Hmuhsaknak/Chinchiahnak A Phun Phun;

‪Ballpen- "Miphun le Mifim" a hmuhsak
‪Lotus - "Miphun zia le Miphun lianngan" a hmuhsak
‪Red Cross‬ - "Sii lei riantuntu Sii Inn" a hmuhsak
‪Thantar A Senmi- "Tihnung, Ral I tuk" a hmuhsak
Thantar a Nakmi(black) - "Ngaihchiat Langhternak"(Laimi nih cun mithi an um ah kan hman) 
‪Thantar Aihremi- Lawng, leeng tbk i mizaw an phurhtik i an chinchiatnak
‪Thantar a Bingtelet in thlai- Zawtnak tuar/vansannak/sifahnak/harsatnak kan tuar ti langhternak
‪Thantar a Rangmi- "Remnak/Daihnak" langhternak
‪Nu Mittuammi Nih Cuaithlainak Aa kenlio - A hmanmi langhternak
Luruh‪ (a tang i ruh pahnik aa kalh mi) - "Tihnung" hmuhsaknak
‪‎Lengke‬ -" Thancho" a hmuhsak
‪Thantar, A tung Canceo I Thlaimi- Rampumpi huap in ngaihchiat an langhternak...
‪Olive Thinghnge- Remnak' a hmuhsak
‪Laileng/Thuro- Remnak" a hmuhsak

ZAWNGTAH le NGANDAMNAK

1.Hma/Hmachia: Zawngtah na ziahnak a hawng kha ti tawlpal cawh law a hang na sur la. A hang kha hma ah thuh ding a si.( a thattuk ruangah hma nih khir a la colh i a khir kha na khawh piak la loh. na khawh lengmang ah cun a dam kho la loh)

2. Thakpherh: A cunglei bantuk khin a hang kha thuh ding.

3. Thi tamtuk ngeih ( Nu phung): A thei tampin ei ding ( na ka belte cu thutter hlah grin emoticon ). A kung hawng kha a hawng nan khawh lai i nan den la.A hang na sur lai i na pangah na thuh la(pangfah a damter).

4. Vawksa eisual: A mu ei a tha. A mu a umlo ah cun a hnahno zong a tha thiam thiam( a hring in ei ding)

5. Chungtlik/ Senten: Zawngtah kha a hawng ziatlo in chumg ding. A hang zong din, a fe zong ei ding. A thei a umlo ah cun a dong no/a kung kha a hawng hawh, chumh i a hang din ding.

6. Paw fah: Zawngtah (ziahlo mi) leh Hai kung a hram kha den i chumh ti mi hang din ding.

7. Kang (tisa/mei): Zawngtah na ziahnak a hawng te te kha hma ah khan benh i tuan chih ding.

8. Chungchia: Zawngtah kung häwng leh hai kung hawng kha chumh ti i a hang din ding. Nikhatah voi 3, voi khat dinah hraikhat in na din la...

Na Kedil A Kak Maw?

Lailei ah cun kedil hi a kak duh ngai ngai... ramleng(ramdang) kan chuah hnu tuah hin ram a tha le kedil kak tbk hmuh ding zong a um tuk ti loh..
Kedil a kak mi kan sualah tiah ka vawn in share hna grin emoticon

1. Olive chiti kha zan na ih lai te ah na kedil ah khan ciapten nai thuhlai.
Nai thuhhlan te ah na ke thiangten na tawl hmasa ta la. Na thuh khawhin maimomh la i sermi hmawca nai hruk chih lai..

2. Banhla hmin mi pumkhat kha cipten na nen la. Cun, na kedil ah khan na thuh la. Minute 10-15 a rauh hnu ah tilum in na ke na tawl than la. Cu hnuah tikik ah na ke kha minute 3 hrawng na ciah ta la.. zanchiar na tuah ah cun na ke a kakmi a lo ko lai.

3. Khuaitizu (khuaihliti) le ti langkhat(1litter) kha khuhriang chungah na cawh la.minute 15-20 chung na ke na ciah la. Cu hnuah na ke dil kha lung in na ngen(hnur) la. Zarhkhat ah voi khat na tuah la.

