KA NU NIH KHAN LIH A RAK CHIM

A tangchungah a ka pawm i,
"Ka fa vawleicungah ai dawhbikmi na si" tiah a ka ti.
Ka Nu nih khan lih a rak chim!

A ka puak, a ka cawi, a ka awih,
"Ka liang a fakloh" tiah a ti.
Ka Nu nih khan lih a rak chim!

Ka zaw i, keimah ruangah zankhua a dei,
"Ka baloh, ka cei hrim hrim loh.." tiah a ti,
Ka Nu nih khan lih a rak chim!

Ka duhmi thil ka hauh caan ah,
"ka fa dawt, na caah cun zei paoh ka ngeih" tiah a ti,
Ka Nu nih khan lih a rak chim!

Tirawl a thawmi paoh keimah a ka pek i,
"Ka fa dawt,nangmah na paw a khimah cun kei zong ka khim ve" tiah a ti,
Ka Nu nih cun lih lawngte a rak chim!

Keimah caah chawva tampi dih a herh caanah,
"Na lungrethei hlah, phaisa a umko " tiah a ka ti ,
Ka Nu nih khan lih a rak chim!

A tu ah cun ka hawng upa i,
hiti hin khua ka ruat;

Muidawh ka sinalo in ,
ka Nu mitah cun muidawhbik ka rak si,

"Ka liang a fakloh.." a titu kha, Nu lakah Nu tiatumlobik a si!

"Ka baloh, ka cei hrim hrimloh" a tilio ah khan, thawnnak thazang hrim hrim a ngeiloh ,

"Ka fa dawt, na caah cun zeizong vialte ka ngeih" ti tu ka Nu kha,
Mi sifakbik mi a si!

"Ka fadawt, na pawkhimah cun kei zong a khim ve" a ti ko nan,
Keimah ruangah rawltam tihal i a um caan hi a tlawmloh,

"Na lungrethei hlah, phaisa a um ko" a tilio ah khan,
Ni lin le Ruahsur tangah rianhrang tuan in chunni a rak tla!

Ka Nu nih khan lih a rak chim!
Asinan, cu thil hna cu a ka Dawttuk ruangah a rak si,
Ka Nu nih cun lih a rak chim ko,
Lih vialte lakah Duh a nungbik mi lihbia an si,

Nu le DAWTNAK hi zei he dah kan tahchunh hnga?
Pathian nih minung a kan DAWTNAK dah tilo cu,
Nu le nih Fa le an kan dawtnak bantuk i a sungmi DAWTNAK hi
a um ti hnga maw....???????

EUROPE CHUNG I U-23 AH A THIAMBIKMI HNA

Football lei kherhhlainak tuahtu Bu, University of Neuchâtel, Switzerland nih a theihpimi;  International Centre for Sport Studies (CIES) Football Observatory nih Europe-i kum 23 tang player hna chungin an mah le an chuihnak zawnka cio ( position) ah a thimbik tiah an ti mi hna cu:

BEST U23 CENTRAL DEFENDERS 

1.  Phil Jones (Man Utd)

2 . Jose Gimenez (Atletico Madrid)

3 . Raphael Varane (Real Madrid)

4.  Marquinhos (PSG) *

4 . Stefan de Vrij (Lazio) *

6 . Tin Jedvaj (Leverkusen)

7 . Niklas Sule (Hoffenheim)

8 . Michael Keane (Burnley)

9 . Jores Okore (Aston Villa)

10.Shkodran Mustafi (Valencia)

BEST U23 FULL-BACKS

1.  Layvin Kurzawa (Monaco)

2.  Ricardo Rodriguez (Wolfsburg)

3. David Alaba (Bayern)

4. Juan Bernat (Bayern)

5. Djibril Sidibe (Lille)

6. Wendell Nascimento (Leverkusen)

7. Jordan Amavi (Nice)

8. Calum Chambers (Arsenal)

9 . Daniel Carvajal (Real Madrid)

10. Jin-su Kim (Hoffenheim)

BEST U23 CENTRAL MIDFIELDERS

1.  Marco Verratti (PSG)

2 . Paul Pogba (Juventus)

