EBAY HMANG IN KHUARUAHHAR THIL AZUARTU HNA

EBAY cu Online in thil zuar/cawk nak ah a lar ngai ngai mi pakhat asi.

Laimi caah theihkauhnak: 6 may, 2016

1. A VIRGINITY A ZUAR: Kum 2009 lio ah khan kum 19 mi, Romanian nungak Alina Percea nih a thianhlimnak (Virginity) cu a ngamh sangbik mi sin ah EBAY hmang in a zuar. A tawinak in, Italian Sumdawng mirum pakhat nih $11000 in a rak cawk piak!

2. HNAP MANSUNG : Scarlette Johansson hi a theih mi zong kan um men la, Kum 2008 lio ah khan "The Tonight Show" ah ai tel ve. Mah hi tan i show host Jay Leno sinah "muicawl (film) kan i thlaknak ah Samuel L Jackson nih a cumpi a ka chawnh", tiah a chimh. Mah culawng asi rih loh, cuti i bia an i ruah cuahmah lio ah cun a hnap cu a tawlh zuhmah i tissue in ai hnawh, EBAY ah ka zuar la a ti rih.
A chim bantuk ten a zuar tak tak...
Mah cu hnap bak cu min langhter lo mi, mi pakhat nih $ 5300 in a cawk! Zei ah dek ai tuah hnga???
'
3. LADY GAGA TIN (Nail) DEU : Kum 2013 lio ah khan Lal Gaga concert nak hmun thianhhlimhtu  mi pakhat (Janitor) nih cun "KUT TIN DEU" a char. Ho ta dah asi ti zong a hngalh colh. Zok zok in EBAY ah a zuar ve colh. A hman hrim² (proof) ti langhter nak caah Lady Gaga hmanthlak, tin deu pakhat a umlo mi zong a tar chih . Mirum pakhat nih $12000 in a cawk.
'
4. PREGNANCY TEST KIT MAN FAK : Hlasak thiam minthang Britney Spears nih nau a pawi le pawilo test nak i ahman mi Pregnancy Test Kit cu EBAY țhiam țhiam ah an zuar i $5000 bak in an cawk. Cheukhat nih le zuar nemman cu mi nih an theih sual la tiah a thlithup in an cawk. THIS IS TU CHAN hi cu amak ko cang....
'
5. AMAH LE AMAH AI ZUAR : Kum 2009 lio khan Mirang pa Mr. Ian Usher cu a nupi he an i then i a lungrawk tuk le maw si hnga, EBAY ah amah le mah ai zuar! A mipum pin ah a mawtaw (car),  jet-ski leh a mawtaw cycle ( bike) zong ai tel chih. Mi pakhat nih $399000 in a cawk. A cawtu nih hin Mr.Ian hi zeitindah a tuah ti cu theih asi loh.

EURO 2016 FIXTURES

EURO-2016 Fixture 

A Caan Hna Hi MALAYSIA Suimilam In Tialmi An Si...

⚽GROUP A 

 *Saturday, June 11: France v Romania (03:00 AM, Stade de France, Paris) 

 *Saturday, June 11: Albania v Switzerland (9:00 AM, Stade Bollaert-Delelis, Lens) *Wednesday, June 15: Romania v Switzerland (12:00AM, Parc des Princes, Paris) *Thursday, June 16: France v Albania (03:00 AM, Stade Velodrome, Marseille) 

*Monday, June 20: Romania v Albania (03:00 AM, Stade de Lyon) 

 *Monday, June 20: Switzerland v France (03:00 AM, Stade Pierre Mauroy, Lille) 

 

⚽GROUP B 

 *Saturday, June 11: Wales v Slovakia (12:00 AM, Stade de Bordeaux) 

 *Sunday, June 12: England v Russia (03:00 AM, Stade Velodrome, Marseille) 

 *Wednesday, June 15: Russia v Slovakia (9:00 PM, Stade Pierre Mauroy, Lille) 

*Thursday, June 16: England v Wales (9:00 PM, Stade Bollaert-Delelis, Lens)

 *Tuesday, June 21: Russia v Wales (03:00 AM, Stadium de Toulouse) 

*Tuesday, June 21: Slovakia v England (03:00 AM, Stade Geoffroy Guichard, St Etienne)

 

⚽GROUP C 

*Sunday, June 12: Poland v Northern Ireland (12:00 AM, Stade de Nice) 

*Monday, June 13: Germany v Ukraine (03:00 AM, Stade Pierre Mauroy, Lille) 

*Thursday, June 16: Ukraine v Northern Ireland (12:00 AM, Stade de Lyon) 

*Friday, June 17: Germany v Poland (03:00 AM, Stade de France, Paris) 

*Tuesday, June 21: Ukraine v Poland (12:00 AM, Stade Velodrome, Marseille) 

 *Tuesday, June 21: Northern Ireland v Germany (12:00 PM, Parc des Princes, Paris) 

 

⚽GROUP D 

 *Sunday, June 12: Turkey v Croatia (9:00 PM, Parc des Princes, Paris) 

 *Monday, June 13: Spain v Czech Republic (9:00 PM, Stadium de Toulouse) 

 *Friday, June 17: Czech Republic v Croatia (12:00 AM, Stade Geoffroy Guichard, St Etienne) 

 *Saturday, June 18: Spain v Turkey (03:00 AM, Stade de Nice) 

*Wednesday, June 22: Czech Republic v Turkey (9:00 PM, Stade Bollaert-Delelis, Lens) *Wednesday, June 22: Croatia v Spain (03:00 AM, Stade de Bordeaux)

 

⚽GROUP E 

 *Monday, June 13: Republic of Ireland v Sweden (12:00 PM, Stade de France, Paris) *Tuesday, June 14: Belgium v Italy (03:00 AM, Stade de Lyon) 

 *Friday, June 17: Italy v Sweden (9:00 PM, Stadium de Toulouse) 

*Saturday, June 18: Belgium v Republic of Ireland (9:00 PM, Stade de Bordeaux) *Thursday, June 23: Italy v Republic of Ireland (03:00 AM, Stade Pierre Mauroy, Lille) *Thursday, June 23: Sweden v Belgium (03:00 AM, Stade de Nice) 

 

⚽GROUP F 

 *Tuesday, June 14: Austria v Hungary (12:00 AM, Stade de Bordeaux) 

