Lai Phungthluk Dal-4Nak

314. Thaihlung mang manh in.
315. Thih hnu arthin tuh.
316. Thlaithlak long fahrin lawng.
317. Ṭhatnak zulh har, chiatnak zulh fawi.
318. Thingcia tih le rawl cia ei.
319. Thantlang bia le sanawng khai.
320. Ui nih ka zawn kaw, sa nih ka ek.
321. Uico hmanh nih rual hngal.
322. Upa le khuafa.
323. Utlak cho cuh in.
324. Uico lam hnawk.
325. Um-ser peipahau in rawl chuang hna.
326. Ui-hrut forh le naam-hnawl tat.
327. Uifir phuhrun in.
328. U ting nau zo.
329. U ro nih co kel.
330. Uico tlanghlawh thawh in.
331. Uico vak long, saruh tong.
332. Um a ci, mai a ruang.
333. Umhmun tual tuk in.
334. Umpu ṭha lo zutthawt in.
335. Upa ah bia, thingtum ah mei.
336. Va ngeih chosang kai.
337. Va te lianh le michia lianh.
338. Vaitlawng bia le tipil bia.
339. Vaipa a lam hmun ah lam.
340. Vanchia chan ah ral ra.
341. Vanni phuhlam.
342. Va cal kauh lo.
343. Vaibar lo te bang.
344. Vate sa ciap, hngakchia bia ciap.
345. Vomchu zat in.
346. Vompi a thau a hro kan.
347. Vomsa chumh bang zor.
348. Vui tu lai le sai at lai bang.
349. Vawlei zoh ah pit, van zoh ah saang.
350. Vanzuang hnachet bang.
351. Vokpi hnabeisei in.
352. Vomkhuai thla ngam, pasal ningṭi.
352. Vuilu cuar nganh, bawi biaal nganh.
353. Vuipi zor kaw cawpi tia.
354. Zaang nih fimtei hlah.
355. Zaiduh in sa, biaduh in chim hlah.
356. Zaankhat nih zaanhra tluk.
357. Zawhte meiluah in.
358. Zawngdai deh in.
359. Zawng hma deh in.
360. Zawng lakah ngau kang.
361. Zawng nih mah tawkheng hmu lo, mi
tawkheng soi.
362. Zawng parathlei in.
363. Zawngte tikhur hmuh in.
364. Zinglei faruah thawh, zaanlei sakhan cawi.
365. Zokuk khat vaikuk khat.
367. Zubuimei can.
368. Zuco hmanh nih umnak kua hlam.
369. Zunṭhing ngeih faak, hmaṭhing khawn faak.
370. Zungthiam lo arbawm sak in.
371. Zute thi kaw rawl vangah, vate thi kaw rawl vangah.
372. Zaan mangchia khua tal dei.
373. Zubui thingpar kai ter.
374. Zawng zir in a zir ahcun , ngau zir in zir.
375. Zu le zawng hmanh hruaitu an ngei.
376. Zapei beng in kan kir.
377. Zu zawng hmaizah in.
378. Zumh paler ah zei um hlah.
379. Zawng fa cumh in


Credit – tlerlungthawng
Note: Tlerlung Thawng blogspot ah a tar mi ka
lakmi a si.
http://www.tlerlungthawng.blogs