3 . Granit Xhaka (M'gladbach)*

3 . Geoffrey Kondogbia (Monaco)*

5 . Gilbert Imbula (Marseille)

6 . Bryan Dabo (Montpellier)

7 . Jordan Ferri (Lyon)

8 . Rafidine Abdullah (Lorient)*

8 . Ruben Pardo (Real Sociedad)*

8 . Nabil Bentaleb (Tottenham) *

BEST U23 ATTACKING MIDFIELDERS

1 . Isco (Real Madrid)

2 . Bernardo Silva (Monaco)

3 . Yannick Ferreira Carrasco (Monaco)

4 . Moi Gomez (Villarreal)

5 . Mario Gotze (Bayern)

6 . Federico Cartabia (Cordoba)

7 . Morgan Sanson (Montpellier)

7 . Koke (Atletico Madrid)

9 . Philippe Coutinho (Liverpool)

10.Maximilian Arnold (Wolfsburg)

BEST U23 FORWARDS:

1 . Felipe Anderson (Lazio)

2 . Neymar (Barcelona)

3 . Clinton N'Jie (Lyon)

4 . Nabil Fekir (Lyon)

5 . Paulo Dybala (Palermo)

6 . Harry Kane (Tottenham)

7 . Raheem Sterling (Liverpool)

8 . Lucas Moura (PSG)

9 . Luciano Vietto (Villarreal)

10.Anthony Martial (Monaco

Credit ;

ZoFooty

Lawmkima Hmar

Theihtlei Dal-6nak

1. Mirang pawl nih biafang 540,000 tluk an ngei i.nichiar tiawk in a
thar aa ser peng rih.
2. "microphone" hmasabik cu 1876 ah Emile Berliner nih a rak tuah.
3. Kalauk hngawngsau pawl i an lei hi kutpi nam 22 tluk a sau.
4. Massachusetts ahcun, Zarhpi ni i, diapers "deliver" cu phunglam buar a si.
5. Macintosh cu 1984 ah khan a voi khatnak an rak hman.
6. America sermi mawtaw pawl i "horn" awnh ning cu F key a si.
7. Minung taksa i kutpi nam pakhat ah hin vun cells 19,000,000 tluk a um.
8. Minung vun hi samh uh sihlaw pee 18 square  i a kau mi hmunhma a
khuh khawh lai.
9. "Super Bowl" hi 1967 ah khan a hmasabik an rak i celh.
10. Netherland ram cu vawleicung i ram niam bik a si i,40% tluk hi
rili nak in a niam deuh.
11. 1752 kum ah England leh American colonies pawl nih kum khat ah ni
354 lawng an rak ngei, ni 11 an sung. A ruang cu mah kha kum ah
khan,calendar an hman mi an i thlen ruang ah a si
12. Ram vai pawl i kut a tuarmi nak in, mawtaw i pahnak ruangah
sakhi a thi mi an tam deuh.
13. Hebrew holh i Beelzabub timi a sullam cu, "tho hna i siangpahrang"
(lord of the flies) tinak a si.
14. Canadian tattoo suaithiam mi pakhat nih cun a takpum cuangah
tattoo 4,831 aa suai.
15. Mi pakhat takpum chung i a um mi "iron" nih hin thirkhenh a fa mi
pakhat a ser khawh.
16. Mirang cafang i hman tambik cu "E" a si i, hman tlawmbik cu "Q" a si.
17. "Tapeworms" timi chungchia phunkhat cu 0.04 kutpi nam in pee 50 tluk
tiang an sau kho.
18.Kumkhat chungah mi pakhat nih, a it nak (bed) i a kal zat cu meng
4 tluk a si.
19. Chizawh nih aw chuak ning phun-100 hrawng a thlen khawh i, Uico
nih phun-10 hrawng a thlen khawh ve..
20. Vawleicung i platinum an cawh camgmi vialte hi, mileng khan (average
living room) pakhat ah aa tlum dih lai.