 *Wednesday, June 15: Portugal v Iceland (03:00 AM, Stade Geoffroy Guichard, St Etienne) *Saturday, June 18: Iceland v Hungary (12:00 AM, Stade Velodrome, Marseille) 

*Sunday, June 19: Portugal v Austria (03:00 AM, Parc des Princes, Paris) 

*Wednesday, June 22: Iceland v Austria (12:00 PM, Stade de France) 

*Wednesday, June 22: Hungary v Portugal (12:00 PM, Stade de Lyon)

 

⚽LAST 16 

🏃Match 1: Runner-up Group A v Runner-up C (9:00 PM, June 25, St-Etienne) 

🏃Match 2: Winner D v Third-place B/E/F (03:00 AM, June 26, Lens)

 🏃Match 3: Winner B v Third-place A/C/D (12:00 AM, June 25, Paris) 

🏃Match 4: Winner F v Runner-up E (03:00 AM, June 27, Toulouse) 

🏃Match 5: Winner C v Third-place A/B/F (12:00 AM, June 26, Lille) 

🏃Match 6: Winner A v Third-place C/D/E (9:00 PM, June 26, Lyon) 

🏃Match 7: Winner E v Runner-up D (12:00 AM, June 27, St-Denis) 

 🏃Match 8: Runner-up B v Runner-up F (03:00 AM, June 28, Nice)

 

⚽QUARTER-FINALS 

 🏃Winner Match 1 v Winner Match 2 (03:00 AM, June 31, Marseille) 

🏃Winner Match 3 v Winner Match 4 (03:00 AM, July 2, Lille) 

🏃Winner Match 5 v Winner Match 6 (03:00 AM, July 3, Bordeaux) 

 🏃Winner Match 7 v Winner Match 8 (03:00 AM, July 4, St-Denis) 

 

⚽SEMI-FINALS 

 🏃Winner QF1 v Winner QF2 (03:00 AM, July 7, Lyon) 

🏃Winner QF3 v Winner QF4 (03:00 AM, July 8, Marseille) 

 

👑FINAL Winner SF1 v Winner SF2 (03:00AM,July 11,St--Denis)

Adele - Hello - (Acoustic Cover) (Aata Van)

THEIHTLEI DAL- 7 NAK

Q: Kokek sinak in Apa nih nau an pawi/hrin bal maw?
Ans: Seahorse hi a pa nih nau apawi! An pawi lawng hmanh asi loh, nau an hrin rih! Seahorse pa nih hin an takpum cungah zaal ( hei ti ko usih) nganpi an ngei, mah cu chungah cun a nu nih Ti ava tit, a pa nih mah cu Ti ah cun a Ci a rak neh. A pa nih cun an fa cu apawi i a hrin beh.

Q: Zeithluak Dah A rit Cem?
Ans: Sperm Whale thluak (brain) hi Saram thluah vialte lak ah a rit bikmi asi. Cheukhat thluak cu 9kg tiang a ritmi zong an um. Minung thluak nak in a let ruk in a rit deuh. Sperm Whale angan mi pawl cu an pum hi 50 ton tiang in an rit kho!

Q: Zeiruangah dah Uico hi Neh dawinak ah an hman khun?
Ans: Uico hi Sa neh dawinak leh misual dawinak caah an hman bik mi asi. Aruang cu rim theihkhawhnak țhatuk angeih ruangah asi. Ui fim cio cio hmanhah "alsatian" an timi pawl hi an rim theih khawhnak ațha khun, rim theih khawhnak cell million 220 tluk an ngei. Cell tampi an ngeih ruangah an dawimi Sa/misual kha khawika dah a kal ti kha fawi ten an theih khawh.

Q: Saram lak ah zeidah chansau bik?
Ans: Saram/sațil hna hi atam u cu zawtnak, khawhdennak, ral hna ruang i a thimi an si hna, kum upat ruangah tar thih i athi mi hi an um setsai loh. Saram ah hin vawlei i atlawngmi nak in Ti chung i aum mi hna hi an chan a sau deuh ti asi. Tulio ah kan hmuhkhawh mi thilnung hna chung cheukhat kan zoh hna la.

1.Galapagos tortoise
= Kum- 200+
2. Blue whale
= Kum-80
3.Asian elephant
= Kum- 80
4. Snake
=Kum- 50
5. Dolphin
= Kum 30-50
6.Rhinoceros
= Kum 35-40
7. Zebra
= Kum 25-40
8. Gorilla
= Kum 30
9. Giraffe
=Kum 25
10. Polar bear
= Kum 25
11. Horse
= Kum 20
12. Peregrine falcon
= Kum 20
13. Giant panda
= Kum 20
14. leopard
= Kum 12-16
15. Black bear
= Kum 18
16. Lion
= Kum 15
17. Tarantula
= Kum 15
18. Tiger
= Kum 15
19. Cheetah
= Kum 12
20. Wolf
= Kum 12
21. Pig
= Kum 10
22. Puma
= Kum8
23. Goat
=8
24. Kangaroo
= Kum 6-8
24. Rabbit
= Kum 5
25. Mouse
=Kum 3
26. Worker bee
= Kum 30-35
26. Butterfly
= Kum 20-40
27. Adult fly
=20-30 years
*** An chan hi buaktlak in lakmi asi.

Q: Zeiruangah dah thilnung hna hi an pem tawn?
Ans: Hngerhte apem mi na hmuh tawn ko la. Pepelep, Va le adang dang hna zong a buupi in pem an hmang. Hi ti i an pemnak aruang bik cu Rawl leh Khuasik-khualum ai thlen ruangah asi tiah an ti. Rawl leh eiding tam deuh a umnak hmun ah a buu buu pi'n an i țhial i, Kik leh ai thlen ruangah khualum an kal tak caan aum, khuasik an kal tak in khualum nak lei i a pem caan zong a um ve..

