NUPI KAWL NING PHUN-HRA

1: Nupi caah cun Nu hi an t့ha bik ko, ( tulio ah pa le pa, nu le nu ai t့hium mi an tam tuk cang)

2: Na helh cuahmahmi Nu cu zeibantuk ziaza/lungput a ngeimi dah a si ti kha hngalhkhawh i zuam hmasa. (nungak tamdeuh hi cu an Nu le lungput an keng ti a si)

3: Pa zong hi kan tlamtling thluloh ti kha philh hlah law na mit zoh sangtuk hlah. Hi Nu hi nupi dingah a tha hngamaw? ti na ruahlio ah khan, hi Nu pasal hi ka si kho tak tak hnga maw? ti zong kha i ruat.

4: Muidawh ruang i Nupi a t့himi nak in, ziaza t့hat ruang i Nupi a t့himi paoh hi an i chirlo deuh.

5: Nupi na t့hit tik ah na Nupi lawng silo in a chungkhar, a chungkhat vialte zong na t့hit chih ti kha philhhlah.

6: A si khawhah cun nangmahnak i upa cu hrial ko hna. Pa cu kum-60 tiang kan tlangval ti a si khah!

7: Biaknak, fimthiamnak, ngeihchiah tbk.., ah nangmah he level ai khatmi na t့hit khawh ah cun chungkhar ah buainak a tlawm deuh hrim hrim la.

8: Nupi ding i na duh tak tak mi Nungak na hmuh ah cun na ralt့hatnak vialte chuak law na duhnak kong kha chim ko. Caan nih a liamtak ah cun vava na tum sual la!

9: Thilpuan,thukboih tbk.., a uartukmi Nungak cu hrial khawh i zuam. ( phaisa khawn an thiamloh ti a si)

10: Nungak helh ding nai hmuhbaklo a si ah cun a tu in chun he zan he, rawl zong ul ko, Pathiam sin ah thlacamnak in hal. "hal u law pek nan si la", tiah Bawi Jesuh nih a kan kamh ko khah.

NUNGAK le NUTUNG HNA CAAH BIACAH TLAWMPAL

👉 Vangeih hmanh na ngamh ah cun harnak tuar zong na ngamh chih a hau.

👉 Na va le chung cu na cung i an that lemlo zongah rak i in koh, nai lomlonak kong kha na chung le va ruah len hna hlah, buainak a tamtertu a si la, harnak tawnglo cun chungkhar nuam dirh khawh a siloh.
👉 Na va le chungkhar na dawt/tlaihchan peng ko hna ah cun na cungah saupi an sual kho laloh.
👉 Na va sinah khan an chungkhar thatlonak kha ruah lengmang hlah.
👉 Na vapa leh a chungkhar karlak ah remnak a sertu si vai zuam peng.
👉 Herh huaha lo ah nan inn ( na chungle sinah) ah va kal lengmang hlah. Mi ta na si cang.
👉 Mi sinah na Va/a chung le kong kha va ceih hlah.
👉 Khuatlik i foihtuk hlah.
👉 Na pasal cu midang pasal he a chia lei in tahchunh hmang hlah.
👉 Na Pasal upat pek thiam i zuam, Va le a teituk mi Nupi va si hlah. Nu nawl a ngeitukmi chungkhar cu chungkhar nuam an si balloh.

KA NU NIH KHAN LIH A RAK CHIM

A tangchungah a ka pawm i,
"Ka fa vawleicungah ai dawhbikmi na si" tiah a ka ti.
Ka Nu nih khan lih a rak chim!

A ka puak, a ka cawi, a ka awih,
"Ka liang a fakloh" tiah a ti.
Ka Nu nih khan lih a rak chim!

Ka zaw i, keimah ruangah zankhua a dei,
"Ka baloh, ka cei hrim hrim loh.." tiah a ti,
Ka Nu nih khan lih a rak chim!

Ka duhmi thil ka hauh caan ah,
"ka fa dawt, na caah cun zei paoh ka ngeih" tiah a ti,
Ka Nu nih khan lih a rak chim!

Tirawl a thawmi paoh keimah a ka pek i,
"Ka fa dawt,nangmah na paw a khimah cun kei zong ka khim ve" tiah a ti,
Ka Nu nih cun lih lawngte a rak chim!

Keimah caah chawva tampi dih a herh caanah,
"Na lungrethei hlah, phaisa a umko " tiah a ka ti ,
Ka Nu nih khan lih a rak chim!

A tu ah cun ka hawng upa i,
hiti hin khua ka ruat;

Muidawh ka sinalo in ,
ka Nu mitah cun muidawhbik ka rak si,

"Ka liang a fakloh.." a titu kha, Nu lakah Nu tiatumlobik a si!

