DINOSAUR KONG

Dinosaur konglam hi laiholh i țialmi rel awk a um set rihloh. Zapi nih theih set lomi a si kho men.Mah hi saram nganpi hi video chungah cun kan hmuh bal cio ko la. DINOSAURS timi min sullam cu "Țih a nung ngaimi Laikeng(terrible Lizard)" tinak a si.

Dinosaur hi vawlei i a tlawngmi saram vialte lak ah țih a nungbik le a nganbikmi a si.
Asinan, Dinosaur hi phun tampi an um ve i. A cheu cu ram hring eimi (herbivorous) an si, a cheu cu sahring eimi (carnivorous) an si ve. Cu lawng a si rih loh, Va bantuk i a zuangmi phun (flying Dinosaurs) hna leh ti chung i a ummi (Marine Life) an ti mi phun zong an um rih.

Tutan ah hin vawlei i a tlawngmi phun deuh kan zoh ți hna la. A cunglei i kanțial cang bangin vawlei i a tlawngmi phun hmanh ah khin an i khat cio loh. A cheu cu ke hnih i a kalmi an um i a cheu cu saram dang bantuk in ke li i a kalmi zong an um ve țhiam țhiam. Ki (horn) a ngeimi phun an um i, Ar chuang bantuk a ngeimi phun zong an um. Cheukhat cu fa an hring i cheukhat nih Ti in an tit ve.

Dinosaurs hi phun tampi an um bantuk in an pum zong ai ngaw hna loh. Cheukhat a ngan pi pi an um lio ah cheukhat cu Chizawh ngaw te a simi xong an um ve..
A tu ah cun Dinosaurs hna hi hmuh ding an um ti loh, an ci a mit dih cang. Zeiruangah dah hi ti i an ci a mih hnga? timi kongah hin mifim hna ruah ning zong ai dang cio. Dinosaurs an rak chuah ning le an ci a mih nak kong lei hi cu a sautuk lai caah kan tial duh la loh. A tawinak in țial ko u sih.

Vawlei i a tlawngmi hna lak ah a larbikmi hna cu;
 
Brontosaurus;
Dinosaur lak i a nganbik phun an si. An rih lei hi ton-35 tiang an rit kho. An pum ruplo in an lu cu a hme ngai² rul lu bantuk a si. An rawl eimi cu ram hring a eimi phun an si.


Diplodocus;
An pum a ngan tak tak ve. Hngawng saupi pawpuar ngaimi an si i mei saupi an ngei. Thinghnah dawng a eimi phun an si i, an khul a fum mifahnak an pe loh. An takpum sauning hi pe 90 tiang a sau kho mi hna an si.
 

Stegosaurus;
Mah hi phun hi țih a nung ngai² mi phun an su. An keng cung ah hin saruh tluk i a hakmi Archuang bantuk i ai thuat țhupmi an ngei. An i runvennak si dawh a si. Cun, an mei par ah thal zum bantuk a simi hi ai bunh fawn. Video chung i kan hmuh lengmangmi phun kha an si.
 


Allosaurus, Tyranosaurus;
Dinosaur vialte lak i țih anungbikmi cu mah hi phun hna hi an si. Sahring lawng a eimi an si. Haa a haar tukmi an ngei, An ke a ngan pi pi cu lam kalnak an hman. Kut bantu a hme deuhmi an ngei i tin ai bunh. Seh an duhmi tlaihnak ah an hman.
 


Triceratops;
An pum hi a ngan tuk lem loh nan țih an ngeiloh, an hmai i a chuahmi paoh cu ralțha ngai in an doh hna. An hngawng ah phengphel bantuk ai chawng i an lu ah ki pahnih an ngei, an hnar zawn ah ki pakhat an ngeih fawn rih.


Iguanofon;
Mah hi phun zong hi țih a nung ngai. Sahring eimi phun an si ve. An pawngkam i sam ram dang an hmuh mi paoh cu seh a tim pengmi an si. An tak pum a fa.