Q: Zeiruangah dah kan Hahchiau?
Ans: Thaw kan dawpnak kua a hnawmh ruangah asi. Lenglei in thil (substance) a hung lut mi ah a thianglo mi kha kan hnar tih a rak kham i lenglei an a chuahter țhan ; ti'n a fiang cem ko rua 😄 Curuang ah na hahchiau achuah ah cun i sum bak hlah, na hnar chungah athianglo mi aum ruangah asi. Thang tak tak in HAHCHIAU ti koh 😄

Q: Zeiruangah dah kan mit kan țheh?
Ans: Mit țheh hi zeidah ațhathnem nak si? tiah kan ti men la. Sertu Pathian nih asermi vialte hi a herhlo mi a rak um hrim hrim loh. Kan mit kan țheh ah hin lenglei in hnawm a lut dingmi kha a rak ven, cun, kan mit chung i a hnawmmi zong kha a thianh fawn, mitthli hmang in mitchung kha a nalter i mit au a nuamhter. Mit țhep baklo in mi va zoh peng hna hlah... Mit țhep lo bak i mi va zoh hi thilțha asi loh ti cu na hngalh ko 😄😄😄😄

Blog chung i ca kan țialmi pawl hi Facebook ah rel khawh an si

https://m.facebook.com/groups/1445379559013544?view=permalink&id=1714593148758849

International Subscriber Dialing (ISD)

(Ram kip Telephone Code)

A herhmi hna kan um sual ah..

Country ---------------------Code
1) Afghanistan ----------- 00 93
2) Alaska (USA) ----------- 00 1 907
3) Albania ----------------- 00 355
4) Algeria ------------------- 21
5) American Samoa ------ 00 684
6) Andorra ------------------ 00376
7) Angola -------------------- 00 244
8) Anguilla ------------------ 001 264
9) Antigua and Barbuda- 001 268
10) Argentina --------------- 00 54
11) Armenia ----------------- 00 374
12) Aruba -------------------- 00 297
13) Ascension island ----- 00 247
14) Australia ---------------- 00 61
15) Austria ------------------ 00 43
16) Azerbaijani Rep.------ 00 994
17) Azores ------------------- 00 351
18) Bahamas --------------- 00 1 242
19) Bahrain ----------------- 00 973
20) Bangladesh ------------ 00 880
21) Barbados --------------- 00 1 246
22) Belarus ------------------ 00 375
23) Belgium ----------------- 00 32
24) Belize -------------------- 00 501
25) Benin -------------------- 00 229
26) Bermuda ---------------- 00 1 441
27) Bhutan ------------------- 00 975
28) Bolivia -------------------- 00 591
29) Bosnia & Herzegovina-00 387
30) Botswana ---------------- 00 267
31) Brazil --------------------- 00 55
32) British Virgin island--- 00 1 284
33) Brunei -------------------- 00 673
34) Bulgaria ------------------ 00 359
35) Burkina Faso (Upper Volta) -
00 226
36) Burundi ------------------- 00 257
37) Cambodia ---------------- 00 855
38) Cameroon ---------------- 00 237
39) Canada -------------------- 00 1
40) Cape Verde --------------- 00 238
41) Canary islands ----------- 00 34
42) Cayman Islands --------- 00 1 345
43) Central African Republic - 00 236
44) Chad Republic ----------- 00 235
45) Chile ------------------------ 00 56
46) China ----------------------- 00 86
47) Christmas island -------- 00 61
48) Colombia ------------------ 00 57
49) Comoros ------------------- 00 269
50) Congo ----------------------- 00 242
51) Cook island --------------- 00 682
52) Costa Rica ----------------- 00 506
53) Cote D'Ivoire ------------- 00 225
54) Croatia --------------------- 00 385
55) Cuba ----------------------- 00 53
56) Cyprus -------------------- 00 357
57) Czech Republic -------- 00 420
58) Democratic People's Republic of Korea --------------------------- 00 850
59) Democratic Republic of the Congo - 00 243
60) Denmark ------------------ 00 45
61) Diego Garcia -------------- 00 246
62) Djibouti -------------------- 00 253
63) Dominica ------------------ 00 1 767
64) East Timor ----------------- 00 670
65) Ecuador -------------------- 00 593
66) El Salvador Equatorial Guinea - 00 240
67) Eritrea --------------------- 00 291
68) Estonia -------------------- 00 372
69) Ethiopia ------------------- 00 251
70) Falkland island --------- 00 500
71) Faroe Islands ------------ 00 298
72) Fiji islands ---------------- 00 679
73) Finland -------------------- 00 358
74) France --------------------- 00 33
75) French Guianea --------- 00 594
76) French Polynesia ------- 00 689
77) Gabonese Republic --- 00 241
78) Gambia ------------------- 00 220
79) Georgia ------------------- 00 995
80) Germany ----------------- 00 49
81) Ghana --------------------- 00 233
82) Gibraltar ------------------ 00 350
83) Greece --------------------- 00 30
84) Greenland ---------------- 00 299
85) Guadeloupe -------------- 00 590
86) Guatemala ---------------- 00 502
87) Guinea --------------------- 00 224
88) Guinea Bissau ----------- 00 245
89) Guyana -------------------- 00 592
90) Haiti Republic ----------- 00 509
91) Hawaii --------------------- 00 1 808
92) Honduras ---------------- 00 504
93) Hongkong ---------------- 00 852
94) Hungary ------------------ 00 36
95) Iceland -------------------- 00 354
96) India ----------------------- 00 91
97) Indonesia ---------------- 00 62
98) Inmarsat (East) --------- 00 871
99) Inmarsat (West) -------- 00 874
100) Inmarsat (Indian Ocean) - 00 873
101) Inmarsat (Pacific Ocean) - 00

Zei Tin Dah Social Media Ah An Rak Nih Cio

Minung kan nih ning hi a leng ahcun pakhat le pakhat ai khat pah ngawt ko nain Internet chung social media chungah kan nih ning cio hi a ram ningin ai khat cio hna lo. Khah midang ram an nih ning cio kan van zoh tuah lai.

 Spain               - Jajaja

American         - Hahaha

Korea              -kkkkkk

China               - 哈哈

Nigeria            - LWKMD

Grace               - xa xa xa

Brazil               - rsrsrsrs

Italy                 - ah ah ah

Hebrew           - xà xà xà 

France             - héhéhé ၊ MDR 

Thai                 - 5555555

Japan               - www

Burma             - ငိငိ၊ ခစ္ခစ္၊ ဟီး 

Ram dang hawikom hna na ngeih ahcun an nih ning tein nih piak ve hna philh sual hlah awh J

Credit - momolay.com

Mount Victoria (Nat Mah Taung ) Khual tlawnnak Thil Sining le A Herh Dingmi Thil Dangdang Hna

Kan Chinram ah a um mi Mount Victoria (Nat Ma Taung) ah kal ai tim mi hna caah zei tin dah kal nak ding si le lam sining, khuacaan sining le thil dandang kong an tial mi ka hmuh le ka van in share chin ve hna.