"Ka baloh, ka cei hrim hrimloh" a tilio ah khan, thawnnak thazang hrim hrim a ngeiloh ,

"Ka fa dawt, na caah cun zeizong vialte ka ngeih" ti tu ka Nu kha,
Mi sifakbik mi a si!

"Ka fadawt, na pawkhimah cun kei zong a khim ve" a ti ko nan,
Keimah ruangah rawltam tihal i a um caan hi a tlawmloh,

"Na lungrethei hlah, phaisa a um ko" a tilio ah khan,
Ni lin le Ruahsur tangah rianhrang tuan in chunni a rak tla!

Ka Nu nih khan lih a rak chim!
Asinan, cu thil hna cu a ka Dawttuk ruangah a rak si,
Ka Nu nih cun lih a rak chim ko,
Lih vialte lakah Duh a nungbik mi lihbia an si,

Nu le DAWTNAK hi zei he dah kan tahchunh hnga?
Pathian nih minung a kan DAWTNAK dah tilo cu,
Nu le nih Fa le an kan dawtnak bantuk i a sungmi DAWTNAK hi
a um ti hnga maw....???????

★LOVE QUOTATION★

1. Duddawtnak cu Tenis i celh bantuk a si. Na Service a thatlo ah cun na sung peng ko la . -Dan P. Herod

2. A dong kholo mi ngaihthiamnak hi dawtnak thilti mi a si. 
-Peter Ustinov

3. Dawtnak tampi a ngeimi nih cun a dawtmi hna sin in dawtnak tampi a hmuh than ve. -Thomas aKempis

4. Dawtnak i a rawltam mi cu Rawl duh i a rawltam mi he tahchunh khawh a si loh. -Mother Teresa

5. Na dawhtuk ruangah kan duh a si loh,Kan dawttuk ruang tu ah na dawh hi a si deuh. -Richard Rodger

6. Dawtnak tak tak cu dongkholo mi ngaihthiamnak le zawnruahnak in a khat. -Peter Ustinov

7. Huatnak nh cun lungfahnak hmapel a ser i, Dawtnak nih cun lunglawmhnak pangpar Thi a awih hna. -Mignon Mc laughlin

8. "Mi va daw law na lung aa nuam la",ti hi thilfawi te a si bantuk in a har tak tak mi zong a si fawn. -Michael Leu Nig

9. Dawtnak cu mei bangin a alh zungzal awk a si. -Henry David
thoreau

10. Dawtu si ve lo i, mi dawtmi lawng si aa tim mi cu vawleicung i mi sifakbik a si. -Oscar wilde

11. Na dawtnak cu mi caah lunglawmhnak tak tak a si bantuk in , nangmah hrang zongah lawmhnak an petu a si ve thiam thiam ko.
-Robert Heinlein

12. Kan i dawtnak ruang i pumkhat kan sinak hi zeitluk in dah a thuk ti kan theih khawhnak cu, kan i hmuhthiamlo caan i kan umtu ning ah hin theih khawh a si. -Alexandra Penney

13. Dar hi tuk hlan ah cun dar a si rih loh i, Hla zong hi sak hlan ah cun hla a si rih loh. Na thinlungchung i a ummi dawtnak zongkha mi sin i na pek hlan chung paoh cu DAWTNAK a si loh. -Oscar Hammersein

14. Caan hi a hngaktu caah cun a sau i, ai nuammi hna caah cun a tawi tuk. Asinan, dawtnak chung i a um mi hna caah cun zungzal a si.
-Henry Van Dyke

15. Dawtnak chung lawngah hin lungrualnak a um i, buainak chungah cun dawtnak hi a um ve loh. -Robindranath Tagore

16. Dawtnak leh tangfah (khuh khuh) cu thuh khawh an si loh. -George Herbert

17. Mirum hna nih dawtnak hi tlawmte lawng an hngalh i, Misifak hna nih cun dawtnak a sunlawi zia hi fiangtuk in an hngalh.
-Oscar Wilde

18. Dawtnak a petu si lawng hi kai za loh.
Mi dawtmi ka sinak zong hi chimlo in ka um kho loh.
-George Eliot

NUNGAK PAWL CAAH THEIHTLEI

(tutan cu nungak pawl hrangah siseh grin emoticon )

¤ Na mithmul na phawi laiah namit tlangah khan cream tlawmten thuh hmasa. Cun, minute 10 hnu ah phawi hmanh. A fawi deuh hrim hrim ko lai.

¤ Na mithmul kha chahdeuh i langhter na duhah cun lachawn ah powder chia law, cu cu na mithmul ah thuh, mahcu hnuah mascara thuh than.

