah than ding. Hi bantuk i hnarthi chuakmi na tlop ah cun antibiotics hi pello ten ei chih ding a si. Mah hi sii nih hin, zawtnak dang sinus tbk a cang dingmi kha a ven khawh.

3.Posterior Nasal packing-

Hi bantuk a phan cangmi hi cu Thikai ruang i hnarthi a chuakmi a si caah
Sii-Inn ah nan kal hrim hrim la.

4. Hnarthi Chuah a hmangmi hna Caah i ralrin dingmi-

a) Hnarkua chung kheuh/sawh tbk hmanlo ding. (Nu leh pa hna nih kan fale cawnpiak ding).

b) Hnar ah bengh, thonghlo ding.

c) A rocartuk mi hmun hma le a khutuk mi hmunhma hnaah umkallo ding. Ni lin lakah vahlo ding.

d) Hnarthi a chuahah cun hnar hmehpiak ding. (hnarchung i thihri pawl kha phih ding)

e) Hnarthi chuak hi zawtnak a phun phun ruang i a chuahkhomi thil a si ruangah Hnarthi chuah a hmngmi hna nih Doctor te sin ah i zohter hrim hrim ding. –

Ha Sii Kong Theihtlei

Ha Sii (toothpaste) hi minung kan i thianhhlimhnak kongah a biapi tak tak mi thil pakhat a si ve.. Ha Sii hi ngandamnak caah thathnemnak tampi a ngei ti cu kan theih cia a si ko.Mah hi Ha Sii hi Ha hnurnak lawng si lo in thildang zongah thathnemnak tampi a rak ngei..

1.Nan zungput(toilet)kheng (hmanthlak i ka chiahmi bantuk khi) a hnawm a silo ah sen cercur i a um ah cun Ha Sii thuh law brush in hnur hmanh, var sirser in a um ko la. .

2. CD/DVD tbk a hnawmmi kha Ha Sii na thuh lai i puan nemmi in na hnur piakah cun a thiang dih ko lai.

3. Thing in sermi cabuai/thutden tbk pawl ah fawite i phiah khawhlo mi cafung (Permanent Marker) in an tialmi pawl kha Ha Sii na thuh lai i puanchia in na hnur piak ah cun a piat dih ko lai.

4. Ngun i sermi hlawnthil le thildang pawl zong a rawng a maw ( a hlun mi bantuk i a um mi) mi pawl khi Ha Sii in tawl hmanh, a thar bantuk ah ai chuah than ko la.

5. Ni nih a cerhtuk ruang i a maw mi thlalang, cun mawtaw mit a tuamtu thlalang tbk pawl kha Ha Sii in hnurpiak law a tar bantuk te ah ai chuah than ko la.

6. Sui, Ngun, Dar leh Tangka in an sermi Thi,tumbul,kuthrawlh tbk a rawng ai dawhtilo mi kha Ha Sii in hnur piak law ai dawh than ko la.

7. Na Phone (Smart Phone) thlalang a tial sual zongah na phone Battery kha phoih law Ha Sii tlawmpal thuh. Cun puan a nem mi te in hnur law a tha than ko lai.

8. Na thilpuan cungah juice tbk nai tawih sual i na angki cungah a rawng ai neh sualah cun Ha Sii in hnur law a lo colh ko la.

9. Darlin ( Thil hnurnak ) a taw a cakmi zong kha Ha Sii in thianh khawh a si.

10. Inn vampangah ngakchia nih cahang (ball-pen) in zuk an suaimi tbk pawl zong kha Ha Sii in thianh khawh a si.

11. But kedenh a rangmi ah rawng dang ai neh ah cun Ha Sii in thianter khawh a si.

12. Ngapih tbk a rim a fakmi thil na tawngh caan ah khin Ha Sii in na kut i tawl law a rim a tlau dih ko lai.

Ih Lio I HNAR (snoring)

Ih lio i hnar a hmangmi pawng ah na it bal maw? I hngilh hlan i kan pawngkam ah ai hngilh hmasa mi an hnar sual ah cun i hngilh khawh bak a si ti loh.

Hi bantuk i hnar hi a ruang tampi a um. Ngandamnak a thatlo ruangah, kan thawthawtnak hrawmhri a fat ruangah, kan ih ning a remlo ruangah (position), kan hrawm i tissue rian tuan ning a der ruang hna ah an si…

Hi bantuk i hnar a hmangmi nih cun "zeiti pungsan i ka ih lio ah dah ka hnar", ti kha theih a herh tak tak. 'Ka hnar lio lio ah hin, Ka ang in maw ka um ka ciip in, zakpathal in maw ka ih a sirlei in tbk.., kha kan pawng i a ummi hna sinah rak i chinchiahter ding a si. Ngandamlo ruangah maw ka hnar- ih siaremlo ruangah dah, tikha i theihkhawh a si.

Zeiruangah Dah Kan Hnar Tawn?

1. Hmur i ciip bu i kan hnar ah cun, kan lei (tongue) ruangah a si.
2. Kan hnar lio i kan ka kan i an a si ah cun, kan hrawm i Tissue cheukhat an dertuk ruangah a si.
3. Zakpathal in kan ih caan i kan hnar a si ah cun, kan ih ning pungsan i thlen ding.
4. A sir zong in siseh zakpathal zong in siseh kan ih ning paoh i a hnar mi kan si ah cun, kan ngandamnak a ṭhatlo ruangah a si.

