Hai hi a ei bal rihlo mi kan um la lo dah. Hai hi Ngakchia, Upa in kan duh dih. A thaw ngai² mi thingthei phunkhat a si.
Hai hi mirang nih 'king of all fruits' ti te hna in a min an sak. Asinan, laimi nih ngandamnak caah zeitluk in dah a țhat ti hi a theimi kan tlawm. Mithiam hna i an chim ning ah Hai ah hin vitamins, minerals leh antioxidants tampi a um tiah an ti, mah hi hna hi vun (skin) caah a țha tak² mi an si hna.
Hai ah hin minung nih ngandamnak caah kan herhbngaimi fibre, Vitamin A ,B ,C, B3, B Complex, Potassium, Calcium leh Iron hna an um.
Cu lawng a si rihloh phenols leh enzymes hna zong a um chih i Cancer zawtnal lak zong in a kan kilven khawh tiah an ti.
Kan takpum nih ni khat caah a herhmi vitamins 25% hi Hai (mango) ah hin a um tiah an ti.
Ngandamnak Caah;
(1) Mit (eye) caah a țha, mitfah a damter khawh. Mit khuahmuh a fianglo mi hna caah khuahmuh a fianter.
(2) Pawpi rianțuan a țhawnter i, pawngkal a hman, ek a nemter.
(3) Thluak a țhatter, thil cinken khawhnak a bawmh, ngakchia țhangliomi hna caah cun tampi'n eiter a țha.
(4) Vun (skin) a hninhnoter. Vun a ro mi hna nih tampin ei ding.
(5) Arsik ngeimi caah; Hai a hminmi hawng kha na hma ah minute 10 hrawng benh, Arsik a lohter khawh. Cun, Arsik aiser dingmi lak zong in a kilven fawn.
(6) Hai ah hin Vitamin B3 leh B-Complex hna a um i cu nih cun Sam a țhat/nun ter.
-Reader Digest
No comments:
Post a Comment