¤ Face powder na hmanlai ah ; na hmuhning nak in na hmaiah khan a rawng langh ning a fakdeuh ti philh hlah.

¤ Na Hmursen Sii (lipstick) aa kiak/tan sualah cun khatlei ve ve kha meiin khang law pehthan. Cun fridge chungah nazi cheu chung hrawng chia.

¤ Na tin a nemtuk maw? Khauhseh ti na duh ah cun tikik ah cite cawhlaw nikhat ah voithum-mintue 2 hrawng ciah lengmang.

¤ Zihmui(Perfume) na taksa a langhnak i nai thuh ah cun nilin lak ah um hlah. Zihmui thuhnak zawn kha ni nih a lak khun. Na nah a zual la grin emoticon .

¤ Na thilpuan cungi zihmui kahnak in lachawnah khan zihmui kap law, lachawn cu na bawli (bra) chungah chia ziar law saudeuh na hmuila.

¤ Khayan-chinti (Tomato) hang nih hin hmai i riim a ummi, chapiat nih a thianhkhawhlo mu kha a thianter khawh.

¤ Alu dip te'n riamlaw hmaiphiahnak ah hmang hmanh. Hmaibo, hmaikang tbk caah a tha ngai ngai.

¤ Zan na ih lai ah thukboih(make-up) na thukmi kha thianter lo in it hlah.
Hmainih a huattuk mi a si khah.

¤ Na kut tin khauh le tleuter na duhah cun serhang leh glycerine chawhmi in minut 3 chung na ciah la.

TLANGVAL SIN BIACAH;

Na nungak nu kha nangmah cawmmi a silo khah,
I uarlio hna ah hin cun na tang i kunter peng i tim hlah.

Nangnih nungak pawl na chawnh(chat) len hna le, a nih vial tlangval hmanthlak voikhat te comment a tuahmi na huat tuk hawi... tha ten i ruat..

Na dawttuk ruang i na haknak kha
Thinhunnak ah chuahter hlah

I haknak hi thlai hrangah dawm(leitha) a si ko nan, Dawm tamtuk pekmi thlai cu an molh i thei a chuah kholoh.

Na nungak nu kha midang he kop hna hlah, a nih zong nih kop dingmi tlangval tampi a hmuh ve ko hna.

Vawleicungah hin nangmah lawng tlangval na siloh.
Na nungak nu kha thi deng i a uartu tlangval tampi an um ve khah.

Ka nungak nu nih a ka then ngamloh ți ah ruathlah,
An zangfah ruangah Tlangval dang nih bia thlum thlum i an lem zongah ai chan pengnak kha a si cuh.

Nangmah bantu te khan thluak a ngei ve i, ruahning zong a ngeive mi a si.
A ruah ning zei relpiaklo in nangmah ruahning lawng i na kalpi pengah cun, zalonnak kawl in an kaltak te la. (Nangteh na ruahnak zeihmanh chimkholo in ekinn chung i kumh na duh ve maw....)

Pa na sinak kha na kuttum nganlei in tah hlah, na thahri thawnnak khan hrocer len hlah . Pa na si tak tak ah cun Nu mitthli a hnawh piak khotu na si hrim hrim awk a si....

Hngalhkhawhlo Nu Lungput

* Nu nih a biapibik i an chiahmi cu PHAISA hi a si.

* Phaisa tampi ngeih hi an duh ko nan THILPUAN man fak tak tak mi an i cawk thiam thiam ko.

* Thilpuan man fak fak an ngeih bu zongah HRUK/EIH ding ka ngei loh an ti peng rih ko.

* Hruk/eih ding ka ngei loh an ti ko nan DAWH tak tak in an i tamh kho peng.

* Dawh tak tak in aa tamh kho ko nan aa hrukmi a THILPUAN ah a diriam kho loh.

* A thilpuan cu a lungduh sihlah hmanhsehlaw NAI REMTUK ti i fakpiak a duh.

* Na thil cu nai remtuk tiin hei fak hmanh KA ZUMLOH an ti than lai...

.. Hum.... Nu ngai hi cuh aw........

NUNGAK LENG U AI PHUANNAK

Nungak ka thiam ka ah cun Val U pawl nih an ka terh, Leng U ka si hnu ah Val No pawl nih an ka terh .!!

Helhtu ka ngeihlio vialah Chungkhat-cingla hna leh hawikawm nih a caan za rihloh an ka ti, ka tawn tilo hnu ah pasal na ngeih ballo an ka ti. !!