Cun, Thlahtu Pi le pu in thawthawtnak hrawmhri a fa hrim hrim mi zong an um ve.Cu bantuk pawl cu cikawr ning in an hnar ngawt ti a si. Cheukhat cu kum a upat hnuah an hrawmhri a hung fa thlauhmah i tarlei sangah a hnarmi zong an um. Nu nak in pa hi kan thawthawtnak hrawmhri hi a fak deuh ruangah Nu nak in Pa hi kan hnar khunnak a si.

Hi pinah hin a ruangtampi a um rih. Ngandamlo ruangah (Allergies, khuhhrin zawtnak (asthma), cumpi, sinus infections le kan thautuk ruang zongah kan hnar nak hi a si. Cun, kuakzu/ Sii a tawngh ruang zongah hnar khawh a si.

Hnarlo Dingin Zeitindah Kan I Tuah Lai?

Buaktlak in zakpathal in kan ih lioah hin a hnarmi kan tambik. Cu caah cun, a sirlei i ih hi kan cawn a hau.

1. Zakpathal i a it pengmi na si ah cun na bawngbi ah khan Tennis ball a silo ah na keng an dohtu ding thil pakhat khat kha na ṭhitchih lai. Na ih tikah na keng an doh lai caah a sir zong in na it cang la. Huam sam in sirlei ih nai ziak lai i na hnar ti la loh.

2. Mithau tuk na si maw? Na khing kha tumter law na hnar mi zong kha a tha ko lai. (Mi thau hi an hnar ngawt)

3.Ka ang i a hnarmi na si ah cun, chantling chah nawn in nai tlinh lai.

4. Zan riah ei hnu Ih lai ah thil tampi i eilo ding. Paw khimtuk i kan ih tik ah kan thaw dawp le kan thaw chuah a hman kholoh. Zu din/ ritnak a si mi thil paoh paoh kha hrial khawh i zuam.

A cunglei i ka vawm tar mi pawl kan tuah zongah na hnar rih thiam thiamah cun, na ngandamnak a ṭhatlo ruangah a si. Sii Bawi (Otolaryngologist (ENT) Specialist/ Dentist Specialist) sin ah i piak law a thabik....

Rak Rel Ve Hnik

Phunkip Cawh...

1.Zawnruah mi si na duhah cun um saw sawh hlah.

2. Pathian tih cu "sual huat" hi a si.

3. Mi lianngan nih cun midang liannganhnak a langhter peng.

4. Mi hnahchuah a hmangmi cu i nuamh caan an ngei kho loh.

5. Tumchuknak i mi a hruaitu bik cu beidonghnak hi a si.

6. Thilrit hi lunglomhnak he na phorh ah cun a zangte ko lai.

7. Thilhman/dik a tuahtu nih cun biaceihnak a tih balloh.

8. Biahman na chim ah cun zeitik hmanh ah na ningzak la loh.

NUNGAK LE TLANGVAL CAAH;
😀😀😀😀😀😀😀😀😀
1. Nu le pa sualnak(sex) hmang in na duhnak fianter an hal pengtu cu kaltak ko .Virginity hi fiah a si bak khan a dih bak ve.

2. Thil an pek lengmang ruangah i lunghmuih tuk hlah. Khal thil hna kha na caah 'rap' an si kho men.

3. Rumnak duh ruang i nupi/pasal a ngeimi nih cun a zalon nak kha a zuar.

4. Na duhtuk mi nak in an duhtuk tu kha Nupi/pasal ding caah ah a tha deuh.

5. Pakhat le pakhat i zumhlo nak nih hin thangchiatnak a chuahter tawn.

6. Mi helh a thiamtuk mi pawl khi mitpar an tam grin emoticon

7. Na fian set sailo mi kongah biathentu va si hlah.

8. Na duh ning paoh i na tuahlhawhmi cu Nupi/Pasal ding ah an tha tak tak loh.

9. Na sinah, na hawile/a hawi le kong a ceih lengmang hna ah cun nangmah kong zing kha a rak in ceih lengmang cang ti kha thei koh .

10. "Cu ruang/kha ruangah ka duh", timi nak in, na duhnak cu na nunchung a deih la maw timi kha a biapi deuh.

11. Na palhnak ruang i na tuarmi kha raltha ngai in i in koh. Rimnak ah na hman lai.

12. Nupi/pasal ding caah na lungduh bak na hmuh khawhlo ruangah hna beidawng in um hlah. Nangmah zong kha mi lungduh bak cu na si thlu ve loh ti kha philh hlah :Du

DAWNZUK A THATHNEMNAK

1. Thei vialte lakah ti/hang tambik a ngeimi thei a si. Cu caah, Dawnzuk hi taksa caah a that hleiah takpum zong a kihter fawn.

2. Vitamin B tampi a ngeimi thei a si i,cu nih cun kan takpum caah thawnnak a pek.Kan pawpi nih rawl a rialnak zongah bawntu tha tak tak a si.

3. Vitamin A tampi a ngeih chih ruangah kan Mit caah a tha tak tak mi thei pakhat a si. Mit au a nuamhter i khuahmuh zong a fianter..