Lai Phungthluk Dal-3Nak

157. Na fahrin in ka puh hlah,
na lothlawh in ka pu hlah.
158. Muichia thlalang duh in.
159. Na thawk hlanah zoh hmasa.
160. Hngakchia ningzah ṭah, upa ningzah nih.
161. Nawl lo chim le mei sual kangh.
162. Ngaknu inn le theipi kung.
163. Ngaknu ṭha le kikawng ṭha.
164. Ngeih lung awng, pam lungping.
165. Nu le va bia inn awng ah tla.
166. Nu bia in bia tlu hlah, siapi ki in lam tlo hlah.
167. Nupi ṭha nu can, va ṭha pa can.
168. Nute chuak kaw pate ca,
pate chuak kaw nute ca.
169. Nu le va lei le dang.
170. Nupi vak bia he lawi, vokpi vak thal he kir.
171. Or hung cho, zaang vung chuk.
272. Or zo zaang zo.
273. Lungpit, ngeih lung awng.
274. Phi-hlik khengtlang vel in.
275. Pithlung in thar lawm in.
276. Pam rual hngal.
277. Paam pheh chia, der pheh chia.
278. Pa le tuha, nu le lungthu.
279. Pate tha le namte har.
270. Pate thin le lungtum cawi.
271. Puan zawnh nakin thinlunh zawnh nuam.
272. Pasal biar I phoih vevek ah.
273. Pa le uico.
274. Pei le za bang ai let.
275. Pam nihhlawh tling lo.
276. Pate le sa herh.
277. Phu le phu a rawl bal lo.
278. Pulthih nih sarthi hram.
279. Pasal thi kaw a bia in,
vomkhuai thi kaw a neh in.
280. Pachia nihlawh sawi lo.
281. Ritte thi bang daih.
282. Ruah ko le pek lo.
283. Rul hnu, ral hnu.
284. Rul nih ka mei ka lam kon cu lang a ti.
285. Rothil vai bua.
286. Ruahrep lo nih mei cinh, patia lo nih mi hlo.
287. Ruak hmai langh.
288. Rul mitcaw le saiha beuh.
289. Rul le mi ton lo um hlah.
290. Sakah hlan chol phah in.
291. Saduhthah khua al lo.
282. Sakhi tlang za cul kaw, saphai a hmun ah.
283. Sakuh saipi doh in.
284.Sal bia le ui bia la.
285. Saanglai innka ah dir.
286. Seihnamh ṭhinhṭha nun ṭhinh ṭha.
287. Sia lamding zawh in.
288. Sia nih mi su lo, lim nih mi cu lo.
289. Sual ah sual khat.
290. Sumseih har le nu kawl har.
291. Tenglam cite thuh in.
292. Thih-ni kung tlung.
293. Thihnak lam tawi, nunnak lam sau.
294. Thingkawi le thing kawi i rup hna.
295. Thlawh lo le dawnh lo aa khat.
296. Thuam ṭha nih mi cercawi.
297.Tinthuam zaabawm.
298. Tlanhval ṭuan bawm.
299. Ṭah lakah nihchuak.
300. Ṭhahnem ka kawl paamchin ka tong.
301. Ṭhiangthunh hmanh nih mi dirkamh.
302. Ṭuan hmasa ei hmadung.
303. Ṭate le thlam te.
304. Tei lai pei kaw nih ei.
305. Thathut tuk semngeih.
306. Thlawl khat lo nih mi balak.
307. Thawt lo le sat ai phua.
308. Thingtum leh long , nu leh long.
309. Thirfang bang dir.
310. Thlaceu chung meh khing thlai.
311. Thlalang ah mui, zu ah thinlung.
312. Ttamh lawng muidawh, hriah long samṭha.
313. Tar le hngakchia.