^^^ A cunglei i phun-3 ka langtermi chungah khin na uarbik mi na hman khawh...

★LOVE QUOTATION★

1. Duddawtnak cu Tenis i celh bantuk a si. Na Service a thatlo ah cun na sung peng ko la . -Dan P. Herod

2. A dong kholo mi ngaihthiamnak hi dawtnak thilti mi a si. 
-Peter Ustinov

3. Dawtnak tampi a ngeimi nih cun a dawtmi hna sin in dawtnak tampi a hmuh than ve. -Thomas aKempis

4. Dawtnak i a rawltam mi cu Rawl duh i a rawltam mi he tahchunh khawh a si loh. -Mother Teresa

5. Na dawhtuk ruangah kan duh a si loh,Kan dawttuk ruang tu ah na dawh hi a si deuh. -Richard Rodger

6. Dawtnak tak tak cu dongkholo mi ngaihthiamnak le zawnruahnak in a khat. -Peter Ustinov

7. Huatnak nh cun lungfahnak hmapel a ser i, Dawtnak nih cun lunglawmhnak pangpar Thi a awih hna. -Mignon Mc laughlin

8. "Mi va daw law na lung aa nuam la",ti hi thilfawi te a si bantuk in a har tak tak mi zong a si fawn. -Michael Leu Nig

9. Dawtnak cu mei bangin a alh zungzal awk a si. -Henry David
thoreau

10. Dawtu si ve lo i, mi dawtmi lawng si aa tim mi cu vawleicung i mi sifakbik a si. -Oscar wilde

11. Na dawtnak cu mi caah lunglawmhnak tak tak a si bantuk in , nangmah hrang zongah lawmhnak an petu a si ve thiam thiam ko.
-Robert Heinlein

12. Kan i dawtnak ruang i pumkhat kan sinak hi zeitluk in dah a thuk ti kan theih khawhnak cu, kan i hmuhthiamlo caan i kan umtu ning ah hin theih khawh a si. -Alexandra Penney

13. Dar hi tuk hlan ah cun dar a si rih loh i, Hla zong hi sak hlan ah cun hla a si rih loh. Na thinlungchung i a ummi dawtnak zongkha mi sin i na pek hlan chung paoh cu DAWTNAK a si loh. -Oscar Hammersein

14. Caan hi a hngaktu caah cun a sau i, ai nuammi hna caah cun a tawi tuk. Asinan, dawtnak chung i a um mi hna caah cun zungzal a si.
-Henry Van Dyke

15. Dawtnak chung lawngah hin lungrualnak a um i, buainak chungah cun dawtnak hi a um ve loh. -Robindranath Tagore

16. Dawtnak leh tangfah (khuh khuh) cu thuh khawh an si loh. -George Herbert

17. Mirum hna nih dawtnak hi tlawmte lawng an hngalh i, Misifak hna nih cun dawtnak a sunlawi zia hi fiangtuk in an hngalh.
-Oscar Wilde

18. Dawtnak a petu si lawng hi kai za loh.
Mi dawtmi ka sinak zong hi chimlo in ka um kho loh.
-George Eliot

NUNGAK PAWL CAAH THEIHTLEI

(tutan cu nungak pawl hrangah siseh grin emoticon )

¤ Na mithmul na phawi laiah namit tlangah khan cream tlawmten thuh hmasa. Cun, minute 10 hnu ah phawi hmanh. A fawi deuh hrim hrim ko lai.

¤ Na mithmul kha chahdeuh i langhter na duhah cun lachawn ah powder chia law, cu cu na mithmul ah thuh, mahcu hnuah mascara thuh than.

¤ Face powder na hmanlai ah ; na hmuhning nak in na hmaiah khan a rawng langh ning a fakdeuh ti philh hlah.

¤ Na Hmursen Sii (lipstick) aa kiak/tan sualah cun khatlei ve ve kha meiin khang law pehthan. Cun fridge chungah nazi cheu chung hrawng chia.

¤ Na tin a nemtuk maw? Khauhseh ti na duh ah cun tikik ah cite cawhlaw nikhat ah voithum-mintue 2 hrawng ciah lengmang.