4. Vun a hninhnoter.

5. Thikai zong a fen.

6. Kal i lung a um hna hrang zongah lung kha a mawhter khawh.

7. Kan takpum chung i zawtnak a dohtu kha abawmh hna i, tlangrai lak zongin a kan ven khawh.

8. Cancer zawtnak a ngeimi hna hrang zongah a tha ngai ngai, Cancer zawtnak lak zongin a kan khamh khawh rih.

9. Lung (heart) riantuan a bawmh i, Lungtur zawtnak a ngeimi hna caah a tha tak tak mi thei a si.

10. Zunthlum zawtnak a ngeimi hna caah a tha tak tak mi Sii pakhat a si fawn.

12. Rihnak a tumter khawh. Thaunak lei kam pakhat te hmanh a ngeiloh i, paw a khimnak a kan pek hleiah thaunak lak zong in a kan ven khawh rih.

Paw Vun Chah/Paw Puar Mi Hna Caah

A hlanah ka rak tial cang ko nan a tuahzia a thiamlo kan tam pah caah
kha nak i a fawi deuhmi le a tha deuhmi ka vawn in tial piak than hna..

Paw vun ah thau a tamtuk ruangah paw vun a chah i kan paw a puar tawn. A hlei in Nu hna caah a poi khun.. Cu caah, na paw puarmi a zor khawhnak hnga caah a tanglei i ka tial ning te hin rak tuah law zarhkhat chungah a zor hrim hrim la..

Zeitindah kan tuah la?

(Voikhat na tuahmi cu voikhat lawng na hman la)

1. Reite (သံပုရာသီး) pumkhat, cheu nga i cheukhat tluk ( 1/5) kha na riam lai i, kheng chungah a hang na sur la..

2. Cun, Ungsi (အံုးဆီ) dorh thum hrawng na thlerh la.

3. ထြန္းေရႊဝါ /ဂဠဳန္ရာဇာ/ မိဂသီ/ ရွမ္းရိုးမ/ လင္ဇီး tbk na ngeihmi paoh kha tlawmten na cawh chih la. (voi khat thuh hrawnghrang in)

4. Rualten na cawh lai..

Zeitindah kan hmanning a si la?

= Mah hi na tuah hlanah na paw khat hri in i tah hmasa. Cun, zarhkhat hnuah nai tah than la. A that le thatlo na theih ko la..

= Zan na ih lai te ah na sii tuahmi cu nai thuh lai.

= Na thin zawn (na pawvun ) khan na Daimon cung tiang khan na zun la. ( cunglei in tanglei ah). Sii kha vun chung i lut dingin fak pin na zun piak la.

= Na tai in na Diamon cung tiang na zun piak than la. ( kehlei na zun piak khawh in vorhlei kam in na zun than la)

= Mah hi na tuah chung cu zanriah kha tlawmdeuh lawng na ei la. Cun, zan hrim hrim ah pawkhinnak a simi paoh kha na hrial la...

**** Nu le Pa caaha tha ve ve..

Call Voice Changer - IntCall v1.6 Apk ♫

Mah hi software cu Hawi he Phone chawnh lio ah na aw (voice) phundang pi in a thleng khotu Application a si. Nangmah nih na chawnh ah siseh, an i chawnh tik zongah na aw kha phundang pi'n a chuahter khotu a si. A Hlei in Nungak leh Tlangval I deh-dai nak ah a tha khun :D

                          ***Download tuah ning cang:

                            1. A tang i Download timi te khi hmet.

                            2. Sec 2 hrawng in hngak.

                            3. "SKIP AD"    ai ti mi kha hmet.

                            4. Download link a hung chuak lai. 

                            5. Na download khawh cang.                                                                                                                                                                             

                                                   Download

PhotoFun Pro v2.768.PPG Apk ♫

 Mah Application te hi a theicia mi tampi nan um ko lai. Hmanthlaknak caah a tha tak tak ve mi pakhat a si. Na Phone ah khan rak khumh colh. Nai chir hrim hrim la loh...
 

                                             

     * Download tuahning;
     1. A tang i Download ai timi te khi hmeh piak.
     2. Sec-2 hrang hngah piak.
     3. "SKIP AD" timi kha hmeh piak than.
     4. Cun, Download link na hmuh ko lai...
     *** Tlamtling ko lai dah......

                                        Download

Tidil Hngaktu Thlapa, Vanmi Ngaknu le Tidil

Hlan lio ah khin ai dawh takmi pangpar dum pawngah tidil pakhat a um. Cu tidil ahcun pangpar dawh tete zong an um. Cu tidil cu thlapa timi tlangval pa te nih a hngah ti si. Tidil hngaktu thlapa nih cun cu tidil ahcun vanmi ngaknu pakhat telawng ti kholh a sianh ti si.

Cu tidil hngaktu thlapa nih cun vanmi ngaknu te cu a dawtuk ti si. Vanmi ngaknu a mithmai chiah ah hin a mitthli tla cang. Nain vanmi ngaknu nih cun tidil hngkatu a dawtnak a theihthim chim lo a zoh hmanh a zoh thitha bal lo.