            1. Khual tlawn nak ding ah phun (2) in i thim khawh a si. Rangoon in car he kan kal si ahcun a tlawm bik sml 12-15 karlak hrawng kal khawh a si. Khualtlawnnak Company hmang in kal khahw a si bantuk in mah le pumpak car cio zongin kal khawh a si. Car lam zong a tha ngai ko.

Cun Rangoon - Nyaung U cio vanlawng zongin kal khawh a si. Nyaung U in Kanpalat cu car thotho in kal than a hau. Nyaung U in Kanpalat cu sml 4 - 5 kal hrawng a si. 

- Car zong hi Victoria tlang lei Hotel rak i chawnh cia ahcun Nyaung U tiang an rak in don ko hna lai.

- Car man hi cu car nan hlan mi a phun nih a neih lai. Minung 3-4 hrawng nan si cun Surf hrawng in a zat ko caah Nyaung u - Kanpalat tiang ah hin ting khat le cheu (150000 Kyats) hrawng a si lai. Munung 6-7 hrawng si ahcun Super Custom hrawng a za lai i a man cu ting hnih (200000 kyats) hrawng a si lai. Khi khi a kal man lei lawng a si caah tlun lei man zong nan liam thimthiam a hau rih lai.

- Kanpalat na phak hnu zong hin tlang na va kai nak ding ah hin sml 2 hrawng car i cit rih a hau rih. Hi hi cu car a ngeitu pawl he nan i chawn than a hau te lai.

2. Khuacaan

- November le December ahcun a kik ngai caah angki lum philh lo tein nan i ken hrimhrim a hau lai. A si khawh ahcun kuthruk, lukhuh le adang alum mi phun nan i ken a hau lai. Zan ah hin cun meitoh a hau tawn. Adang caan ah hin cun a kik aa zia ngai ko.
- Chokhlei hi cu November thla deuh ah a par caah December thla na kal si cun tlawmte lawng a tang cang lai. Nain ai dawh ngai rih ko tiah catial tu nih hin a tial.

3. Hotel I Thumhnak Hmun

- Hotel hi 3 - 4 hrawng a um. Minlar deuh mi Hotel hna cu

            - Pine Wood Villa

            - Mountain Oasis Villa

            - Sky Palace Villa hna an si.

Pine Wood le Mountain Oasis hna hi cu 2 bed room khan khat ah buaktlak(average) in thong sawmli (40,000 kyats) hrawng a si i an mah le an sining cio in hmunhma ai dawh veve ko.
Sky Palace hotel hi cu high class resort phun a si caah 2 bed room khan khat ah hin a tlawmbik thawng sawmsarih (70, 000 kyats ) hrawng a si i service a tha ngaingai. Zan rawl ei ah hin mah le group cio ah mei tohnak ding tiangin tuah piak a si.

4. Ei le din

- Ei le din ah hin a har ngai. Tambik ei mi meh hi cu Arsa le sia sa mei rawh mi deuh hi a si. Rawl ei man ah hin voi khat ei ah thong li - tong ruk (4 000 - 6 000 kyats) hrawng a si. Adang Taluk rawl pawl cu Hotel ah ei khawh a si. Chokhlei Wine, Zupi tiphun zong din ding a um.

5. Tlang kainak

Tlang kainak ah hin Kampalat khua in tlang kainak tiang ah hin mawtaw in sml 1-30 hrawng kal a si. Tlang hram in tlang par tiang ah hin meng 3 le cheu hrawng ke in kai a si. Ke in a kai zuam lo mi caah mawtaw cycle le mawtaw tlawmpal a um. Hmun cheukhat cu lam te pawl a chiat ngai caah tih a hmang mi ca ahcun ke in kai ah a tha deuh. Tlang kainak ah hin ni khat cu a caan na pek ah a tha lai.  Catial tu nih ruahnak a pek mi ahcun sml zing 3 (03: 00 AM) hrawngin thawh i kal sml zing 5 (05: 00 AM) hrawng ah tlang hram va phak i hmun ram dawh va zoh. Micheu cu ni a hung chuah lio zoh duh hrimhrim le ni a hung chuak lio hmanthlak duh hrimhrim ah zingka te in a hngak mi an um a ti. Tlang in tum lei cu kan tha a ba i vanthat ah tlun lei mawtaw he kan i tong i tha dam ten ka tlung kho a ti (mawtaw a har ngai).  Mawtaw cit man cu thong hra ( 10 000 kyats) bak ka van liam tiah ca tialtu nih a tial.

6. Himnak

- Ahmun um mi pawl hi cu an tha ngai ko. Mikhual pawl an rat ahcun an i nuam ngai in ka hmuh.

7. Ahmun um mi pawl sining

Khua chung ah mino bawmhnak bantuk tiin Chin nu pakhat nih a dirh mi a um. Nu le pa ngei lo mi pawl le phun dangdang in a rak ummi ngakchia 53 an um. Cauk, sii, Tangka le adangdang phun zong in bawmh khawh a si.

8. Contact nak phone number pawl

- Sky Palace Villa (0949294315)

- Mountain Oasis Villa ( 0947170219 )

- Pine Wood Villa ( 096565584 )

Mah te in Hotel le Flight ticket pawl tuah aa manh lo mi caah Travel agent in tuah khawh a si.
- with us travel ( 0973236100 )

- Oway travel ( 09258699322 )

Achimtu - Susu, Kyaw Thet, Ayar Thitsar Htun le Moe Thauk

Credit - Ei Pwint Phyu

FIFA Ballon d'Or Chimfiannak

FIFA Ballon d'Or hi kum 2010 ah an rak thawk mi asi, European Footballer of the Year Award (Ballon d'Or) leh FIFA World Player of the Year tiah phun hnih a um tawnmi kha an fonh i a min ah 'FIFA Ballon d'Or" tiah an ti.

European Footballer of the Year award (Ballon d'Or) (1956–2009):

Ballon d'Or ti hi France holh asi i mirang cun "Golden Ball" tinak kha asi, Lai holh cun "Sui Pumpululh" tinak asi ko. France ram i Football Magazine pakhat, 'France Football' i an chief magazine writer Gabriel Hanot nih a rak thawkmi asi. Kum 1956 khan mah hi Award hi pek an rak thawk. Ballon d'Or laksawng a co hmasa bik tu cu Blackpool right winger Stanley Matthews asi.