¤ Zihmui(Perfume) na taksa a langhnak i nai thuh ah cun nilin lak ah um hlah. Zihmui thuhnak zawn kha ni nih a lak khun. Na nah a zual la grin emoticon .

¤ Na thilpuan cungi zihmui kahnak in lachawnah khan zihmui kap law, lachawn cu na bawli (bra) chungah chia ziar law saudeuh na hmuila.

¤ Khayan-chinti (Tomato) hang nih hin hmai i riim a ummi, chapiat nih a thianhkhawhlo mu kha a thianter khawh.

¤ Alu dip te'n riamlaw hmaiphiahnak ah hmang hmanh. Hmaibo, hmaikang tbk caah a tha ngai ngai.

¤ Zan na ih lai ah thukboih(make-up) na thukmi kha thianter lo in it hlah.
Hmainih a huattuk mi a si khah.

¤ Na kut tin khauh le tleuter na duhah cun serhang leh glycerine chawhmi in minut 3 chung na ciah la.

Tai Fah/Keng Fah A Ngeimi Hna Caah;

Taifah/kengfah a ngeimi kan um maw? Fawiten thlop khawh a si. ( thahri cangh sualmi relhlo )

1 nak...
- Sangphaw hnah a hringmi kha zan na ih lai ah na tai/keng le na angki kar ah na chiah lai i na it la (zakpathal in ih ding).
- Tlawmpal ah na tai cu a lin bantuk khin a hung um la. Sangphaw hnah nih hin tai/keng a fahter tu kha a dawp caah a si.
- Zarhkhat chung na tuah la.

2 nak...
- Exercise na tuah lai. Exercise tuah ning cang;
- Na dir lai. Na ke na kar lai. Nai euh lai i na kehlei kut in na awrhlei ke thapet kha na tawngh la(na tawngh khawhlo zongah na tawngh dengmangah cun poiloh grin emoticon ). Cun, na awrhlei kut in na kehlei ke thapet kha na tawngh tha la. Voi 5 tiang na tuah la.

- Na dir lai. Na vang nai kar lai. Na kut in na tai na tlaih lai. Na tai na euh lai. Kehlei in awrhlei ah na taw na thial lai. Awrhlei in kehlei ah na thial than lai. Vo 10 hrawng na tuah lai.

-Zing na thawhka te le Zan na ih lai ah Exercise hi na tuah piak la.

Chumchuangtu Hna Caah Theih A Herh Ngai Ve Mi Tlawmpal

** Ngiang ngeilo thlalang Hrai pahnih ai thuatmi na phongh khawhlo ah cun, a tang hrai kha tikik ah na ciah la, a cung hrai chungah khan tisa na rawn la. Fawiten na phongh khawh ko la..

** Zil hi hngerhte nih an huat tuk. Nan bel-kheng chiahnak hrawng i hngerhte an um ah cun zil hawng chia law an lo dih ko lai.

** Sii kha mi na dih lai ah Cite liak ta law a khatnak na theilo deuh la.

** Mahthak hring saupi chiah na duhah cun a ngiang kha thleng dih hna.

** Tihang thing a uih la ti na phanah cun tikik hrai khat in themhlaw chia ziar. (Tikhal bawm umlohnak ah le lum than na huamlo ah cun tibia)

** Cengkawl a hnawmmi hi ti i tawlah cun fawiah a thianh kholoh. Rawl na chumh lai i na fangtawlnak hang khan tawl hmanh..... a thiang colh ko lai.

** But kedenh nai denh ah na ke a thu maw? Kedenh nai hruk lai te ah reite hang i thuh law a hmui la loh nan a thu ti la loh

Na Hmaphe Ruangah Na Lungre A Thei Maw?