Voi khat cu tidil pawng pangpar dum ahcun vanmi nu te le tidil hngaktu thlapa cu an I tong ti si. Thlapa te nih cun a ka hmuh lai I a ka theih ko lai tiin, “Vanmi ngaknu te na rak I chawk ve maw?” tiah a hei hal. Vanmi ngaknu te nih cun a van zoh I, “Zaangfahnak tein a ho na si kan fiang lo le na ka chim kho hnga maw?” tiah a van hal than. Tidil hngaktu thlapa nih cun, Ee, a ka fiang lo le si lai, tidil hngaktu ka ti ah khan cun a ka theih ko lai tiin, “Tidil hngaktu kha ka si” tiah a hei ti than. Vanmi ngaknu te nih cun, “Awww,, Nika kha maw na si?” tiah a van ti ai. Tidil hngaktu thlapa cu a ka theih theu lai ti in a chim mi ah vanmi ngaknu nih theih lo in midang pi a van chim cu a ngaihchia tuk i tidil hngaknak te tu ahcun a kir than. Asinain Thlapa te I a dawtnak nih cun a lungfahnak cu a tei I tidil te ahcun vanmi ngaknu te cu a kholh sianh thiamthiam.

Nikhat cu vanmi ngaknu te nih cun tidil hngaktu thlapa sin ahcun hi ka tidil te ah hin k arak I kholh kho ti ding ka zum lo tiah a ti. Thlapa cu a ngaihchia tuk. Ka tidil hi maw a hnawm hnga ti, ti put zoh a tha ko. Ti luan nak zoh a tuang ko. Tidil zoh a thiang fawn ko. Tikam zoh pangpar dawh zong an par rih fawn ko. Asinain tidil hngaktu pate a van tha vanmi ngaknu te cu ti kholh a rak ra than. Asinain tidil hngaktu thlapa te cu a van chia. Cu hnu caan tlampal ahcun tidil pawng pangpar dum ahcun Vanmi pa pakhat he nuam tak in an lent i ko lai cu tidil hngaknak hmun cun a hei hmuh. Cun a tho I tawh ai lak le tidil kawtka ahcun mithli he a dir.

Thlapa cu vawlei um chung cu a ceu rih lai i tidil te a reu hlan paoh cu a hngak rih fawn ko lai. Asinain thlapa cu a ceu caan a tlawm tuk eh..Zan lawngah hmuh khawh a si pin ah ruahsur caan zongah hmuh khahw a si lo.  Khuadawm nih le a khuh ai foih tuk fawn. Amah te in le ceunak a ngei hoi lo. Nain a ceu nak cu a dai I nuam.

Messi Tuanbia Tawi

"Tu lio footballer ah hin a ho dah thiam bik" tiiah hal hna law,mi tam u nih cun "messi" tiah an ti theu lai.FIFA Ballon d'or kum-4 a peh te in a ngah kho mi a si caah a thiam ti lo awk hrim a tha loh.A mah belte cu nai hrawng i a carrer zoh ah hin tumchuk lei a panh hlah maw ti awk in a um!!!!!

Min Fak ; Lionel Andrés Messi Cuccittini
Chuah Ni ; 24 June 1987 (age 27)
Chuahnak Hmun ; Rosario, Santa Fe, Argentina
Tung Sanlei : 1.69 m (5 ft 6 1⁄2 in) (keimah cen :D )

A No Lio Caan;
Club ah;
1995–2000 Newell's Old Boys
2000–2003      Barcelona
Ram Caah;
2004–2005 Argentina U20 Puai -18, Goal - (14)
2007–2008 Argentina U23 Puai - 5 Goal - (2)
***2008 kum, Beijing Olympic ah khan Argentina cu Pakhatnak a rak lak pi.

A Tuanbia Tawi;

Messi hi Mr.Jorge Horacio Messi & Mrs.Celia Maria hna i a fa pahumnak a si. Unau pali an si. U pahnih le Farnu pakhat te a ngei.

An unau rual min:
Mr. Rodrigo Messi
Mr.Maria Sol Messi,
Mr. Lionel Messi
Miss.Matias Messi

          A nu leh pa hi Italy lei chuak an si i Argentina ah an rak pem. Mesii a hngakchiatlio ah hin an rak harsa ngai ngai ve. Messi zong hi a ngakchiatlio te in bawlungchuih a huamtuk mi a si ve. Asinan, Traning Ground kalnak man le Kedenh cawkpiaknak zong an rak ngeiloh. A mah ten Lakphak dawr ah waiter hna a tuan i cu ti cun hram a rak thawk ve mi pa a si.
         
            2000 kum ah khan kum 12 mi a si i,hormone thatlo zawtnak nih a tlak ruang ah hawi zawng a lo kho ti hnga maw tiah rak ruah mi a si.A zawtnak thlawpnak caah hin thlakhat ah $ 1,000 leng mang liam a hau i,a course tling cun kumhnih a si i $-24000 a si.Hi vialte phaisa hi factory helper le cleaner a tuan mi nupa caah cun a tam tuk hring hran ko.A nu le pa zong nih hin an zang fak,an ngaihchi i an lungre zong a thei tuk.A nu le pa hi sifak an si caah an fapa caah hin zei ti tuah awh an thei ve hlei lo.
Sihmanhsehlaw football i a talent neih that ning a rak hngaltu FC barcelona nih cun sii ai siseh thil dang a herh mi vial te kan liam piak lai tiah zawtnak nih a tlaih cuah mah bu in contract an tuah pi!Spain ah an kal pi i barcelona nih cun a zawtnak cu biatak te in an thlop piak,an dih mi phaisa cheu khat hi Joan Lacueva, Barca’s director general nih a mah phaisa in a liam piak. caan a hung kal thluah mah i a mah ca i a dih mi phaisa vail te hna hi a lak a si lo ning cu certual ah duhsah in a langhter thluah mah.