Theihtlei Dal-2nak

*Malaria(raifanh zawtnak) hi 'mal leh aria' in a ra mi a si i `thli tha lo' tinak a si. Hlanlio deuh ah cun zawtnak pawl hi thlithalo kan dawpnak in a chuak mi a si tiah an zumh.

* Vawleicung i Continent pawl i an min thawknak le donghnak cafang pawl hi aa khat dih.(eg .AsiA, AfricA.....)

* Tom and Jerry cartoon zoh a dawh tak2 mi hi Bill Hanna leh Joe Barbera hna nih kum 1939-i an sermi a si.

* Uranus planet-ah cun thal kum 21 chung an hmang,i, cubantuk thia2 in khuasik caan zong an hmang.

* Ozone layer hi 3 milliter(i/8inch) te lawng in a chah i,ni ceu tihnung mi 'Ultrviolet radiation` lak in a kan kilvengtu a si.

* Sahara theseram khi thla chiar 1 km hrawng in a kau chin lengmang.

* Vurtlang (iceberg) nganbik an hmuh mi cu a tung 335km leh a vang 97km a si.

*Ti dorkhat te ah hin Atom 1million hrawng a um.

Hin-Chu-hmuk ( MONO-SODIUM GLUTAMATE (MSG)

Hin-chu-hmuk thatlonak kong hi mitampi nih kan mah le kan ruah ning cio in kan chim cio hna. Hinchu-hmuk kan ti mi, Mono-sodium Glutamate(MSG) hi Chinese food, Sa kuang leh Dinh hang(soup) hei ti pawl ah khin telh peng a si. Thakbere phomh le bang ah cun tel a si hrim hrim.Laimi lawng kan si loh mi phundang hna zong nih Hinchu-hmuk (MSG) hi a tha loh tiah an rak ti cio. Hi kong hi Food and Drug Administration (FDA) nih Hlathlainak an tuah mi ah cun "MSG hi ei ding mi i telh ah a poinak a um lo", tiah an ti ko na in, a tu tiang ah hin a thatlonak kong hi chim a si peng ko rih. cu caah FDA lei zong nih MSG hi ei ding i telh a si ah cun ingredients ah an langhter hrim hrim awk a si tiah nawl an chuak.

FDA sin ah hin, takpum ca i a thatlonak kong hi report zeimaw zat cu a lut cang i, cu hna cu:-

Lu fah
chungtlik
thlan chuak
Hmaivun reng
Hmai leh taksa dang dang hit
Lungtur cikhat lo ah a rang
tang ruh fah
Luakchuak
Tha dih,tha uai...etc

Asinan, mah hi kong hlat hlainak a tuah tu hna nih cun MSG ruang i a chuah mi a si le si lo hi an hngal kho rih loh. Hlat hlainak i an hmuh mi ah cun MSG a ei tu hna taksa ah hin thatlonak tlawmpal cu a chuahter tak ko, asinan, cikhat te a si i thlawpbul hau ding phun a si loh tiah an ti.. Cu caah MSG na ei ruangah na takpum chungah thatlonak a chuahter in na ruah ah cun ei lo te in um law a tha ko lai..
Hlathlainak a tuah tu pawl nih le a thatlonak kan hmu loh ti a si fawn....

* Cuti a si ah, Mifim hna bia zul in Hinchu-hmuk hi ngandamnak caah a thatlonak a um loh kan ti ne la maw?? Asilo ah Mifim hna nih an hmu kho loh le si. Ngandamnak caah a poi tuk ko kan ti lai dah???????

Mifim Hna Chimmi

1) Thil herhlo mi a ruattu nihcun thilherh lo mi a tuah tawn.

2) Mah le mah nunzia i remh hi Khrihfabu, Khua le Rampi remnak hram a si.

3) Mithiam btk i um khawh peng a si ko nan, mifim btk cun um khawh peng a si loh.

4) Mi vialte nih hruhnak zawnte le fimnak zawnte kan ngei dih.

5) Hruaitu na sinak kong chimpeng a herh rih ah cun hruaitu tak tak na si rih lo tinak a si.

6) Na lung nganter lo in naa tinh mi tu nganter deuh.