Mah hi laksawng hi a hlan ah cun European Club i a chuihmi European player a simi hna sin lawngah pek a rak si. Cu ruangah cun South American player a thiam thiam hna zong nih Europe mi an si lo ruangah an rak ngah kholoh , Vawleicung minthang bik asi mi Diego Maradona zong nih hi laksawng hi a rak co ve loh.

Kum 1995 ah khan phunglam an thlen i European club i a chuihmi paoh paoh cu khawika rammi an si zongah pek si cang seh, tiah an ti. Phunglam an thlen kum ah hin AC Milan Club African leimi, Liberian striker George Weah nih a rak co. Kum 2007 ah khan phunglam cu an remh țhan i football player asi mi paoh paoh cu vote pek khawh asi, a thimtu- thimning zong an remh dih. Kum 2006 ah khan cun Europe- i a ummi football Journalist 52 lawng nih vote an pek khawh, kum 2007-ah cun vawleicung i journalist 96 hna nih vote an thlak i an thim hna.

Kum 2009-ah hi laksawng hi a donghnak bik pek asi i Lionel Messi nih a rak hmuh.
....................................................

FIFA World Player of the Year:
FIFA World Player of the Year hi Pa caah 1991 ah khan pek an rak thawk, Nu hi kum 2001 khan pek an thawk ve. Hi laksawng hi cu positional voting in thim asi i FIFA tangah a ummi coach hna nih vote thlak in an thim. Coach pakhat nih player pathum vote a pek khawh. Vote hmasa bik a pekmi nih point 5 a hmuh i, a changtu nih point 3, a changchin nih point 1 a hmuh ve. Hi ti bantuk in Coach hna nih an duhmi paoh thim khawh a si tik ah a rak buai ngai ngai. ( Tahchunhnak ah: Myanmar Coach nih myanmar player lawngte zong a thim khawh hna)

Sawiselnak a tam tuk ruangah kum 2004 khan FIFA nih thim chungmi (shortlist) a ser i pa 35 leh nu 21 in a tar hna. Mah hi shortlist chung in FIFA tang i a ummi Ram Coach hna le Captain hna nih vote an thlak. Cun, FIFPro (International Federation of Professional Footballers) aiawh hna zong nih vote an thlak khawh ve. FIFA Ballon d'Or a thimtu hna zong hi a cunglei bantuk țhiam țhiam khi asi.

Mah hi laksawng zong hi Ballon d'Or bantuk țhiamțhiam in Kum 2009 ah khan a donghnak bik pek asi i Lionel Messi cu FIFA World Player of the Year laksawng neh hnu bik a cotu a si.
...............................................

FIFA Ballon d'Or - Messi, Messi, Messi, Ronaldo, Ronaldo, Messi

Kum 2010 khan FIFA World Player of the Year leh European Footballer of the Year award (Ballon d'Or) cu an fonh i a min ah "FIFA Ballon d'Or" tiah an ti. Mah hi laksawng hi Pa pawl pekmi laksawng chimnak a si; Nu caah "FIFA Women's World Player of the Year", ti asi ve.

Hi laksawng hi Messi nih voi 4 a co cang i, Ronaldo nih voi 2 a co ve cang.
..................................................

UEFA Best Player in Europe Award:
European Footballer of the Year award (Ballon d'Or) cu a umti lo ruangah UEFA nih kum 2011 khan award thar a ser i a min ah "UEFA Best Player in Europe Award", tiah ti asi.

Mah hi laksawng hi cu European Club i a chuihmi chung lawng in pekmi a si.
UEFA Best Player in Eroupe Awar a co mi hna:
1.Lionel Messi - 2011
2. Andres Iniesta - 2012
3. Ribery - 2013
4. Ronaldo -2014
5. Lionel Messi - 2015 hna an si.
.................................................

A cunglei i ka vawn țialmi hi a kal ning cu asi. Messi nih FIFA Ballon d'Or voi 4 a co timi kongah khan a fianglo mi kan tam ngai. Kum 2009 i 'World Player of the Year' a lakmi he rel ah cun tutan hi a boi 5nak cu asi ko.

Kum 2009 ah Messi nih a rak comi kha FIFA Ballon d'Or a si rihlo ruangah FIFA Ballon d'Or ah rel chih khawh asi loh. Asinan, FIFA Ballon d'Or hi World Player of the Year he an sining ai khah ruangah, Messi hi vawleicung i pumpululh chuih thiambik sinak voi 5 a co, ti hi a hman ning cu a si.

FIFA nih 2009 hlan paoh paoh kha cu vawleicung i athiam bik tiah an thimmi hna sinah "World Player of the Year" timi Sui Pumpululh an pek. EUFA nih Ballon d'Or an rak pekmi kha cu vawleicung huap asi loh i Europe ram chung i pumpululh a chuihmi hna sin lawngah an pekmi a si.

Cun, kan theih dingmi cu a hlan i FIFA nih an rak tuahmi "World Player of The Year" kha an ngol i, a thar in "FIFA Ballon d'Or" timi hi an ser țhanmi a si. Cu caah Fifa Ballon d'Or hi min thar silo in "thil thar" asi tinak si. Cu ruangah Messi nih FIFA Ballon d'Or hi voi 4 a co cang kan tinak kha a si.

Mirang thawngthanh ca pawl nih voi 5 in an țial tik zongah khin FIFA Ballon d'Or ti lawng silo in 'World Footballer of the Year' he ai khat tiah, țial chihmi te khi na hmuh ko la...