Ka hruhlio ah an Mo si ding ah an mit ka thi ngai, ka fim hnuah cun an ka ngaih lah tuk hoi . !!

Ka ningzah panlio ah langval nih an ka zulh-dawi, ka ningzah tilo hnu vial ah an ka kaltak dih . !!

Lengchuah ka huamlio vialah "na vaktuk - inn ah um ziziar" an ka ti, len-vah ka huam lo hnuah Inn rumro ah nai benh ti ka si than . .!!

Ka chung le nih ka innleng ih tak hna seh ti ka duhlio vialah zei herh um tunglo ah zantim tiang an thu, innleng kawmh ka huam tilo hnu vial ah tuan ten an kan ih tak diam.. !!

Kai tamhlo ah zeitin hme Va a tawn reng la an ti, kai tamh deuhah tar hnuah Nungak a thiam than an ka ti...!!!

***Na pawngkam ah Leng U an um maw? Ra daw cik cek hna u..... An dirhmun ah dir ve law na lungre a thri ve ko la grin emoticon

Rak Rel Ve Hnik

Phunkip Cawh...

1.Zawnruah mi si na duhah cun um saw sawh hlah.

2. Pathian tih cu "sual huat" hi a si.

3. Mi lianngan nih cun midang liannganhnak a langhter peng.

4. Mi hnahchuah a hmangmi cu i nuamh caan an ngei kho loh.

5. Tumchuknak i mi a hruaitu bik cu beidonghnak hi a si.

6. Thilrit hi lunglomhnak he na phorh ah cun a zangte ko lai.

7. Thilhman/dik a tuahtu nih cun biaceihnak a tih balloh.

8. Biahman na chim ah cun zeitik hmanh ah na ningzak la loh.

NUNGAK LE TLANGVAL CAAH;
😀😀😀😀😀😀😀😀😀
1. Nu le pa sualnak(sex) hmang in na duhnak fianter an hal pengtu cu kaltak ko .Virginity hi fiah a si bak khan a dih bak ve.

2. Thil an pek lengmang ruangah i lunghmuih tuk hlah. Khal thil hna kha na caah 'rap' an si kho men.

3. Rumnak duh ruang i nupi/pasal a ngeimi nih cun a zalon nak kha a zuar.

4. Na duhtuk mi nak in an duhtuk tu kha Nupi/pasal ding caah ah a tha deuh.

5. Pakhat le pakhat i zumhlo nak nih hin thangchiatnak a chuahter tawn.

6. Mi helh a thiamtuk mi pawl khi mitpar an tam grin emoticon

7. Na fian set sailo mi kongah biathentu va si hlah.

8. Na duh ning paoh i na tuahlhawhmi cu Nupi/Pasal ding ah an tha tak tak loh.

9. Na sinah, na hawile/a hawi le kong a ceih lengmang hna ah cun nangmah kong zing kha a rak in ceih lengmang cang ti kha thei koh .

10. "Cu ruang/kha ruangah ka duh", timi nak in, na duhnak cu na nunchung a deih la maw timi kha a biapi deuh.

11. Na palhnak ruang i na tuarmi kha raltha ngai in i in koh. Rimnak ah na hman lai.

12. Nupi/pasal ding caah na lungduh bak na hmuh khawhlo ruangah hna beidawng in um hlah. Nangmah zong kha mi lungduh bak cu na si thlu ve loh ti kha philh hlah :Du

Tidil Hngaktu Thlapa, Vanmi Ngaknu le Tidil

Hlan lio ah khin ai dawh takmi pangpar dum pawngah tidil pakhat a um. Cu tidil ahcun pangpar dawh tete zong an um. Cu tidil cu thlapa timi tlangval pa te nih a hngah ti si. Tidil hngaktu thlapa nih cun cu tidil ahcun vanmi ngaknu pakhat telawng ti kholh a sianh ti si.

Cu tidil hngaktu thlapa nih cun vanmi ngaknu te cu a dawtuk ti si. Vanmi ngaknu a mithmai chiah ah hin a mitthli tla cang. Nain vanmi ngaknu nih cun tidil hngkatu a dawtnak a theihthim chim lo a zoh hmanh a zoh thitha bal lo.