7) A ho fa dah a si ti nak in zei btk minung dah a si ti hi a biapi deuh.

8) Hruaitu tha si ding cun hnu zultutha si hmasa a herh.

9) Cawnpiaktu tha si ding cun siangnhakchia tha si hmaisa si a herh.

10) Catialtu tha si ding cun carel zuam mi si hmasa a herh.

Hmuhsaknak/Chinchiahnak A Phun Phun;

‪Ballpen- "Miphun le Mifim" a hmuhsak
‪Lotus - "Miphun zia le Miphun lianngan" a hmuhsak
‪Red Cross‬ - "Sii lei riantuntu Sii Inn" a hmuhsak
‪Thantar A Senmi- "Tihnung, Ral I tuk" a hmuhsak
Thantar a Nakmi(black) - "Ngaihchiat Langhternak"(Laimi nih cun mithi an um ah kan hman) 
‪Thantar Aihremi- Lawng, leeng tbk i mizaw an phurhtik i an chinchiatnak
‪Thantar a Bingtelet in thlai- Zawtnak tuar/vansannak/sifahnak/harsatnak kan tuar ti langhternak
‪Thantar a Rangmi- "Remnak/Daihnak" langhternak
‪Nu Mittuammi Nih Cuaithlainak Aa kenlio - A hmanmi langhternak
Luruh‪ (a tang i ruh pahnik aa kalh mi) - "Tihnung" hmuhsaknak
‪‎Lengke‬ -" Thancho" a hmuhsak
‪Thantar, A tung Canceo I Thlaimi- Rampumpi huap in ngaihchiat an langhternak...
‪Olive Thinghnge- Remnak' a hmuhsak
‪Laileng/Thuro- Remnak" a hmuhsak

ZAWNGTAH le NGANDAMNAK

1.Hma/Hmachia: Zawngtah na ziahnak a hawng kha ti tawlpal cawh law a hang na sur la. A hang kha hma ah thuh ding a si.( a thattuk ruangah hma nih khir a la colh i a khir kha na khawh piak la loh. na khawh lengmang ah cun a dam kho la loh)

2. Thakpherh: A cunglei bantuk khin a hang kha thuh ding.

3. Thi tamtuk ngeih ( Nu phung): A thei tampin ei ding ( na ka belte cu thutter hlah grin emoticon ). A kung hawng kha a hawng nan khawh lai i nan den la.A hang na sur lai i na pangah na thuh la(pangfah a damter).

4. Vawksa eisual: A mu ei a tha. A mu a umlo ah cun a hnahno zong a tha thiam thiam( a hring in ei ding)

5. Chungtlik/ Senten: Zawngtah kha a hawng ziatlo in chumg ding. A hang zong din, a fe zong ei ding. A thei a umlo ah cun a dong no/a kung kha a hawng hawh, chumh i a hang din ding.

6. Paw fah: Zawngtah (ziahlo mi) leh Hai kung a hram kha den i chumh ti mi hang din ding.

7. Kang (tisa/mei): Zawngtah na ziahnak a hawng te te kha hma ah khan benh i tuan chih ding.

8. Chungchia: Zawngtah kung häwng leh hai kung hawng kha chumh ti i a hang din ding. Nikhatah voi 3, voi khat dinah hraikhat in na din la...

Na Kedil A Kak Maw?

Lailei ah cun kedil hi a kak duh ngai ngai... ramleng(ramdang) kan chuah hnu tuah hin ram a tha le kedil kak tbk hmuh ding zong a um tuk ti loh..
Kedil a kak mi kan sualah tiah ka vawn in share hna grin emoticon

1. Olive chiti kha zan na ih lai te ah na kedil ah khan ciapten nai thuhlai.
Nai thuhhlan te ah na ke thiangten na tawl hmasa ta la. Na thuh khawhin maimomh la i sermi hmawca nai hruk chih lai..

2. Banhla hmin mi pumkhat kha cipten na nen la. Cun, na kedil ah khan na thuh la. Minute 10-15 a rauh hnu ah tilum in na ke na tawl than la. Cu hnuah tikik ah na ke kha minute 3 hrawng na ciah ta la.. zanchiar na tuah ah cun na ke a kakmi a lo ko lai.