Lai Phungthlu Dal-2Nak

81. Hmaṭhing khawn faak, sual ṭhing phuan faak.
82. Hawikom ṭha le liang danh ṭha.
83. Hmachia dam fawi, min chiat dam har.
84. Hnakkar tenh nuam, mikar tenh har.
85. Hrincho fa nih mi iap hna.
86. Inn rawl ṭam lo, lo rawl ṭam.
87. Inn tlun lai lumh le kum vui lai thih.
88. Innpa sik le thak khua dawm.
89. Innpa ngaknu, lam pawng thei.
90. Innpi rianh le khuapi cawi.
91. Ka biachim le ka thlahṭem.
92. Ka chaw duh le ka ral hrat.
93. Kafa thi kaw, sonh lo ka sonh.
94. Ka lung nih bawi co duh,
ka tha nih zei khua kho lo.
95. Kan chim voihra, kan tlawn hranhring.
96. Khatlei ah ka phei, khatlei ah ka liang.
97. Kheng chung sa, Kutte zawngza.
98. Ka duh nain ka zak.
99. Ka kawi ka ral ah tla.
100. Ka ngeihcia nih lei ka la.
10. Kanu phu chim in ka bia dai.
102. Kapa thi kaw kei lian lang.
103. Kawl um ah kawlnun cawng,
zo um ah zonun cawng.
104. Khenglawt thin ruaro khiah.
105. Khuadei lai muih zual.
106. Kingbawl bawi zong bawi ve,
cang-ai sa zonh sa ve.
107. Kinglang puanbu tah in.
108. Kum hnu ṭhal hmai.
109. Lopine khengpine.
110. Lungchung pa duh le ruah sur lio ti hal.
Langak nih a raang in fa hring hlah.
111. Lo zuu nih inn zuu pawnchuah.
112. Lo naur le rawl naur mah ca fak.
113. Lungte nih lungpi kamh.
114. Lungpi nih lungte rial.
116. Mibia chim fak, ar cuk fak.
117. Mi har ah dal al.
118. Mah le cangai khorh.
119. Mah tu, mah va.
120. Mihrut thingfung tleih.
121. Mi pakhat thawng, sa pakhat thawng.
122. Minung nunnak van in tla.
123. Mi mau hram.
124. Muidawh seikhat phur.
125. Mi le hmaifa tlum lo um hlah.
126. Mi kut cung savo puam.
127. Mah fak le dimzu.
128. Michia fa le va lah ek.
129. Mi depde le kawl chihria.
130. Mah mi duh, mah bia duh.
131. Mah mualphoh le, mah zolangh.
132. Mah ruh ṭam.
133. Mei nih thli lem, thli nih mei forh.
134. Mei tuai thi, zang tuai nung.
135. Meici hmanh nih ram za cul.
136. Miduh zah hngal lo fak.
137. Mi awzawn fawi, thingawl kai fawi.
138. Mi le hmaifa.
139. Mikhul lo le sa rianhrang.
140. Ngaikuang hmanh nih ka umnak li lian a ti.
141. Nu bia in bia tlu hlah, siapi ki in lam tlo thlah.
142. Nu cingcih lo le pa muangmuah lo.
143. Nupi cia le lohma cia.
144. Nupi khuasik thiam latsi.
145. Nupi khuasak thiam lo ṭam lawng.
146. Na zawn hlah, na taw sawng hlah.
147. Hngakchia bia fak, vacek hang kha.
148. Nau lai ah muichia.
149. Nu ruahnak tikhur ral pet lo.
150. Ningzah ruat lo, cal saruh chawn in.
151. Nupi ṭha nih ruak pu,
nupi ṭha lo nih rual ṭhek.
152. Nupi ṭhit le samhri phoih.
153. Nupi vuak awk, darkhuang cumh awk. 1
154. Ngakṭah khua awng tong lo.
155. Nu chun, pa rawl.
156. Nuhmei cek le vompi cek.