FIFA World Player of the Year awards (1991 to 2009) leh FIFA Ballon d'Or (years 2010+) a rak co cangmi hna:
.
Year -          Player -                      Nationality
2015            Lionel Messi              Argentina
2014            Cristiano Ronaldo      Portugal
2013            Cristiano Ronaldo      Portugal
2012            Lionel Messi              Argentina
2011            Lionel Messi              Argentina
2010            Lionel Messi              Argentina
2009            Lionel Messi              Argentina
2008            Cristiano Ronaldo     Portugal
2007            Kaká                          Brazil
2006            Fabio Cannavaro      Italy
2005            onaldinho                  Brazil
2004            Ronaldinho                Brazil
2003            Zinedine Zidane        France
2002            Ronaldo                    Brazil
2001            Luís Figo                   Portugal
2000            Zinedine Zidane        France
1999            Rivaldo                      Brazil
1998            Zinedine Zidane        France
1997            Ronaldo                    Brazil
1996            Ronaldo                    Brazil
1995            George Weah           Liberia
1994            Romário                    Brazil
1993            Roberto Baggio         Italy
1992            Marco van Basten     Netherlands
1991            Lothar Matthäus        Germany
Credit - Football News Lai Holh (Facebook Group)

"KHUARUAHHAR" THIL AI TAWNGMI

1. French Siangpahrang Louis XVI hi a ngakchiat lio ah kutțial zohthiam mi nih thla 21 ni paoh ah i ralring ding in bia a cah. Ai ralring tuk ko nan kum 1791 june, 21 ah French ram chungah buainak nganpi a chuah ruangah an zam i a nupi he an tlaih hna. A kumvui September ni 21 ah Siangpahrang asi nak in an phuah i Republic ram a si cang tiah an phuan. Kum 1793 Jan ni 21 ah an thah.

2. Kum 1900 July ni 28 ah khan Siangpahrang Umberto I leh a mah a kilvengtu Ralkap Bawi General Vaglia hna cu Milan khua pawng i khua fate Mona an timi ah Lentecelhnak puai i laksawng va pe ding ah an kal. A zan cu Hotel pakhat ah zanriah eiding in an kal. Hotel ngeitu pa le Siangpahrang pa cu faphir bang in an muisam a rak i lo tuk. An mah zong an khuaruah a har. Hmunkhat ah an țhu i bia a vun i ruah cu an khuatuah a har chin chin.

a. An muisam ai lo ngai ngai.
b. March 14,1844 i a chuak ve ve mi an si.
c. An min Umberto a si ve ve.
d. An chuahnak khua ai khat.
e. April 22, 1868 kum ah nupi an ngei ve ve.
f. An nupi min ah Margheritta timi min a si ve ve.
g. An fapa min ah Villorio ve ve.
h. Siangpahrang Umbertto siangpahrang luchin an chinh ni ah Hotel ngeitu pa zong nih Hotel hi a hun/awn ve.
i. Kum 1866 ah miralțha laksawng an hmu ve ve.
j. Kum 1870 ah promotion an hmu ve ve.

          An i lawhtuk caah Siangpahrang pa nih cun Rank sangpi pek a duh. Siangpahrang nih a va kawhter hna ni ngelcel ah Hotel ngeitu pa cu meithal kah i zuamnak ah a nunnak a rak liam. A ruak va vui ding in Siangpahrang pa cu a va kal i lampi ah misual pawl nih meithal in an rak kah i a thi ve. An thih ni zong ai khat!.

3. Kum 1920 ah khan Peru ram ah aa theihngal ballo mi tlangval pathum hna cu tlanglawng, khan khat ah an țhu ți hna. Tlawmpal an kal ah bia an i ruah hna, Pakhat min cu Powel a si i, Pahnihnak pa min cu Bingham a si ve, a pathumnak pa min cu Powel Bingham a si. Khuaruahhar ngai cu a si ve ko.

4. An muisam cu ai lo lemloh. Asinan, Wanda Maria ( Adelphi khua) leh Maria Johnson (Suitland) hna zong hi khuaruahhar ngai cu an si ve ko.
a. 15 june, 1953 kum ah an chuak ve ve.
b. Washington DC in Prince Gorge Country an an pe ve ve.
c. Fa pahnih an ngei ve ve.
d. Fa an ngeinak Sii-inn ai khat.
e. An mawțaw zong ai khat bak.
f. An mawtaw number digit 11 ve ve.

5. Kum 1940 ah khan American, Ohio State ah Pa ngakchia faphir hna cu kum khat hrawng an si ah an Nu le an Pa nih an thihtak hna, mi nih an lak hna i mi dang dang sin an um. Pakhat hnu pa khat sin ah an i țhial chak le tlang ah an i țhen. 1979 kum ah khan ruahlo pi'n an i tawng i an rak i lo tak tak;
a. An muisam ai khat bak (identical twin)
b. An min ah James ve ve.
c. Law Degree an la ve ve.
d. Mechanical drawing an uar ve ve.
e. An nupi min ah Linda ve ve.
f. An fa min ah James Allan leh Allan James.
g. Nupi hmasa an țhen ve ve.
h. Nupi pahnihnak min ah Betty ve ve.
i. An Uica min ah "Toy" ve ve.

6. Japan Nu hna nih i țamhnak ah an hmanmi puante "kimoto" an timi pakhat cu a hrang/huai kan ti la maw?
a. A ngeitu nungak pathum hna an thi ( pakhat hnu pakhat i lak dawh an si)
b. 1657 kum ah khan phungki (Buddhist Monk) pakhat nih an biaknak phung ning in mei in a khangh.
c. Mei an khangh bak in thlipi a hrang.
d. Mei a lawn i thildang a kangh chih, mei an hmit kholoh.
e. Tokyo khuapi cheuthum cheuhni ⅔ a kang.
f. Buddah Temple 300 a kang.
g. Inn ngan pi² 500 renglo akang dih.
h. Dawr 9000 renglo a kang dih.
i. Hlei 61 renglo a kang.
j. Minung singkhat renglo an thi.

***Facebook lei zongah rel khawh a si.
https://m.facebook.com/groups/1445379559013544?view=permalink&id=1679658535585644

RUL CUK SIIVAI KHAMNAK

(hlan pu-pa hna ruah ning)

A tanglei i ka vawn țialmi hna hi a țha bak ti nak cu a si lemloh, mi cheu nih a țha tiah a chimmi an um ve ruang ah theihkauhnak caah ka vawn țialmi an si.

Rul nih mi a cuk tik ah:
1. Bengkeng mu cheu i a cuknak hma ah benh/dawpter a țha.
2. Bengkeng hnah cip tein phomh i, a hang surmi din ah a țha.
3. Berul thling thuh ah a țha.
4. Hnahcang hawng phomh i a hang surmi din ah a țha.
5. Bawnbawk hring cip tein phomh i benh ah a țha.
6. Ankhapi cip tein phomhmi a hang din le thuh a țha.
7. Zuding lomi a si ah cun Zu dinter a țha. A ding ciami a si ah cun dinter hrim² lo ding.
8. Meilah lu bo (zen) benh a țha.
9. Soda a si lo le chuhmuk benh ah a țha.
10. Arti kha faten vih i a cuhnak zawn ah dawpterva țha.
11. Sui kut donghrawlh dawpter a țha. Dawpter hnu ah kut donghrawlh kha cawhnuk he suimilam 1 chung chuan hnu ah hman țhan ding.
12. Hmakphek hring phomh i benh ah a țha.