              2006 kum a hung si i messi zong kum 18 a hung tling ve..Barcelona nih biatak te in hman hram an thawh.mah lio caan hi minthang ROnaldinho chan sa ling te kha a si i zoh an rak dawh tak tak.march thla ah Chealsea he champions league an chuih lio ah ai hliam i sau ial te a din.2006-2007 season a hawng phan i november thla ah Real Zaragoza he an chuih lio ah a ke phak ruh a kiak i thla thum chung ai din than.A hliam dam ka te zerh thum nak ah celtic he an chuih nak ah a el ai hliam than i thla ruk bak ai din than.Season thum chung cu i hliamkhuai nak in a caan a dih.Hngakchiat lio te in hawi bang i mi ngandam a si lonak nih a kal tak kho hrim loh!!!!

2008-2009 season a hawng phan i Gourdiola cu barcelona maneger a hawng si.Barcelona key Player 2,Ronaldinho leh Deco hna cu a chuahter hna i,Xavi,Iniesta le messi hna hmang in Barcelona key cu a vawn thlen!Messi cu hmailei ah barcelona i bochan bik mi a si te lai ti a hngalh caah a lam kip ah a hlei in a zohkhenh.messi hi steak,cola leh a thlum hi a uar ngai ngai mi a si,sihmansehlaw Gourdiola nih hiban tuk fats a tam tuk mi sa le a tlum mi pawl hi na ei la loh tiah a rak kham.Anhring so le nga sa lawng ei nak nawl a pek.A taksa nih a herh mi vitamin zong a caan hman te in a ei ter.Mah ti i an zoh khenh hnu in a ngandamnak a tha i a hlan i a tuah khawh lo mi thli tam pi a vawn tuah khawh cang!

Kum khat hnu kumkhat a than ning cu a tang i a carrer ah hin a lang ko. i)

2008/09 - 43 goals+20 assists (match
70 ah)
ii) 2009/10 - 48 goals+18 assist (match
60)
iii) 2010/11 - 57 goals+34 assists (match
66)
iv) 2011/12 - 87 goals+44 assists (match
77)
v) Ball on d'Or - a peh in vawi li bak a lak khawh

             Gourdiola tang i messi a tha cho ning cu khuaruah har lei a si.Cun a hlan ai hliam khuai nak zong in a luat!Ai hliam sual hmanh ah zerhkhat pin ai din loh.Mi tlamtling ding zong i rak ruah ti lo mi Messi cu vawlei cung footballer minthang pakhat ah a vawn i chuak.Gourdiola chan a hun dih i barcelona nih manager thar an hun lak bak in messi hmailei cu muih hram a thawk tha ve.A rak buai leng mang nak hliam khuai nak nih cun a vawn phak than i,2012-2013 seson zong ah khan puai tlawmpal lawng ah caan tling in ai tel kho. 2 April 2013 i hamstring injury a neih hnu khan first team zawng ah ai tel kho tuk ti lo i bench ah a thut a tam deuh.2013 i B.munich he UCL semifianal zong ah khan ai tel kho ve lo i Barcelona cu an mual a rak pho ngai ngai.2014 World Cup zongah khan ruahning bantuk in a ke a chuak kho loh.Argentina cu Final a phanh pi ko nan Penalty ah Germany nih an tei hna.

Bercelona hi club lianngan an si ko nan Messi ai tel lo ah cun meithal tha ngai tung i a zen um lo mi ko an lo.Hi ti i,ai hliam leng mang than caah hin barcelona club,Argentina mipi le Messi a tanh tu hna an thin a phang hring hran ko.

HI ti bantuk i ai hlaim lengmang ah cun Dutch Mihràng Marco Van Basten bantuk in a no lio te ah a football career a dawng sual hnga maw, a si lo ah English striker Micheal Owen leh Brazillian footballer minthang, FIFA World Player of the Year voi 3 tiang a rak ngah tu Ronaldo hna bantuk in a career hi mino te si bu in a dawng sual hnga maw ti hi thinphan dai lo a si ko.Messi bantuk i player tha hi vawlei nih hmun than ding cu a fawi ti la lo...........

Messi Cu A Ho Dah A Si?
_ Theihnak duh tak tak ah cun a tanglei i club in siseh, pumpak in a ngahmi laksawng pawl nih hin an chim khawh lai.

A Bu I Laksawng A lak Cangmi Hna:

Club;
 Barcelona FC
-La Liga: 2004–05, 2005–06, 2008–09, 2009–10, 2010–11, 2012–13
-Copa del Rey: 2008–09, 2011–12;
-Supercopa de España: 2005, 2006, 2009, 2010, 2011, 2013
-UEFA Champions League: 2005–06, 2008–09, 2010–11
-UEFA Super Cup: 2009, 2011
-FIFA Club World Cup: 2009, 2011


Ram Caah Laksawng A Lak Cangmi Hna
(Argentina)

Olympic Gold Medal: 2008
FIFA World Youth Championship: 2005

Pumpak Laksawng A Hmuh Cangmi Hna;