Lai Phungthluk Dal-1Nak

1. A cotu ca zei cangkal lo, a petu ca pam phur.
2. A dil na, a sat na.
3. A firtu ningzak lo, a hmutu ningzak.
4. A hrut nih fim chim.
5. A hrut si thei lo.
6. A it mang man, a hrak voih thei
7. A ka hua nih firping ka puh.
8. A lettaling kawl rawn tlawng.
9. A mui in zoh hlah a aan in ngai.
10. A mu cungah a mat cuang.
11. A neh hnu khuaingal meihol luk in.
12. A neh hnu ar nal in.
13. A nep na ah thawng dul
14. A ruh tum hlah, a hang na hap lai.
15. A zaw sa duh, a hrut khuang duh.
16. A zum lo nih ṭum lai bawh hlah.
17. Ar bia duh in.
18. Ar hla fungkhat thiam in.
19. Ar cuk hma, mi biachim fak.
20. Ar nih hma lo cu hlah, mi nih bia lo chim hlah.
21. Arpi hmanh nih mi sir.
22. Arpi takmak sahngar tei lai bang.
23. Arpi ṭap na, sahnga ni na.
24. Ba lian vurh long, laifa tlaih long.
25. Bapi nih thak kaw, bate tiang.
26. Bawinu hrulh ke fangzu hrulh.
27. Bawi pawng ṭhut le cerh kam thlawh.
28. Bawi vel, khua vel.
29. Belpi kai za, belte kai za.
30. Belte kem pam phur, lote kem ngeih bawm.
31. Bia le lam peh.
32. Bia le thli.
33. Bianem chim le lamphei kal.
34. Biate in biapi la.
35. Biathli thlungpar in au.
36. Buluk umnak ti nawi, mihrut umnak khua lum.
37. Caicim zarhmarh thiang.
38. Cang-ai khur chung hrang.
39. Cangai sir vak, fale sir vak.
40. Cangpinte hmanh sul loin a um lo.
41. Capo biatak tla.
42. Cepa der lei ekceh in
43. Chak-um ah voih i thlangum ah ek in thang.
44. Chihzawh rawl nganh in.
45. Chizawh innpi hngah in.
46. Chingchi lakah bengbe.
47. Chunhlan faruahthawh.
48. Cangpin pial rawl tarh in
49. Chia chin hawi soi hlah, soi chin sazaw lam e.
50. Ci le kawr tlau hlah.
51. Cinthlak long, fa hrin long.
52. Co khawh lo lei soisel.
53. Cupi, cuti, ba ti hlah.
54. Derpheh chia, pampheh chia.
55. Duh zoh le huat zoh a lo.
56. Daithlang hang din lo.
57. Dawh duh lo um hlah.
58. Dawh lo hlei ah ing chiat.
59. Der ah der khat, thau ah thau khat.
60. Dongpi bia le ngaknu bia al awk a ṭha lo.
61. Duh zoh fak, huat zoh fak.
62. Ei cutmat, ṭuan cutmat.
63. Ei hre, ṭuan daw.
64. Ei le ṭuan ai zul.
65. Eiding in nung hlah, nun dingin ei.
66. Eiduh tuk pamnak, hur duhtuk liamnak.
67. Ek nih mi ngang hlah, caan nih mi ngang hlah.
68. Fakhat ngeih le pangpar tonh.
69. Falai chia le lo lai chia.
70. Fir cu thing par in au.
71. Furpi ni le pa hnawm thin.
72. Fir thangchia, hal thanchia.
73. Fathih hnu hlei donh in.
74. Fahniang thih le ngalcar khawn.
75. Fanu pakhat thawng, lopi pakhat thawng.
76. Farhmui ber hlah, khang ca par hlah.
77. Lei le dang hmanh ai seh.
78. Hlawn ah mit khat, mui ah mit dang.
79. Hruh hmasa fim hma dung.
80. Hmuh duh ko nain zoh duh

Lai Phungthluk Le A Sullam

Nupi lungleng,Siapi lungleng

Nupi le cu inn chungkhar ah nuamh nak,Lunglomhnak,Hna ngam nak,Dawtnak tlamtlin lo tik ah pu le pa sinahkir than duh nak thin lung an ngei tawn i an li a leng i an lung a leng tawn,Cu ti an kir an kal an tlik an cun kawh auh nak ah sia pi a si lo hman ah dih le heu than a hau tiah an ti..

 Nu pi tha nih rual za pum, nu pi chia nih raul za tthen.(phing)

Nupi tha cu rual chan cingla thin lung chungah dawt nak.Tleih chan nak kha tampi a chuahter khawh i rual chan cing la nih ngamh tlak le dawt cio an si,Nain nupi tha lo ing le ai he lawng khua a sa mi hna cu rual chan cing la nih an ngamh an tleih chan ngam hna lo i rual chan cing la he an i hlat deuh2 leng mang ti nak a si..

