Haa hi minung kan takpum, kan muisam le kan ngandamnak caah ah a biapi tak² mi a si. Kan haa a țhatlo ah cun kan duhmi zong kan ei kholoh, holh a fiang kholoh, kan mui zong a chiater. Cu caah kan Haa hi țha te i kan zohkhenh awk a si.
Haa enamel hi porcelain bantuk in a tleu i, bulletproof bantuk i a cangmi a si. Kan takpum chungah hin kan haa tuamtu enamel hi a cangbikmi a si. Asinan, zohkhenh lo ah cun fawi te i a bum khomi zong a si fawn.
• Haa zaat a fawimi, haa fah hmangmi na si ah cun haa hnurnak (toothbrush) a nem mi te na hman la.
• A thlummi thingthei, changreu leh a dang² hna na ei dih bak in haa hnurnak (toothbrush) in na haa hnur colh, haa hnur a remcan lonak hmunhma i na um ah cun na kam tal na țhuah hrim² la.
• Theihang (အခ်ိုရည္) leh soft drinks pakhat² na din tik ah straw na hman hrim hrim la. Theihang/ soft drinks ah hin acid leh a tlummi ai tel i haa țhalomi hna caah cun haa fahnak a chuahter khomi a si.
• Haa tuamtu (enamel) țhawnternak caah calcium leh phosphorus hna hi kan herhbikmi a si. Cu cahh calcium leh phosphorus tampi aa telmi hna kha ei khawh i zuam.
No comments:
Post a Comment