Hmaphe lohternak caah a fawibik mi thil hna cu;

1. Na hmaphe ah Olive chiti na thuh lai i minute-5 hrawng nichiar in na hnuai piak la. ( Olive chiti kha na vun chung i lut ding in)

2. Kangdam kha na cheu lai i a sa na ziah la. Ni chiar in nai thuh lai.

3. Khuaitizu thuh zong hi a tha ngai ve mi a si.

4. Vitamin E tampi ai telmi Lotion nai thuh lengmang la....

A cung i ka vawn langhtermi hna lakah khin na duhbik mi na hman khawh. A dihlak zong in na hman khawh thiam thiam... Hmaphe lohter hi a har tak tak mi a si. Lungsau i hngah huam a herh, Fawite i lohter na duh ah cun phaisa tampi dih in doctor sinah i thlawp a hau..

TLANGVAL SIN BIACAH;

Na nungak nu kha nangmah cawmmi a silo khah,
I uarlio hna ah hin cun na tang i kunter peng i tim hlah.

Nangnih nungak pawl na chawnh(chat) len hna le, a nih vial tlangval hmanthlak voikhat te comment a tuahmi na huat tuk hawi... tha ten i ruat..

Na dawttuk ruang i na haknak kha
Thinhunnak ah chuahter hlah

I haknak hi thlai hrangah dawm(leitha) a si ko nan, Dawm tamtuk pekmi thlai cu an molh i thei a chuah kholoh.

Na nungak nu kha midang he kop hna hlah, a nih zong nih kop dingmi tlangval tampi a hmuh ve ko hna.

Vawleicungah hin nangmah lawng tlangval na siloh.
Na nungak nu kha thi deng i a uartu tlangval tampi an um ve khah.

Ka nungak nu nih a ka then ngamloh ți ah ruathlah,
An zangfah ruangah Tlangval dang nih bia thlum thlum i an lem zongah ai chan pengnak kha a si cuh.

Nangmah bantu te khan thluak a ngei ve i, ruahning zong a ngeive mi a si.
A ruah ning zei relpiaklo in nangmah ruahning lawng i na kalpi pengah cun, zalonnak kawl in an kaltak te la. (Nangteh na ruahnak zeihmanh chimkholo in ekinn chung i kumh na duh ve maw....)

Pa na sinak kha na kuttum nganlei in tah hlah, na thahri thawnnak khan hrocer len hlah . Pa na si tak tak ah cun Nu mitthli a hnawh piak khotu na si hrim hrim awk a si....

Hngalhkhawhlo Nu Lungput

* Nu nih a biapibik i an chiahmi cu PHAISA hi a si.

* Phaisa tampi ngeih hi an duh ko nan THILPUAN man fak tak tak mi an i cawk thiam thiam ko.

* Thilpuan man fak fak an ngeih bu zongah HRUK/EIH ding ka ngei loh an ti peng rih ko.

* Hruk/eih ding ka ngei loh an ti ko nan DAWH tak tak in an i tamh kho peng.

* Dawh tak tak in aa tamh kho ko nan aa hrukmi a THILPUAN ah a diriam kho loh.

* A thilpuan cu a lungduh sihlah hmanhsehlaw NAI REMTUK ti i fakpiak a duh.

* Na thil cu nai remtuk tiin hei fak hmanh KA ZUMLOH an ti than lai...

.. Hum.... Nu ngai hi cuh aw........

CAREL A HLAWKNAK

® Cauk umlonak Inn cu thlalang awng a ngeilo mi Inn bantuk a si. Horacemann

® Ca na rello ah cun zeitik hmanh ah fimnak na char kho la loh. Homer

® Cauk hna hi mifim hna i anthluak chiahnak Robawm a si. Polycarp

® Cauk tha ci siangpahrang Ngun-kuang a si. John Ruskin

® Santlaihnak tlawmpal hmanh a ngeilo mi cauk a um loh.