Voi khat cu tidil pawng pangpar dum ahcun vanmi nu te le tidil hngaktu thlapa cu an I tong ti si. Thlapa te nih cun a ka hmuh lai I a ka theih ko lai tiin, “Vanmi ngaknu te na rak I chawk ve maw?” tiah a hei hal. Vanmi ngaknu te nih cun a van zoh I, “Zaangfahnak tein a ho na si kan fiang lo le na ka chim kho hnga maw?” tiah a van hal than. Tidil hngaktu thlapa nih cun, Ee, a ka fiang lo le si lai, tidil hngaktu ka ti ah khan cun a ka theih ko lai tiin, “Tidil hngaktu kha ka si” tiah a hei ti than. Vanmi ngaknu te nih cun, “Awww,, Nika kha maw na si?” tiah a van ti ai. Tidil hngaktu thlapa cu a ka theih theu lai ti in a chim mi ah vanmi ngaknu nih theih lo in midang pi a van chim cu a ngaihchia tuk i tidil hngaknak te tu ahcun a kir than. Asinain Thlapa te I a dawtnak nih cun a lungfahnak cu a tei I tidil te ahcun vanmi ngaknu te cu a kholh sianh thiamthiam.

Nikhat cu vanmi ngaknu te nih cun tidil hngaktu thlapa sin ahcun hi ka tidil te ah hin k arak I kholh kho ti ding ka zum lo tiah a ti. Thlapa cu a ngaihchia tuk. Ka tidil hi maw a hnawm hnga ti, ti put zoh a tha ko. Ti luan nak zoh a tuang ko. Tidil zoh a thiang fawn ko. Tikam zoh pangpar dawh zong an par rih fawn ko. Asinain tidil hngaktu pate a van tha vanmi ngaknu te cu ti kholh a rak ra than. Asinain tidil hngaktu thlapa te cu a van chia. Cu hnu caan tlampal ahcun tidil pawng pangpar dum ahcun Vanmi pa pakhat he nuam tak in an lent i ko lai cu tidil hngaknak hmun cun a hei hmuh. Cun a tho I tawh ai lak le tidil kawtka ahcun mithli he a dir.

Thlapa cu vawlei um chung cu a ceu rih lai i tidil te a reu hlan paoh cu a hngak rih fawn ko lai. Asinain thlapa cu a ceu caan a tlawm tuk eh..Zan lawngah hmuh khawh a si pin ah ruahsur caan zongah hmuh khahw a si lo.  Khuadawm nih le a khuh ai foih tuk fawn. Amah te in le ceunak a ngei hoi lo. Nain a ceu nak cu a dai I nuam.

Nangteh Nai Telve Maw?

Caan Dongh Lai Ah Cun Hi Bantuk Minung Pawl Hi An Hung Chuak Te Laigrin emoticon

1. Zan zongah Ih caan a hngal ti lo mi.
2. Phone hmet zung zal mi.
3. Charger tel lo i a um kholomi.
4. Chungkhar sin i rawl ei a zuam lomi.
5. Facebook, WhatsApp, viber tbk aa molh chihmi.
6. Phaisa tlawnpal ngei cun ZUDIN aa tim pengmi.
7. Online khawhlo ruang i hmaichiat a hmangmi.
8.Phone hmai kaupi i ngeih i call balance aa ngeih ballomi.
9.Fb cung i midawt a thiam ngai ngai mi.
10. Laimi si tung i kawl holh le mirang holh rum ro i FB ah catial a hmangmi.

Nungak Le Tlangval Lungput Phun-10

1. Nu an lung a turbik lio caan cu Tlangval nih ,"Kan duh/uar tuk" a ti lio caan te khi a si i, Pa a lung a turbik lio caan cu Nungak nih "Na Phone no rak ka pe, please!" a ti lio caan te khi a si. grin emoticon

2. A hramthawk ah cun Tv nih,"nangmah bantuk i ka duh mi hi an um rih loh"a ti i, Ng nih,"mi phun dang te na si, nangmah tluk an um loh" tiah a ti ve. A donghnak ah cun Tv nih" Nu tham tham cu an tam tuk ko!"a ti i, Ng nih cun,"pa hi cu nan rak i lo dih ko hme hi!" tiah a ti ve. tongue emoticon

3. Nungak hrut nih Tv zumhtlak lo a zangfah i, Tlangval hrut nih Ng lerh a ngaihthiam!

4. Tlangval cu Nungak pumrua nih a lung a tuai tam i, Nungak cu tllangval hmurka nih a lung a tuai tam ve!

5. Thlalang hi Tv nih cun sam zohnak ah an hman bik i, Nungak nih cun an pum dihlak an i zoh i, a donghnak ah an tawtawk zohnak ah an hman!

6. FB cungah, pa nih cun a hawi pa hmanthlak hi zoh an zum lem loh i, Nu nih cun a hawi nu hmanthla hi ai tamh ning, a thilpuan tiang in a zoh cik cek!

7. Tlangval hlawhtling mi cu Nupi le herhbaumi vialte a cawkpiak kho ding tiang i phaisa ngei a si i, Nungak hlawhtlingmi cu mah bantuk tlangval a va kho mi khi an si!