3. Khuaitizu (khuaihliti) le ti langkhat(1litter) kha khuhriang chungah na cawh la.minute 15-20 chung na ke na ciah la. Cu hnuah na ke dil kha lung in na ngen(hnur) la. Zarhkhat ah voi khat na tuah la.

^^^ A cunglei i phun-3 ka langtermi chungah khin na uarbik mi na hman khawh...

★LOVE QUOTATION★

1. Duddawtnak cu Tenis i celh bantuk a si. Na Service a thatlo ah cun na sung peng ko la . -Dan P. Herod

2. A dong kholo mi ngaihthiamnak hi dawtnak thilti mi a si. 
-Peter Ustinov

3. Dawtnak tampi a ngeimi nih cun a dawtmi hna sin in dawtnak tampi a hmuh than ve. -Thomas aKempis

4. Dawtnak i a rawltam mi cu Rawl duh i a rawltam mi he tahchunh khawh a si loh. -Mother Teresa

5. Na dawhtuk ruangah kan duh a si loh,Kan dawttuk ruang tu ah na dawh hi a si deuh. -Richard Rodger

6. Dawtnak tak tak cu dongkholo mi ngaihthiamnak le zawnruahnak in a khat. -Peter Ustinov

7. Huatnak nh cun lungfahnak hmapel a ser i, Dawtnak nih cun lunglawmhnak pangpar Thi a awih hna. -Mignon Mc laughlin

8. "Mi va daw law na lung aa nuam la",ti hi thilfawi te a si bantuk in a har tak tak mi zong a si fawn. -Michael Leu Nig

9. Dawtnak cu mei bangin a alh zungzal awk a si. -Henry David
thoreau

10. Dawtu si ve lo i, mi dawtmi lawng si aa tim mi cu vawleicung i mi sifakbik a si. -Oscar wilde

11. Na dawtnak cu mi caah lunglawmhnak tak tak a si bantuk in , nangmah hrang zongah lawmhnak an petu a si ve thiam thiam ko.
-Robert Heinlein

12. Kan i dawtnak ruang i pumkhat kan sinak hi zeitluk in dah a thuk ti kan theih khawhnak cu, kan i hmuhthiamlo caan i kan umtu ning ah hin theih khawh a si. -Alexandra Penney

13. Dar hi tuk hlan ah cun dar a si rih loh i, Hla zong hi sak hlan ah cun hla a si rih loh. Na thinlungchung i a ummi dawtnak zongkha mi sin i na pek hlan chung paoh cu DAWTNAK a si loh. -Oscar Hammersein

14. Caan hi a hngaktu caah cun a sau i, ai nuammi hna caah cun a tawi tuk. Asinan, dawtnak chung i a um mi hna caah cun zungzal a si.
-Henry Van Dyke

15. Dawtnak chung lawngah hin lungrualnak a um i, buainak chungah cun dawtnak hi a um ve loh. -Robindranath Tagore

16. Dawtnak leh tangfah (khuh khuh) cu thuh khawh an si loh. -George Herbert

17. Mirum hna nih dawtnak hi tlawmte lawng an hngalh i, Misifak hna nih cun dawtnak a sunlawi zia hi fiangtuk in an hngalh.
-Oscar Wilde

18. Dawtnak a petu si lawng hi kai za loh.
Mi dawtmi ka sinak zong hi chimlo in ka um kho loh.
-George Eliot

NUNGAK PAWL CAAH THEIHTLEI

(tutan cu nungak pawl hrangah siseh grin emoticon )

¤ Na mithmul na phawi laiah namit tlangah khan cream tlawmten thuh hmasa. Cun, minute 10 hnu ah phawi hmanh. A fawi deuh hrim hrim ko lai.

¤ Na mithmul kha chahdeuh i langhter na duhah cun lachawn ah powder chia law, cu cu na mithmul ah thuh, mahcu hnuah mascara thuh than.

¤ Face powder na hmanlai ah ; na hmuhning nak in na hmaiah khan a rawng langh ning a fakdeuh ti philh hlah.

