ZAK TANG A NAKMI NGOTERNAK

Tutzan Cu Nungak Pawl Caah Siseh 
(Nutung No pawl hrang zongah a tha ve thiam thiam)

Na Zak tang a Nak(black) maw? Na Zak tang a Nah ruangah angki bantawi nai hruk caan ah khin nai phunhrung tawn si lo maw? Na lungrethei hlah. Nan Coka ah khan a ngoternak a um ko khah. Na rak theihlo ruangah a si.

A tanglei i ka vawn tialmi pawl hi na tuahpiak ah cun tuluk nu bantuk in na Zak a ngo lai i, mirang nu bantuk in a var ko la.

1. Alu kha panten na riam/par la. Alu na parmi cun na Zak kha minute pahra hrawng na hnur piak la. Na hnur dih hnuah na roter lai i tilum in na tawl la.

2. Lemon ( theithur,Reite tbk) kha cheu-li ah na cheu la. Na Zak kha na hnur la. Cun, a ronak hngalo moisturizer pakhat khat na thuh la.
Phundang deuh : Reite hang+cawhnuk khal+aihre+khuaitizu hna kha na cawh hna la. Na Zak ah na thuh la i minute 10 hnuah ti in na tawl than la.

3. Baking Soda (changreu tbk i an cawhchihmi khi) kha ti he na cawh la.
Na Zak tang a Nahnak zawn kha na thuh la. A ro in ti'n na tawl than la.

4. Zil hi vun caah a thabik mi thei pakhat a si. Zil kha a pum te te in na riam la. Na Zak kha na hnur piak lengmang la. Cun, Zil hang+ Reite hang+ Aihre hna kha na cawh la i Na zakah khan na thuh la. Minut 10 hrawng na chiah hnuah ti in thiang ten na tawl than la...

*** A cunglei i ka tialmi hna chung khin nangmah na duhmi nai thim khawh. Khi bantuk i zarhkhat na tuahah cun na Zak tang a Nak mi kha a ngo deuh hrim hrim la. A thla i na tuahah cun a Nak mi vialte kha a hung ngo dih ko la....