8. Pa nih cun Nungak i a tlangval hmasabik si a duh i, Nu nih cun Tv i a nungak neh hnu bik si a duh ve!

9.Tlangval ralthuam thabik cu thluak leh hmurka a si i, Nungak ralthuam thabik cu make-up leh mitthli!

10. Nu nih a zia ka thlenkhawh lai ti i ruahchan in a vat i a thleng kho hlei loh. Pa nih cun a zia a tha ti'n a thit i a zia cu tamtuk in aa thleng hawi!!!

Hi bantuk minung hi na si sual maw?

# Chungkhar sinah hmur i bo,
Mah lawng Phone tawngh vialah mirh zung zal .

# Nupi/Va le nih phone tawngh piak lai tih.

# Chungkhar sin vialah thintawi ngai,
facebook/viber chung vialah mi nunnem ngai i lawhter.

# Chungkhar sin vialah chim ding theih huahalo,
FB leh Viber vialah catlo i mi a chawn kho tung mi .

# Innleng ngeih lio zong i Phone kheuh zung zal.

# FB status ah bia thlum thlum tial i,
Chungkhar vialah hringhro chiat ngai..

# Thawngpang thar theikho ngai tung,
Thawngtha Bia vial theih hleklo.

# Pumhlio ah Phone a tawng pengmi.

# Ekput chung zongah Phone lo cun a lut kholo mi.

*** Kan hawile (laimi-laiholh a theimi) kha Group ah hin rak add cio ding in kan in sawm hna.

A Fekmi Dawtnak

(tuanbia sawsawh a si loh.a si tak tak mi a si)
Wang Zi-heng, hi Zhengzhou City, Henan Province, Tuluk ram(China) i a ummi an si. kum 6 a si lio ah an sang i ngakchia nute Xiang Chung (a mindin Xixi ) cu voikhat a hmuhnak in a duh colh i Xixi sin in a mit thial a siang ti loh. A nu leh pa sin ah a upat tik ah nu pi i thit a duhnak kong zong a chimh hna.a nu leh pa nih cun ngakchia bia tiin zei ah an relpiak loh. Asinan; sianginn ah siseh a lenvahnak zongah hawidang kawm lo in an mah pahnih te lawng cu an i zulkhalh peng an hmuh tik ah an lung cu a hring pah ve.Cuti cun; i um hna sehlaw an i remtuk la an ti i monu leh mopa thum in hman an thlak hna. Wang'nih a upat tik i a biakam mi a philhnak hnag lo tiah tha ten an fim piak.Cheukhat nih cun hi bantuk hi cu ngakchia duhnak(childhood sweetheart) men a si i a lo than te lai tiah an ti. Cu lio ah cun Wang-te chungkhar cu khuadang ah a thial ding an si. I then ding an si cang. A dawt he cun nifa ten an i kawm kho ti la loh ti a rauh ah a ngaihchia tuk, 'Ka dawt, tluandang hram a fah hi..' an rak ti bang khan.......

Kum cu a liam thluahmah i, Wang-nih kum 6 a rak silio i bia a rak i kam bang in kum 18 a hung si cun a ngakchiat lio i a rak duhtuk mi a Dawt kawl ding in aa thawh, asinan; an Dawt min cu 'Xixi ti te lawng a theih mi a si.A minfak a thei ti loh. A dawt le chungkhar zong cu an umnak khua in an rak i thial cang caah khua kipah lut in a Dawt cu a kawl thluahmah, vanthat ah Wang- i a nu le pa nih cun Xixi chungkhat an va hmuh hna. Thil sining vialte an chimh hna hnu ah Xiang Chung (Xixi) cu an va tawn khawh. Cutin; hlunghlai ngai in thitumhnak an tuahpiak hna, An i umh ni ah hin an ngakchiat lio i monu leh mopa thuam in hman an rak i thlaknak hmun ah khan an kal i hman an i thla than.

(Pic.: Kum 6 an si lio ah an i umh ni i an hmanthlak!)
A real-life fairyt

  