¤ Na Hmursen Sii (lipstick) aa kiak/tan sualah cun khatlei ve ve kha meiin khang law pehthan. Cun fridge chungah nazi cheu chung hrawng chia.

¤ Na tin a nemtuk maw? Khauhseh ti na duh ah cun tikik ah cite cawhlaw nikhat ah voithum-mintue 2 hrawng ciah lengmang.

¤ Zihmui(Perfume) na taksa a langhnak i nai thuh ah cun nilin lak ah um hlah. Zihmui thuhnak zawn kha ni nih a lak khun. Na nah a zual la grin emoticon .

¤ Na thilpuan cungi zihmui kahnak in lachawnah khan zihmui kap law, lachawn cu na bawli (bra) chungah chia ziar law saudeuh na hmuila.

¤ Khayan-chinti (Tomato) hang nih hin hmai i riim a ummi, chapiat nih a thianhkhawhlo mu kha a thianter khawh.

¤ Alu dip te'n riamlaw hmaiphiahnak ah hmang hmanh. Hmaibo, hmaikang tbk caah a tha ngai ngai.

¤ Zan na ih lai ah thukboih(make-up) na thukmi kha thianter lo in it hlah.
Hmainih a huattuk mi a si khah.

¤ Na kut tin khauh le tleuter na duhah cun serhang leh glycerine chawhmi in minut 3 chung na ciah la.

Tai Fah/Keng Fah A Ngeimi Hna Caah;

Taifah/kengfah a ngeimi kan um maw? Fawiten thlop khawh a si. ( thahri cangh sualmi relhlo )

1 nak...
- Sangphaw hnah a hringmi kha zan na ih lai ah na tai/keng le na angki kar ah na chiah lai i na it la (zakpathal in ih ding).
- Tlawmpal ah na tai cu a lin bantuk khin a hung um la. Sangphaw hnah nih hin tai/keng a fahter tu kha a dawp caah a si.
- Zarhkhat chung na tuah la.

2 nak...
- Exercise na tuah lai. Exercise tuah ning cang;
- Na dir lai. Na ke na kar lai. Nai euh lai i na kehlei kut in na awrhlei ke thapet kha na tawngh la(na tawngh khawhlo zongah na tawngh dengmangah cun poiloh grin emoticon ). Cun, na awrhlei kut in na kehlei ke thapet kha na tawngh tha la. Voi 5 tiang na tuah la.

- Na dir lai. Na vang nai kar lai. Na kut in na tai na tlaih lai. Na tai na euh lai. Kehlei in awrhlei ah na taw na thial lai. Awrhlei in kehlei ah na thial than lai. Vo 10 hrawng na tuah lai.

-Zing na thawhka te le Zan na ih lai ah Exercise hi na tuah piak la.

Chumchuangtu Hna Caah Theih A Herh Ngai Ve Mi Tlawmpal

** Ngiang ngeilo thlalang Hrai pahnih ai thuatmi na phongh khawhlo ah cun, a tang hrai kha tikik ah na ciah la, a cung hrai chungah khan tisa na rawn la. Fawiten na phongh khawh ko la..

** Zil hi hngerhte nih an huat tuk. Nan bel-kheng chiahnak hrawng i hngerhte an um ah cun zil hawng chia law an lo dih ko lai.

** Sii kha mi na dih lai ah Cite liak ta law a khatnak na theilo deuh la.

** Mahthak hring saupi chiah na duhah cun a ngiang kha thleng dih hna.

** Tihang thing a uih la ti na phanah cun tikik hrai khat in themhlaw chia ziar. (Tikhal bawm umlohnak ah le lum than na huamlo ah cun tibia)

** Cengkawl a hnawmmi hi ti i tawlah cun fawiah a thianh kholoh. Rawl na chumh lai i na fangtawlnak hang khan tawl hmanh..... a thiang colh ko lai.

** But kedenh nai denh ah na ke a thu maw? Kedenh nai hruk lai te ah reite hang i thuh law a hmui la loh nan a thu ti la loh