-FIFA Ballon d'Or: 2010, 2011, 2012
-Ballon d'Or: 2009
-FIFA World Player of the Year: 2009
-FIFA World Player of the Year: Silver award 2007,[380] 2008
-World Soccer Player of the Year: 2009, 2011, 2012
-World Soccer Greatest XI of All Time: 2013
-Onze d'Or: 2009, 2011, 2012
-Onze D'argent: 2008, 2013
-European Golden Shoe: 2010, 2012, 2013
-UEFA Best Player in Europe Award: 2011
-UEFA Club Footballer of the Year: 2009
-FIFA Club World Cup Golden Ball: 2009, 2011
-UEFA Champions League Top Goalscorer: 2009, 2010, 2011, 2012
-L'Équipe Champion of Champions: 2011
-Gazzetta dello Sport Sportsman of the Year: 2011
-FIFA World Youth Championship Golden Ball: 2005[381]
-FIFA World Youth Championship Golden Shoe: 2005
-LFP Best Player: 2009, 2010, 2011, 2012, 2013
-La Liga Foreign Player of the Year: 2007, 2009, 2010
-Pichichi Trophy: 2010, 2012, 2013
-LFP Best Forward: 2009, 2010, 2011, 2012, 2013
-UEFA Champions League Forward of the Year: 2009
-La Liga Ibero-American Player of the Year: 2007, 2009, 2010, 2011, 2012
-FIFPro World Young Player of the Year: 2006, 2007, 2008
-World Soccer Young Player of the Year: 2006, 2007, 2008
-Bravo Award: 2007
-Golden Boy: 2005
-Marca Legend Award: 2009
-Trofeo Alfredo Di Stéfano: 2008–09, 2009–10, 2010–11
-ESPY Awards Best International Athlete: 2012
-El País King of European Soccer: 2009, 2010, 2011, 2012
-IFFHS World's Top Goal Scorer: 2011, 2012[383]
-IFFHS World's best Top Division Goal Scorer: 2012[384]
-FIFA/FIFPro World XI: 2007, 2008, 2009, 2010, 2011, 2012, 2013, 2014
-UEFA Team of the Year: 2008, 2009, 2010, 2011, 2012, 2014
-ESM Team of the Year: 2006, 2008, 2009, 2010, 2011, 2012, 2013
-Copa América Young Player of the Tournament: 2007
-Copa América Top Assist Provider: 2011
-Copa del Rey Top Goalscorer: 2010–11, 2013–14
-Argentine Sportsperson of the Year Award: 2011
- Olimpia de Plata: 2005, 2007, 2008, 2009, 2010, 2011, 2012, 2013
- FIFA World Cup Golden Ball: 2014[385]
- FIFA World Cup Dream Team: 2014

Ri Thar (Records) A Sermi;
( 15 February, 2015 tiang i a tuanbia a si)

-World Most FIFA Ballon d'Or awards:
-Guinness World Records title for the most goals in a year (2012): 91 goals (96 goals including club friendlies)
-Most consecutive league matches scored in: 21 matches (33 goals)
-First footballer ever to score consecutively against all teams in a professional league
-Most international goals in a calendar year (2012): 25 (shared with Vivian Woodward and Cristiano Ronaldo)
-Only player to ever win all of the Ballon d’Or, FIFA World Player, Pichichi Trophy and Golden Shoe in the same season: 2009/2010
-Youngest two-time/three-time/four-time Ballon d'Or winner: 23/24/25 years
-Most FIFA Club World Cup Golden Balls: 2 (2009,[394] 2011
-Most appearances in the top 3 candidates for the Ballon d'Or: 8 times (2007-2014)
-Most appearances in the FIFPro World XI: 8 times (2007-2014) (shared with Cristiano Ronaldo)

Europe;
-Most European Golden Shoe awards: 3
-Most goals scored in a season (club): 73 goals
-Most goals scored in a year (club): 79 goals
-Most European Cup top scorer awards: 4 (shared with Gerd Müller)
-Most consecutive European Cup top scorer awards: 4[401]
-Most hat-tricks in UEFA Champions League: 5 hat-tricks
-Highest scorer in a UEFA Champions League game: 5 goals
-Most goals scored in the UEFA Champions League: 75 goals
-Only player to score in 21 different cities in the European Cup

Argentina;
-Most goals scored in a year (national team): 12 goals (shared with Gabriel Batistuta)
-Youngest player that have scored a goal at FIFA World Cup Finals: 18 years and 357 days old (2006 vs Serbia & Montenegro)
-Most goals scored in International friendlies: 24
-Most goals scored, alongside Javier Saviola, in all U-20 International competitions (2004-2005): 11 goals (14 goals including friendlies)
-Most goals scored in one FIFA World Cup qualification (2014): 10[407]

Spain;
-Most goals scored in La Liga history: 269 goals
-Most assists made in La Liga history: 106 assists
-Most hat-tricks, alongside Cristiano Ronaldo, in La Liga: 23
-Most away goals scored in La Liga history: 117 goals
-Most goals scored in La Liga in a season: 50 goals
-Most consecutive La Liga matches scored in: 21 matches (33 goals)
-Most La Liga hat-tricks in a season: 8 hat-tricks
-Youngest player to score 200 La Liga goals: 25 years
-Most goals scored in El Clasico: 21
-Most hat-tricks in El Clásico matches: 2
-Most goals scored in Derbi barceloní matches: 12 goals[194]
-Most hat-tricks, alongside Telmo Zarra, for a Spanish team: 31
-Most braces in La Liga history: 78
-First player in La Liga history to score 20+ goals for 7 consecutive seasons
-First player in La Liga history to score 25+ goals for 6 consecutive seasons
-First player in La Liga history to score 30+ goals for 4 consecutive seasons
-Most goals scored in the Supercopa de España: 10 goals

