President hmasabik a simi George Washington chan ah a hram an rak dirhmi a s i kum 8 a rauh hnu a pahnih nak President a simi John Adam chan ahcun ahran an lim. November 01, 1800 kum ah Presideng John Adam a rak i ṭhial hnu ah White House cu President inn le uknak zung taktak ah a rak cang. John Adam cu White House ah aum hmasabik President a si.
Inn Raangpi tiah a min sak a si nak zong hi George Washington he ai pehtlai. George Washington cu Virginia peng i a ngeihmi dum min ah hin White House Plantation ti a si i hi dum hi cu Washington nupi a si dingmi he an i ton i an i duhnak hmun a si. Innpi cu zei tindah a min kan pek lai tiah tonnak an rak ngaih lio ah hin Lungrang he sakmi a si ruangah le President cungah thangṭhatnak an pek duh ruangah White House tiah min an rak sak.
White House ah a voi(1)nk bik a rak i ṭhial hnu ah John Adam nih a nupi Abigail sinah ca a kuatmi ah White House he pehtlai in hiti hin a rak telh chih.
Hi inn cu vancung nih a liangnganbik mi thluahchuah pekmi inn si ko seh tiah thla ka cam. Hi thil pawl cu zungzal in tlung ko seh. Ram cungah dingte in dawtnak a ngeimi le fimnak in a khat mi ti lo in cun adang hi vantang i a um mi a ho hmanh nih ram uknak nawl cu i tlaih peng phun in um hlah seh.
Hi ca cu a voi (32)nak President a simi Franklin D. Roosevelt chan ah White House i ram rawl dumnak khan i kaan ah ṭial a rak si. Ref: White House by Wik
No comments:
Post a Comment