Hmelchunh Leh A sullam

1. Kiu in banrek kar i a um mi - An i nuam, caarel an zuam.

2. Ban hram i a um mi - An tluangtlam . Tei an ma fawn.

3. Liang keh-lei - Mi sik cak/zai a huam tak mi; mi thintawi an tam.

4. Liang vawrh/awrh-lei - Zumh tlak, mi ding an si.

5. Tai i a um mi - Mi lawmh thiam, mithmai panh an si.

6. El vawrh/awrh-lei - Mi bia al/el an hmang loh, mitha an si.

7. El keh-lei - Mi dai, mi taima an si.

8. Khup keh-lei - Mi thekvak tha, zei ruat lem lo an si. I tamh an uar i phaisa hlauh an cak..

9. Khup vawrh-lei - Mi tha tak tak, tihzah mi an si.

10. Ngal rek - Mi dai, mi khul nuar/fum an si.

11 Ke za - Mi lungleng, mahlawng um a duh mi an si.

12. Cal/Mit tlang - Thil an ti kho. Mi cungah an um

13. Cal ki- cekeh lei kam - Mi thathu, huat tlai tak tak mi an si.

14. Mit sir - Mi tihzah mi leh mitha an si.

15. Hmai/biang - Mi dawt an thiam, mi an daw tak tak.

16. Hmur , cung leh tang - An holh kho,an zer fawn. Vah an cak.

17. Hnar - An vikvak a tha, an i tawlh.

18. Hngawng/hrom - Hawile caah an tha, Mi dai an si.

19. Tang, vawrh-lei - Tei an rial, an khuaruah a tlawm.

20. Tang, lai fang - Mi sik an cak,mi palhnak an hmu kho, an i uah.

21. Tang, cekeh=lei - An thintawi,an ruahnak a tlawm.

22. Hnak vawrh-lei - Mi thathu leh mizer an si.

23. Hmelchunh i hmul a kheu mi- Mi vantha, mi hlawhtling mi an si.

Na hmelchunh umnak kha vawn i zoh ve hnik???????????

Theih Na Herhtuk Mi

# Na hmanthlak a hlun tuk, a siloah, a hnawmh tuk a si ah cun lachawn ah ဓာတ္ဆီ(petrol) tlawm te tawih law, hnawt. A thiang/thar than ko lai.

# Na Tumbul kha a hrenh(screw) aa lawng tuk maw, khachuan rang ah chun law a ban la i feh ten na hrenh khawh than la.

# Thi, Tumbul le Kutdonghrawlh hna hi a haarnak te a um sual ah cun michun le thil a awh an hmang. Cu caah cun a haarnak zawn ah khan tinsen sii( nail polish) rang-(rawng a ngei lo mi ka ti duhnak) thuh law a haar ti la loh.

# Na thilpuan ah thi aa neh ah cun, cite hang in na ciah hnu ah su than law a thiang ko lai.

# Na thilpuan ah cahang(ink) aaneh sual ah cun cite leh ser hang in suimilam 2 chung hrawng ciah hmasa law su than te.

# Savun kedenh hi buar a hmang. Buar hlahseh ti na duh sh cun glycerine in hnur piak lengmang.

# Savun kedenh na hnur lai ah kedenh sii ah khin ser hang tlawm teh cawh law a tleu khun la. Na keden sii a ro ah cun tisatlok chungah ciah law voikhat cu na hman khawh rih lai. tongue emotic

grin emoticon

Thengloh... Capo-Biatak...

*Nungak bawngbi tet (tight) ngang i aa hruk mi pawl khi phoih an i harh theng loh.

*Meeting nak hmun i holh tam pawl khi tuan lei i mi teirial an si tlu theng loh.

*Thlacam tawi poh hi piangthar lo ruangah a si theng loh.

*Lakphak dawr i a thu tti mi poh khi aa daw mi an si theng loh.

*Malay i a kal mi poh nih inn lei phaisa an kua tuk theng loh.

*Hlasak thiam poh an mui a chia theng loh.

*A ler tuk na ti mi ngaknu pawl nih khin an in uar ve theng loh.

*Pathian riantuantu a si mi poh hi Nungak he khual tlawn tti ding ah zumtlak an si viar theng loh.

*"Rian kan ngei loh" a ti mi poh nih rian kawl an i tim theng loh.

*Khrihfa Upa a si poh hin an piangthar theng loh.

*Biak inn chung a um mi vial te nih thawngtha bia an ngai theng loh.

*Phone tha aa tlaih mi poh hin chawn tu an ngei theng loh.

*A ttap mi poh khi an ngaihchiat ruangah a si theng loh.

*Laimi nih Beer din hi sual ah kan ruah tuk theng loh.

*Phone chung i Bible a chia mi poh nih an rel theng lo.

*FB cung i na photo comment nak ah "na dawh/remtuk" an ti mi kha na dawh/rem tak2 tinak a si theng loh.

*FB cung i na photo LIKE an pek mi khi na uar tak2 ruang ah a si theng loh.

