Laimi Kan Ral Nganbik Zu

Lai Ral A Si Mi ZU
^^^^^^^^^^^^^^^^^^^^^^^^.

Zu hi Organic compound phunkhat, ' Alliphatic Alcohols' an timi chung i a um mi a si i, a compound ngan ning in an min hna hi then an si. Zu chiakan ti mi hi, Methyl Alcohol an ti i, zu kan ti mi zapi nih an din mi hi Ethyl Alcohol ti a si.

Thil sining tak tak ah cun, zu chia leh zu tha hi, an si ning te i kan hman a si ah cun thil tha ngai2 mi an si. Sii hrangah siseh, Anti septic hna ah, hramh leh thlai hna i sii an ser nak hna ah siseh a herh tak tak mi compound a si . A hman lohnak i kan hman ruangah hin rawhralnak le thihnak tiang a kan phakter hi a si.

Zu kan din mi nih kan tak pum chung i a rian tuan ning;

Kan vawn din bak in kan pawpi ah a phan i, kan taksa chung i a rak um cia mi, enzyme phunkhat Dehydrogenase enzyme an ti mi nih cun, zu kha a rak tlaih colh ve, chemical reaction ah aa ser i, compound phun hnih Formaldehyde leh Formic Acid ah an i chuah, mah hi compound molecule hna hi an fattuk caah kan pawpi in kan thihri chung leh kan vun karlak hna ah hin an lut kho, mit (,eye)lei ah a kai colh i kan khua hmuh zong a fiang kho ti loh. Kan Thluak riantuan a buaiter i Khuaruah khawhnak a tlawmter.

Zu Kan Rit khawhnak a ruang cu;

Kan thi a thur ter dih, kan takpumpi nih a her mi oxygen hi kan thi nih kantakpum i a herhnak paoh ah a pek. Zu kan din mi nih kan thi cu a thurter cang caah thi i a riantuannak lam zong cu a buaiter dih. kan takpum nih a herh mi oxygen aa zat ti lo tik ah,kan thluak riantuan ning a buaiter, Kan lung a mawlh dih i a chia leh a tha zong kan tuak kho ti loh.
A donghnak ah thihnak tiang a kan phaktertu a si....

Laimi nih ZU hi hrial khawh i zuam hna u sih...

mifim hna nih "ZU" hi zeitin dah an ti:

1. Mifim nih cun tikik a din i, mihrut nih zu a din ve- Socrates
2. Zu ri mi pawl khi zoh hna law, zudin thatlonak cu na hngalh ko lai- Saville
3. Zu hrai chungah hin khuachia an um - Koran
4. "India ramchungah hin nawl ngeitubik sining law zudawr vialte hi ka khar dih lai. -Mahatma Gandhi
5. Zu nih cun a donhgnak ah rul tur a thawng tak tak mi bantuk in mi a cuk tawn- Hosea
6. Zu nih hin result 3 a ngei: Riknak, Zeiruatlo in I nuamhnak,
I ngaichgnak- Annacharis
7. Zu thlarua hi zeimin dah ka sak lai? Hi tluk i minung a hrawk cik cek tu hi
'Khawchia' tiah a min ka sak- Shakespeare
8. Zu ri nih cun sual tuah ding in a qualified-
Quarles
9. Zu rik hmangmi hna nih Pathian Ram ah an lut lai lo.
- Lamkaltu Paul

Zudingmi hna cung i a tlungmi thli;

1. Nuamhnak caah kan din i, ngaihchiatnak a chuahter.

2. Lung nomhnak caah kan din i, beidonghnak tu a chuahter.

3. Holh ka thawknak caah ti'n kan din i, bia elnak tu a chuahter.

4. Chan thar nun kan dawi ti'n kan din i, mihrut bantuk in a kan umter.

5. Hawikom sernak ah kan din i, raal ah a kan ser.

6. Mitkuh thawknak caah kan din i, zan khuadei hngilhkhawh lo nak a chuahtet.

7. Thawnnak caah ti'n kan din i, mi tiatum lo ah a kan chuahter.

8. Ngandamnak caah kan din i, zawtfahnak chauhter tu ah aa cang.

9. Zalonnak caah kan din i, sal ah a kan hruai.

10. Thadamnak caah kan ding i, phur a rit chin chin.