Cho ttia lo nih ttha ka la ka co lo nih zaang ka zun..

 Kan ttha bat pah lio i cho tlawm pal te a si mi kan kai mi nih khan kan ttha a kan bat ter khun ti nak a si i,Kan duh mi a kan duh ve lo mi kan co khawh lo mi nih khan lungfah nak a zual ter khun ti nak khi a sawh duh nak a si...

 Nu vak bia le vok vaak thaal

Nu a vaak tuk mi cu thang chiat nak nih an hnu in a zulh hna ti nak a si, vok vaak tuk mi cu thaal kah a tawng leng mang ti nak a si..

Hmur fung bia laa zaangfung thahnem

 Hmur sau tuk bia duh tuk cu mi he rem lo nak le mi he sik nak huat nak a chuah pi ti nak a si,Zangfung tha hnem ti cu.Rian ngam pi pakhat khi mipakhat lawng nih sau pi a tuah ding kha mi zaapi in kan i bawn ah cun chikhat te ah kan tuah dih colh lai ti nak khi a si...

Lo Te Kem Tha Hnem,Bel Te Kem Pam Thi

Lo te kem cu za pi thlawh hawi thlawh leng ah .A hlei in lo dang bi te thlawhchih mi khi a si,Cu cu a tha hnem ngai mi a si i rawl tam deuh nak nak zong a si fawn.Bel te kem timi cu zapi hlei ah a thaw deuh mi rawl hun chuan chap hi a si,Cu ti chuan tik ah rawl cu duhsah tein aa zuk chin leng mang i ei hnga mi rawl nak in a heu deuh caah pam nak a si tiah  tah chun nak ah hman tawn a si..

Mah Mi Duh.Mah Bia duh.

Mah duh mi cu aa dawh bik ah kan ruah.Kan bia duh mi te cu a tha bik ah kan ruah ti nak si..

Thing Thluan Khat Tha Hnem.An Hnah Khat Lo Lak..

 Lo Kal tlunpah le ram lak kal tlun pah ah thingthluan khat te put pah i inn chuahpi ah cun san a tlai i bel pakhat hna hmanh a hminh khawh ti nak a si,An hnah khat cu bel chung a phak hlan poh ah hnah khat poh cu a vai vuan tawn ti nak a si..

Mi Hrut Forh Nuam.Naam Haar Taat

 Mi hrut khua tuak tan khawh mi an ngeih lo caah,mi nih chiat nak that lo nak tuah an forh tik hna ah,zei ka tuah ti an i thei lo i an tuah taktak tik ah a forh tu nih a in a hau ti nak khi si.Naam haar te taat mi cu a haar tuk i a taat tu pa lila kha ah nak than ti nak si..     A um rih mi cu Mi hruat forh nuam naam haar taat ti si.Mi hrut cu forh an nuam i zei poh an tuah ngam i a nuam ti ruah nak khi a si hnga.Naam Haar te tat mi cu a hman a nuam i hma a kal tiin a ceu nih ruah si nain.A cung ta hi a duh nak deuh cu si.

Tar Bia Duh.Zawh Te Mei Duh( Luah)

 Tar hna cu an tar leng sang poh ah cun a hleiin in bia an ram khun.Pakhat nih bia chim mi poh kha theih dih an duh tik ah ka fa a mah nih a chimmi kha zeitin dah a ti tiah mi bia hal an hmang i tar bia duh ti nak khi si..Zawh te cu mei pawng i a bawh hnu ah cun thial len zongah mei pawng thiamthiam ah a bok than thiam ko ti nak a si.