A dang zong tampi a um rih.

Note; A cunglei i ka vawn țialmi hna khi kan pu-pa hna nih Ruk cuk thlawpnak caah ah a țha, tiah an rak ruahmi hna an si. A dampi mi zong cu an um ve ko la.

Asinan, Medical Scicence thiamnak a hung sang chin lengmang i hi bantuk ruahdamhmi sii-ai pawl hman hrim² lo ding tiah an ti. Cu caah cun RUL nih an cuk sual ah cun khulrang in lam nai bik sii khan/sii zung ah tlik pi colh hi a himbik mi a si.

Medical science nih an țialmi zong țial khawh ka vawn i zuam te la..

THIL KAN EI SUAL TIK AH

#Voksa Ei Sual:
1. Zawngțah a dong note 3 hrawng ei ah a țha.
2. Zawngțah kung a hawng asi lo ah, a tlai a mu 2/3 ei ah a țha.
3. Bahra hnah no 2/3 ei ah a țha.
4. Mairun a hel i ei ah a țha.
5. Kawlhra a hnah no 2/3 ei ah a țha.

#Arsa Ei Sual:
1. Khanghmui dong no 2/3 a hel i ei ah a țha.
2. Aithing kutpitia eibah a țha.
3. Mairun a hel in ei ah a țha.
4. Ainak kutpitia ei ah a țha.
5. Dingkawk hna a hel i ei ah a țha.

3. #Cawsa Ei Sual:
1. Kuangkuah a sen( yi ka zuan yuat) tlawmte le thanthling hlum nga, cip te'n phomhmi eibah a țha.
2. Mairun a hel in ei ah a țha.
3. Zil a hel in ei ah a țha.
4. Puținan a hel in ei ah a țha.
5. Ainak a hel in ei ah a țha.

4. #Ngasa Ei Sual:
1. Aithing tlawmpal te ei ah a țha.
2. Mairun a hel in ei ah ațha.
3. Dingkawk hna a hel in ei ah a țha.
4. Khuavah tizu tlawmten dih ah a țha.
5. Ainak kutpitia ei ah a țha.

5. #Paa Ei Sual:
1. Pasi 4-5 hrawng a hel in ei ah a țha.
2. Caw zun din ah a țha.
3. Kuangkuah a senmi phun le thanthling ei ți ah a țha.
4. Meihol tlawmte rial i ti he din ah a țha.
5. Fangvoi ro cip te'n phomh i ei ah a țha.

6.#Khuaifa Ei Sual:
1. Cangai sa eibah a țha.
2. Sakuh pawpi tlawm ten ei ah a țha.
3. Lungthi fangvoi fang tia ei ah a țha.

7. Ei Sual Phunkip Ah:
1. Ke pali a ngeimi hnit paoh paoh a țha.
2. Ainak a hel in ei ah a țha.
3. Aihre a hel in ei ah a țha.
4. Aithing a hel in ei ah a țha.
5. Limhnit ei ah a țha.
6. Khangphe hring ei ah a țha.
7. Putinan a hring i ei ah a țha.
8. Dingkawk hna a hring i ei ah a țha.
9. Hmaihrem te kha a hring i ei ah a țha.
10. Mairun a hring i ei ah a țha.
11. Kawlhra hnah a hring i ei ah a țha.
12. Bailep hnah a hring i ei ah a tha.
13. Hamhuai hnah a hring i ei ah a țha.
14. Zawngțah hnah dongno a hring i ei ah a tha.
15. Arti le Cawmpeiti ei ah a țha.

*** Minung hi kan i khat cio loh, mi pakhat nih damnak i a hmanmi zong kha mi dang caah cun damnak a si ve lomi thil zong tampi a um ve. Cu caah cun, a tu i ka vun țialmi pawl zong khi ai ziakmi caah cun damnak a chuahtertu sii țha an si ve. Asinan, Pathian nih thlua a chuahlo ah cun zeihmanhlo men an si.

Credit ; Evan. J.Khuang (M.Min)

FAPA MAW NA DUH FANU?

Deborah an timi nu pakhat nih fanu neih a duh lio ah fapa lawngte pathum bak a neih hna. Fanu neih a duhtuk caah a chuahnak khua Michingan Fertility Clinic ah a kal i. Sii inn ah cun Sex Selection Technique an timi pa cii chung in nu leh pa thennak ( Sperm Separation ) chung in duh a thim. Pa cii cu Nu nauinn ah cun an chiah i Sex Selection Technique bawmhnak in fanu te a hrin. Mah bantuk hmang hin fanu hrin khawhnak chance 73% fapa hrin khawhnak chance 73% a tlam a tling ti a si. Amahbelte cu, a man a faktuk caah sifak mi caah cun tuah a har ngai ngai.

Vawlei fimnak hmang in 75% tiang a tlam a tlin lio ah Tuluk (Chinese) mifim hna nih manpek hau lo in, fanu,fapa duh thim i neih khawhnak an rak hmuh diam cang. Beijing pawng i hlanlio thil an cawk mi chung in formula pakhat an charmi a si. Nu a kum leh nau a cuan/pawi thla hmangin fanu maw fapa dah a hrin la ti hi hngalh kawh a si. Culawng a sirih loh pa nei ding leh nu nei ding i nau aa ser caan zong hi hngalhkhawh a si. Mah cu table cu Calendar kan hmanmi he aa tlak ding in an siamremh i 99% bak a hman ti a si,,.

Mah hi table ning te i nan zulh ah cun Fapa/fanu mah duhthim in neih khawh a si... tiah source ka laknak nih hin a tial...

JERSEY NUMBER LEH A SULLAM

Football Jersey (uniform) number hna nih hin sullam an rak ngei dih, hlanlio deuh ah cun an number in an umnak position kha hngalh khawh an rak si. Kum zabu 20 hnu lei ah hin cun zeihmanh hi a sining in a kal ti loh, Tahchunhnak ah- Centreback William Gallas kha Arsenal i a umlio ah No-10 ai hruk, Striker a si mi Asamoah Gyan zong kha No 3 ai hruk ve, Ex Liverpool striker Milan Baros zong nih khan No- 5 a rak i hruk tawn. Zei a va si ah , hlan lio i Jersey number an rak serlio ah zei bantuk sullam dah an ngeihter, ti kha tlawmpal ka vawn langhter la.