Barcelona;
-Top goalscorer in Barcelona history: 419
-Top goalscorer in official competitions: 391
-Top goalscorer in La Liga: 269[392]
-Top scorer in international competitions: 80
-Top scorer in UEFA Champions League: 75
-Most hat-tricks in Barcelona history: 31
-Most away goals scored in Barcelona history in La Liga: 117 goals
-Fastest Barcelona player to score a hat-trick: 17 minutes (2012 vs RCD Mallorca)

Ralhrang ISIS Thawhkehnak

1. ISLAM Biaknak : Islam timi hi biaknak minpakhat a si (arabic holh- Pathian sin i aa pumpe mi tinak a si), Islam biaknak a zum mi hna cu Muslim ti an si.
Krihfa kan Bible hi an pom ve ko i,, Adam, Noah, Abraham, Moses leh Zisuh hna hi Profet an si an ti, a donghnak ah Mohammed hi Profet nehhnubik le a liannganbik mi a si an ti.
An Pathian min cu Allah a si (monotheist hi Islam, Judaism leh Christianity hna lawng an um)..
Muslim tamnakbik, Arab mi hna khi Abraham salnu Hagar sin i a fapa, Ismaela tefa hna kha an si i, an chim ning ah cun Abraham nih khan Pathian sinah Isak silo in Ismael tu hi raithawinak i a pek mi kha a si an ti.

2. ISLAM Biaknak A Chuah Ning:
Mohammeda hi AD 572 april 22 ah Mecca ah a chuak i, cu caah Mecca hi vawleicung i hmunthiang 3 an ngeih mi hna lak ah an uarbik mi a si.
Hi lio caan ah Arab mi hna nih pathian phun 360 hrawng an ngei i, cu cu mohamed nih hin a duh lo i pathian pakhat lawng biakding a ti hna i, cu an pathian min ah cun ALLAH tiah a ti.
An cathiang cu( khrihfa Bible bantuk) Quran/Koran an ti i, Kuran hi Dal 114 ah then a si i, Dal fa te te in then than a si. A min ah 'Surah' an ti. Dal kip nih min an ngei ( tahchunnak ah, Sura 1 nak cu 'Al- Fatihah', surah 114-nak cu 'An-Nas')..

Kuran Dal 112:1-4 ah cun-
"Allah hi Pathian um chun a si i. Pathian cu sermithil hna nih a duhherh caan paoh i an biakmi a si. Aho hmanh a hring hna lo i, a ho hmanh nih an hring loh" ti in aa tial.
Qurana,ah hin Profet mohamed sinah Vancungmi Gabriel aa larnak kong te hna tampi aa tial. Mohammed hi cathiam lo mi a si i, Kuran hi tialcia in Gabriel nih a pek mi a si tiah an ti.
Mohammed kum 40 a si kum, Ramadan thla, thiltikhawhnak zan a timi ah Hira lungkua i a um lio ah larnak a hmuh i, mah cunak cun Islam biaknak hi a hung chuak mi a si.
Quran Dal 53:20 hi satanic verse an ti mi kha si..

3. SHITTES (SHIA) LEH SUNNI: Mohamed cu AD 632, june 8 ah a thi i, a thih hnu in muslim hna hi cheuhnih ah an i then, Shia leh Sunni tiin kawh an si.
Mohamed chawngtu CALIPH si cu an i cuh:
1) Mohamed chawngtu caah caliph 4 a pawm mi hna buu hi SUNNI an ti i, muslim 90% hrawng hi sunni an si..Iran leh Irag hrawngah an tambik. Caliph hmasabik i an pawm mi cu Abu Bakr kha a si.
2) Shia buu pawl hi Shitte tiin kawh an si i, an ni nih cun mohamed chawngtu ah Ali-an pawm ve. Ali- hi a mah chawngtu dingah Mohammed a thih hlan i a ham cang tiah an ti ve.
Hi hna buu hnih hi Islam ve ve an si ko nan an pawm ning aa dan ruangah an i hua ngai ngai.
Atulio i ISIS(khrihfa a that cuahmah tu hna khi) kan timi hna khi SUNNI muslim pawl an si, ISIS ti hi cu Islamic State for Iraq and Syria tinak khi a si.. A hlan ah cun ISIS hi ISIL (Islamic state in Iraq and Lavent) ti a rak si. Tu ah cun IS ti zong in an kawh hna.
Sadam Hussein kha Sunni muslim a si i, 2003 i thah a si hnu khan mi tlawm deuh Shitte muslim hna nih Iraq ah nawlngeinak an co i, cu caah mitam deuh Sunni pawl an lung a fak peng, A tu i buainak a hrampi zong hi nawlngeihnak lak than a duh ruang ah a si.
Tu i an i timhbik mi cu Iraq khi sunni muslim ram i ser, cun, syria,.. vawlei pumpi ti bak khi a si!!!