Ui Lu Can Dah,Sia Mei Can

 Ui lu can maw sai mei can dah timi a duh nak cu khua te ah a lu (Khongsong) tuan a duh mi hna khi a sawh duh nak a si..Sia lu can cu.Khuapi chungah hawi tuah mi tuah ve ti nak khi a sawh bik nak cu si..

 Zing Ar Pi Maw? Zan Ar Vai

Zan ar vai le zing arpi nih a sawh duh nak cu na herh lo lio i phaisa 1000 an in cawih mi nak in na herh lio te ah 200 cawih mi kha an i lawm deuh i cu caah zing ar pi le zan ar vai in tah chun nak lak a si.

Sur Cheh Thiam Lo Mah Lu Khuh..Bia Chim Thiam Lo Mah Kung Tlung..

 Sur cheh thiam lo mah lu khuh tah chun nak cu sur cheh thiam lo ngai i hei cheh len cu an tleih mi le an tha bat aa keih lo i a lak in re theih nak lawng an miak ti nak khi si..Bia chim lo mah kung tlung cu bai tha lo bia chia kha kan chim mi cu a dong ah  kan mah cung lila ah a ra than i bia chia chim hi i ralrin ding a si tiah phung an thluk nak cu si..

 Buk Pi Ne Le Kheng Pi Ne  

Buk pi ne timi cu rawl ruk  ngan pi i rawl khi a dih cang ti hnu ah a ne vun khawn ah cun tam lak te a um than ti nak si,Kheng pi chung i rawl cu ei dih zongah a ne vun khon ah cun a tang mi cu a tam ngai rih thiam ti nak khi a si sawh duh nak bik cu si,,

Sei Hnam Tthinh Ttha Nun Tthinh Ttha.

Seihnam cu minung thil phorh nak kan duh tik caan paoh ah mah duh ning in tthinh khawh le tuah khahw a si.A rau lo te ah tuah khawh a si.,Nun zia zong i remh ah cun fawi tein remh khawh kan si.tihi a sullam bik cu a si..

Mi Lut Va Don Hlah,,Rul Lut Va Don.

Hlan pipu nih a rak hman duh nak bik chan cu rul cu minung kan ral si caah.Thlam chung tbk le inn chung tbk ah a luh ah cun va that ti nak khi a sawh duh bik mi cu a si..Mi zeibantuk santlai lo a si hmanh ah va don hrim hlah thluachuah bongmal phortu an si ti a duh nak bik a si,,

Chung Khar Rem Lo Paam Nak..Khua Khat Rem Lo Tio Nak

Inn chungkhat pakhat ah mah le mah lung nget lo nak le lung can lo nak rem nak nak a um ah cun paam nak a chuak tawn an ti..

Khuakhat ah mah le mah rem lo le lung rual lo tbk le hruai tu nawl ngeih lo tbk hna pakhat le pakhat i sik a tam ah cun tio nak a chuak tawn ti a sawh duh nak bik a si..

Chiat That An Tah Nak

Chiat ni ton caan ah minung tampi in chuah pi ah cun ngeihchiat nak a zor..That ni ah minung tampi chuahpi ah cun lunglomh nak a karh chin ti a si..

Nu Pi Cumh Phung..Dar Khuang Cumh Phung 

Hlan ah cun khuang tum chan a rak si tuk in nupi le zong hi an rak za lawng lo tuk.Judah chan lio hna la bang ah cun ih khun cung an kai lai paoh ah an nupi le an keng i lamh in kai a rak si.nupi le cu a herh nak ah velh ding cumh ding dar khuang zong a herh nak a um paoh ah cumh ding an tikhi an rak duh nak bik a si..Tu chan ah cun nu cu pa nak in za lawn nak an ngei deuh cang hoi cang.Ram, thum nak le bang ah cun nu cu tongh ngam an si ti lo pa nak in nawl an ngei deuh cang ti si i hi kaa zawn hlan phungthluk he cun aa kalh ngai..Zeitin nan rak ruah cio..Rinh awk tha ti lo phun si ko cang lo maw?