Jersey Number a ngeimi hi Sheffield Wednesday leh Arsenal hna nih an rak hman hmasa bik. Kum 1928, August thla ah khan a hmasa bik si dingin number a ngeimi Jersey cu an rak i hruk, midang nih an rak hmuh tik ah thilțha a si kha an hngalh i an rak hman cio.
Number leh an Position an rak țhen ning:

a) No 1 - Jersey number -1 hi kawl bawh (Goalkeeper) nih i hruk ding, Goalkeeper hmanh ah cun 1st choice Goalkeeper an hrukter hna.
Eg- Kyaw Zin Phyo, Myanmar ☺

b)No 2 & 3 - Jersey number 2 hi Right back i hruk fing a si i, 3 cu left back i hruk ding a si.
eg-Cafu ,Brazil

c) No 4&5 - Jersey number 4&5 hi cu Centre back hna nih i hruk dingmi a si.
eg- Rio.Ferdinand, England

d) No 6 - Jersey number 6 hi Defensive midfielder/Holding midfielder hna i i hruk dingmi a si.
eg- Xavi, Barcelona

e) No 7 - Jersey number 7 hi Right midfielder/Right Winger hna nih i hruk ding a si.
eg- C.Ronaldo

f) No 8 - Jersey number 8 hi Central midfielder asi lo ah Box to Box midfielder hna nih i hruk ding a si.
eg- Iniesta, Bercelona

g)No 9 - Jersey number 9 hi cu striker covo bak a si. Centre forward role chimfiannak zongah hman a si.
eg- Ronaldo, Brazil
.
h) No 10 - Jersey number 10 hi second striker/attacking midfielder/playmaker hna i hruk dingmi a si, Playmaker role chimfiannak zongah hman a si.
eg- Messi, Argentina
.
i) No 11 - Jersey 11 hi Left midfielder/Left Winger hna i hruk dingmi a si.
eg- G.Bale, Wales

Asinan, Pa le pa, nu le nu i țhitumh zong poi a ti baklo mi tulio kan vawlei thil sining ah hin cun zeihmanh hi a sining in thil a kal ti loh. An number zoh in zei position ah dah a um ti hi theih khawh an si ti loh. Laimi ko hi kan zual. "Mah cu number nan ka pek lo ah cun ka chuih la loh", ti a hmangmi kan tamtuk!

A cunglei i number 1 in 11 chungah khin number țha khun i an chiahmi a um rih.

No-7 - Jersey number 7 hi phukhat chung i milar/thiamkhun a si mi hna an hrukter mi number a si.
Eg- Luis Figo, Marc Overmars, Garrincha, Eric Cantona, C. Ronaldo, David Beckham tbk hna hi Right midfielder minthang deuh pawl cu an si. Cun, right midfielder a si theng lomi hna zong nih an i hruk ve țhiam țhiam. Club nih an i bochan deuhmi hna kha an hrukter ve ko hna.
Eg- Raul, Canigga, Pato, David Villa, Bebeto leh Shevchenko hna zong hi number 7 a larpi tu hna an si. Kenny Dalglish hi Liverpool number 7 a larpitu bik a si ve.

No-9 - Jersey number 9 hi Centre forward number a si i, team khat chung i striker țha bik timi nih an i hruk. Cung leh tang, "penalty box chungah cun khawmkhawh ti lomi" tiah an ruahmi pawl nih an i hruk.
Eg- Ronaldo, Romario, Batistuta, van Basten, Alan Shearer leh Robbie Fowler hna hi number 9 larter tu bik cu an si. Tulio ah cun Benzema, Cavani, Lewandowski hna hi no-9 he ai tlak bikmi pawl an si.

No-10- Jersey no 10 hi cu number vialte lak ah a sunglawi bik i ruahmi a si. Team khat chungah a thiambik tiah ruahmi hna kha an hrukter tawn hna. No-10 ai hrukmi hna hi cu an mah team ko ah cun an i bochan bikmi an si ti kha philh hlah.

Eg- Maradona, Pele, Zinedine Zidane, Michel Platini leh Leo Messi hna hi number 10 a lapi tu bik cu an si.

Player minthang hna nih an rak i hrukmi number cheukhat hi cu an mah philhlonak caah midang nhi i hruk ve tilo ding in Club hna nih an dinhter (retired) , mi zei maw zat an um cang.

a) AC Milan nih an an Club minthantertu a si vemi Maldini (Defender leh Captain) philhlonak caah No. 3 cu an dinhter cang. Cun, Franco Bareis nih a rak i hrukmi No. 6 zong AC Milan nih hin an fim chih fawn cang.

b) English club West Ham zong nih Bobby Moore philhlonak ah Jersey no. 6 cu midang nih i hruk ve tilo dingin an fim ve cang, AS Roma zong nih Aldair philhlonak caah no. 6 an rak fim cang fawn.

c) Maradona philhlonak caah Napoli nih Jersey number 10 cu an chuah tiloh, Italian club dang Brescia zong nih Roberto Baggio philhlonak caah Jersey number 10 cu an chuah ve tiloh.
.
d) Ajax Amsterdam nih minthang Johan Cruyff philhlonak caah number 14 cu an dinhter ve, Manchester City zong nih an player (an ram aiawh i a chuihlio ah ruahlo pi i a thimi ) Marc - Vivien Foe țihzahnak le philhlonak caah Jersey number 23 cu midang hruk an siang ti loh.
.
e) Thapetu zong hi a chuihtu tlukin an biapi ti an theih ruangah Club cheukhat hna nih an fans pawl țihzah upat peknak caah ti'n number an dinhtermi zong a um ve. Jersey no-12 hi fans pawl caah tiah player a ho hmanh i hruklo ding in a fimmi an um. Chu hna :-
Thus, Fenerbahce, Bayern Munich, Feyernoord, Dynamo Kiev, Lazio, RC Lens, Zenit St. Petersburgh leh English club Portsmouth hna hi an si. Fans caah ti'n an Club no-12 cu player a ho hmanh hruk an sianh hna loh..