® Carel na dinh ah cun na thanchonak aa din ve. Dwin Cheli

® Cauk cawknak na ngeihlo ah cun na hruklio mi na thilpuan kha zuarlaw caw ko. English Proverb

® Lentecelhnak cu takpum caah a si i, carel cu thinlung caah a si. Sir.Richard Steele

® Catialtu cu mithinlung a remhtu le a sersiamtu a si. Joseph Stalin

® Mi kongceih a zuamtuk mi hna khi Carel lei i mi chambau pawl an si. Benjamin Disraeli

® Mifim le thilhngal ngaimi pawl na hmuh hna ah cun zeibantuk cauk dah a rel ti kha hal hna. Ralph Waldo Emerson

® Na rello mi cauk cu zeitluk a that zongah na caah cun thathnemnak a ngei bal la loh. Jim Rohn

® Cauk mei i khanghnak i a sual deuhmi cu cauk rel duhlo hi a si. Joseph Brodsky

® Ka pawngkam i cauk a umlo ah cun kaa hngilhkho loh. Jorge Luis Borges

® Cauk tluk i hawitha le zumhawktlak mi an um loh. Ernest Hemingwei

® Thilpuan hlun i hruk law, cauk thar i cawk. Austin Phelps

® Ziaza thinh ding cu cauk biatak ye i rel a hau. Bell Hooks

® Carel cu hlanlio i minthang hna he bia i ruah khi a si. Descartes

® Careltu vialte hi hruaitu an si thlu loh nan Hruaitu tha vialte hi cauk a relmi lawngte an si hna. Harry S.Truman

® Cauk rel a zuamlo mi nih cun Pathian rian a tuanmi kha ngoltak seh. John Wesley

® Kan theihkhawhnak hnga Ca kan rel i, an theihkhawhnak lai Ca kan tial. Kanmah caah Ca kan rel i Midang caah Ca kan tial.

NUNGAK LENG U AI PHUANNAK

Nungak ka thiam ka ah cun Val U pawl nih an ka terh, Leng U ka si hnu ah Val No pawl nih an ka terh .!!

Helhtu ka ngeihlio vialah Chungkhat-cingla hna leh hawikawm nih a caan za rihloh an ka ti, ka tawn tilo hnu ah pasal na ngeih ballo an ka ti. !!

Ka hruhlio ah an Mo si ding ah an mit ka thi ngai, ka fim hnuah cun an ka ngaih lah tuk hoi . !!

Ka ningzah panlio ah langval nih an ka zulh-dawi, ka ningzah tilo hnu vial ah an ka kaltak dih . !!

Lengchuah ka huamlio vialah "na vaktuk - inn ah um ziziar" an ka ti, len-vah ka huam lo hnuah Inn rumro ah nai benh ti ka si than . .!!

Ka chung le nih ka innleng ih tak hna seh ti ka duhlio vialah zei herh um tunglo ah zantim tiang an thu, innleng kawmh ka huam tilo hnu vial ah tuan ten an kan ih tak diam.. !!

Kai tamhlo ah zeitin hme Va a tawn reng la an ti, kai tamh deuhah tar hnuah Nungak a thiam than an ka ti...!!!

***Na pawngkam ah Leng U an um maw? Ra daw cik cek hna u..... An dirhmun ah dir ve law na lungre a thri ve ko la grin emoticon

SANGPHAW THEI le NGANDAMNAK

1. A Kuhmi (a hring): Sangphaw thei a kuhmi ah hin Enzymes dah tampi a um ruangah kan pawpi riantuannak caah thawnnak a petu thei thabik pakhat a si. Ril chung i bacteria( zawtnak hrik) leh thil dang ai ser dingmi hna zong a ven khawh.

2. A Hminmi: Cancer cheukhat a ven khawh,Mit khuahmuh a fianter. Vun a hnoter i hmaiduk tbk zong a lohter khawh.
- Ek a nemter i kan pawpi caah a tha tak tak mi a si.
-Thi a thianter.
-Tak lin a ven i, zun a tamter.
-Thikai zawtnak le zunthlum a ngei mi hna caah ah a tha.
-Thau a zawrter.

3. A kung: A kung chung i a thling khi hma a phun phun caah sii tha tak tak a si. Hmachia hnai a la kholo mi hna ah khin a thling tam nawn in na thuh lai i na tuan chih la. Hnai a la cawlh ko la.

4. A Hram: Ha fakmi caah a tha ngai ngai. A hram kha nan den lai i Ha fahnak zawn ah khan hmawm ding.

5. A par: Nu thichuak (nu phung) a tamtuk mi caah a tha, tangfah zongah a tha.