DAWTNAK KONG TLAWMPAL

1. Dawtnak tak tak cu hmur aa cip lio caan zongah a holh thiam thiam ko.

2. Dawtnak Ralpi chungah cun a sungtu cu teitu an rak si ziar.

3. Mitthli hi thinlung muril chung in a hungchuakmi holh phunkhat a si.

4. Dawtnak nih cun thil vialte a tei dih ko nan a diriam kho bal loh.

5. Dawtnak cu mei bantuk a si i, zohkhenh peng a hau.

6. A harbik raltuknak cu DAWTNAK RAL i tuk hi a si.

7. Nangmah nih na dawt hmasa lo ah cun rak ka daw tiah, a ho hmanh na fial kho hna lai loh.

8. Dawtnak a biapit hngalh na duh ah cun nangmah nih mi va daw hmasa hna.

9. Na dawtnak cu hmurka lawng si lo in tuahsernak zong in langhter.

10. Dawtnak i a harbik mi cu 'kan dawtmi hna nih kan dawtnak zei i an kan rel piak lo mi hi' a si.

Paw-puar Mi Nu Caah ( a hlei in nungak body dawhter a duhmi hna caah)

Tulio chan tiluan nih nungak pawl a kalpi mi cu sexy nawn te i,grin emoticon .. Cu caah cun, paw-puar mi hna caah a zorternak a fawibik mi kan chim hna la...

i tamh hi a si. Cu caah cun, sexy nawn te i angki nai hruk duhah cun na tungtai kha na remh hmasa a herh.... Lai nungak cheukhat cu paw-puar (nau pawi ruangah si lo mi) mi an tam ngai... angki tet nawn te i an i hruk tik ah zoh a chia ziar.

A hermi thil;
1. Reite( သံပုရာသီး )
2. Khuaitizu
3. Cite tlawmpal

A tuahning;

1. Reite thei kha pumkhat te te in cite in na hnuai la (minute 3 chung hrawng, cun ti in na tawl than la )
2. Reite cu ti a ciarmi ro lak in na chiah ta la.
3. Reite cu a hawng he khan pum viviai ten na riam hna la (hmanthlak bantuk khin)
4.Dur a siloah palang ( a hngawng a nganmi) ah khan reite na riammi perkhat na thlak lai i, khuaitizu darkeukhat (steel darkeu) na toih la(reite chung ah khan khuaitizu lut ding in na toih la)
5. Na tuah dih in ti na toih la( ti kha tampin na toih la loh. reite na chiahmi a hnim thlu ah cun a za.. hmanthlak kha zoh koh)
6. A chin na chinh lai i tikhal bawm (ရခဲေသတၱာထဲ) chungah zan 3 chung na uam la.

Ei din ning....
- Zing thaithawh ei lai le zan ih lai ah reite perkhat le a hang darkeukhat in na din na ei la...
- Zarhkhat chung na ei ah cun na paw a puarmi a zor deuh hrim hrim lai..
A zorlo a si ah cun nau na pawi le a si la... heeeeeeeee

Hawi He Hmunkhat I Rawl Nan Dum Ti Tikah

1. Rawl na ei tik ah na ka khat tuk in i tuh hlah.

2. Na ka chung i rawl a umlio ah holh tuk hlah.

3. Tihang/dinhhang na dintik ah awnlo ding ten na din lai. (cheuhkhat cu faktuk in an dawp i "hruk" tiah a awn tawn)

4. Rawl thlawlo ten ei i zuam.

5. Saruh/Ngahling tbk na ei ciami kha a chiahnak ding kheng chungah thaten na chiah la. A chiahnak kheng a umlo ah cun na kheng pawng te ah khan thaten na chiah la.

6. Rawl na eitik ah hakkautuk le rianrangtuk in ei hlah. Duhsah ten ei i zuam.

7. Rawl na ei tikah na kiu kha cabuai cungah chia hlah.

8. Rawl ei pah ah bia tamtuk in chim hlah. A nih zong ni tuk hlah.

9. Kut i rawl na ei a siah cun na kut ah khan buhfang kha kawpter hlah.
Haileng i na ei ah cun haileng thawng umlo ding te'n ei i zuam.

10. Cabuai cung i chiahmi ei dingpawl kha na kut dong in va sawh len hna hlah.

11. Angki eih/hruklo in rawl ei hrim hrim hlah.

12. Na pawngkam thumi hna kha an mah hal hmasalo in meh va suah hna hlah. Suah na duh hna ah cun hal hmasa ta hna.

13. Rawl ei lio ah irh,hahchiau le khuh ko ding ten i ral ring. Rawleinak pawngah hnap le khak cha hlah.

14. Zapi nan i hrawmmi meh/tihang pawl kha na rawleinak haileng khan va suak hlah. Haileng dang na hman la.

15. Rawl na khim in tikik hraikhat tal na din ta la....