5. ZEIRUANGAH DAH BIAKNAK DANG A BIA MI THAH AN DUH:
Muslim pawl an i cawnpiaknak ah hin, minung vialte hi Allah sermi lawngte an si i, a ho hmanh sual cia i a chuak mi kan um loh, Adam sin in sual kan i hrawm loh an ti..
Allah ta kan si ruangah Allah sin ah kan i pumpek awk a si an ti, cuti i kan i pumpek lawng lawng ah Muslim kan si kho an ti, muslim a sullam cu 'Pathian (Allah) sin i pum i pek" tinak a si.
Aho hmanh Allah sin i a pum aa pek duh lo i, biaknak dang a zulh ah cun a mah cu Allah hlawtu a si ruangah thah ding; mah cu cu a thianghlim mi tuahsernak a si, ti hi an i cawnpiaknak a si, Cu caah, muslim a si ve lo mi thah hi sual a si loh!!, Allah caah thiltha kan tuah ti hi an zumhning a si ruang ah biaknak dang a zulmi hna i an rembak hna loh.Thi dih hna seh ti hi an duhning a si.
Biaknak min i raldonak, "Jihad" an timi hi 'to strive' tinak a si i, Jihad hi phun 5 a um:
1) Jihad al nafs: pumpak chunglei i donak
2) Jihad al shaitan: setan he i donak
3) Jihad al munafiqeen: mi zermi hna he i donak
4) jihad al faasiqeen: Muslim misualpawl he i donak
5) jihad al kuffar: Mohammeda leh Allah a zum ve lo mi hna he i donak..

Hi bantuk phunglam an ngeih ruangah Jihad min in ral an tho i, muslim misualpawl le, muslim a si ve lo mi hna cungah kut an thlak khawhnak hi a si..
A cunglei i kan langhter mi in zeiruangah dah mi an thah lengmang, ngakchia zong zuah lo in an thah hna ti cu na fiang cang ko lai...
Hi jihad phung i tlaih in biaknak dang mi va thah kha an pathian caah thiltha tuah ah an i ruat ve, Hi hi vawleipi a thin a pahntertu zong a si.
Quran zongah hin zumlotu (muslim silo mi) vialte cu thah ding i forhfialnal voi 100 leng a um ..

6. MAHDI:
Cann donghlai ah kristian leh judaism hna i 'Messia' kan hngah bantuk hi an ngei ve i, a mah cu "Mahdi"/ "al-Mahdi"/ "almuntadhar" ti in an kawhmi a si, a caan ah cun 12th Madhi, "Imam Madhi" ti zong in an ti.
Mahdi hi mohamed tefa in a ra lai an ti, a min zong hi Mohammed ti a si ve lai. A ratlai ah nichuahlei (Iran) in muslim ralkap rual nih thantar(flag) nak(black) (al-Liwaa) i ken in an ra lai.
Vawleicungah a thingmi raldonak jihad hmang in a tuk lai i a tei hna lai, Muslim a silo mi paoh cu a thahdih hna lai, Vawleipi hi Muslim ramah a serlai . (tihnung in!!!)
Mahdi hi khamhtu a si loh i, biaceihtu ding le vawlei teitu ding ah caan dongh lai i a ra dingmi cu a si.
Krihfa hna le nitlaklei mi hna he remnak a ser lai, Judah pawl cu a thah dih lai i, Galilee in Pathian biakam bawm cu a lak lai, Jerusalem ah a chiah lai.. Bible a tlaucang mi, kan hmuhrih lo mi a hmuh lai i, Judah hna le Krihfa hna biaknak a hman lo ning a langhter lai.
Vawleicung ah sual a tlau lai i, Allah thiltikhawhnak in, thli, ruah leh thlai cung hna ah nawlngeihnak a ngei lai, mivialte sin ah rumnak le thluachuah a pek hna lai, Cu caah mivialte nih a mah cu an dawt lai.
Kum 7 chung bia a ceih hnu ah a thi lai..... Hi hi an zumhnak, an kalpi ning a tlangpi cu a si... A sautuk lai caah donghter ko u sih...

(Dawtmi U le Nau hna, Ca thiang nih a chim bang in Jesuh rat thannak caan cu a nai chin lengmang ko..
Vawlei ah sual a karh chin lengmang, zawtnak phun tampi a chuak,ram khat le ram khat kar ah i remnak a um kho ti loh,..
Kan vawleipi hi thawngchia nih nikhat hnu nikhat in a den chin lengmang..
A rau lai lo... kan zumhnak ah hin fek te'n dir ko hna u sih.. Khrihfa serhsatnak caan a phan deng cang hih... )

Pic ; ISIS Ralkap & Khrihfa An Thah Mi Hna

Cinkentlak Mifim Bia

1.I sumkhawhnak hi Sii thabik cu a si...

2.Zalon tuk hi nunhrawktu a si....

3.Na theihmi kha a dihlak in chimh hlah.Na thiammi vialte kha tuahthlu hlah..

4.Zei rian hman a tuanlo mi nih cun thilsual nganpi a tuah..

5.Mah hrang lawng a ruatmi nih cun palhnak nganpi a tuah cuahmah..

6.Mi phorhlaw nih cun a mah le a mah aa hrawk tawn..

7.Mi ngaihthiam hi a liannganbik phuhlam ning a si...

8.Phaisa tampi nih mino nun a hrawk...

9.Mi tangdor cu thilfir minak in aa miak deuh....

10.Mi nunnem nih a mah kong a chim bal loh...

11.Hringtu Nu um lo nak Inn cu a kingtuk...

12.Zei caan paoh i thangpi'n Nih hi mi lungtlawm sinak a langhter...

13.Na kawmhmi na hawi le in na sining a langhter.

14.Thil a theihmasa si i zuam, na holh tlawm law, fawiten na thin hanter hlah....