Pathian Ai Bochan Pengmi KAKA Tuanbia Tawi

Kaka hi April 22, 1982 ah khan vawlei ceu dawh a hmu. A laihri tan min cu Ricardo Izecson Dos Santos Leite ti a si. A chuahnak khua hi Gama ah a si.

A nu leh pa;
A nu leh pa min cu Mr.Bosco Izecson Pereira Leite ( Civil Engineer ) leh
Mrs.Simone Dos Santos (Elemetary school teacher)
hna an si, mirum tuk cu an siloh nan mi nung kho an si caah chawva lei ah harsatnak ngai ngai ngeilo in football lei ah kar a hlang kho. A unaupa Eduardo Delani zong hi footballer thiam thiam a si i AC Milan ah a rak chuih bal ve( a thiamtuk lem loh a si la. a thawngpang a dai thai) Kaka timi min a putnak hi a naupa nih Ricardo ti'n a kawh thiamlo ruangah KaKa tiah a ti i, cu min cu a put thainak a si.

Kum 7 a si ah an chungkhar in Sao Paulo ah an pem. Sao Paulo i an sianginn kainak ah "Alphaville" timi football club ah an telter ve. A bawlung tonghtham ning le a cawlcangh an zoh tik ah hmailei ah minthang pakhat ah ai chuah te la ti an theih ruangah Sao Paulo FC nih cun an mah sin um ding in an i lak.

A nolio caan :
Kum 18 a si ah; kum 2000 ah khan swimming pool ah ai khawng sual i a kengruh a kiak (Spinal Fracture) . Bawlung chuih kho ding zong in an rak ruat loh. A sinan, a biakmi Pathian thawng in ruahlo pin a hung dam i a duhbik mi le a huambik mi bawlung cu a hun chuih kho than ( a tu tiangah hin lahkhah a hmuhmi chung in cheuhra cheukhat 1/10 hi hman te in a pek zung zal)

KAKA cu a ho dah a si? :
(Senior level)

1) Sao Paulo
Feb 1, 2001 ah khan a puai hmasabik cu michawngtu ( substitute) in halftime hnuah an luhter ve. Sao Paulo cu kawl khat in an sungh lio a si. Kaka an hung luh tikah Sao Paulo tanhtu pawl cu an khuaruah a har ngai ngai. Cu nak i khuaruahhar deuh a si mi cu a mah nih Goal hnih a kawl i Botafago cu 2-1 in an tei hna. Sao Paulo ah hin puai 58 ah goal 23 a kawl manh.

2) AC Milan

Vawleicung i mizapi nih KAKA an hun theihnak;
kum 2003 ah khan €8 Million in AC Milan ah a lut. Schevchenko, Inzaghi hna he an vawn chuih ti tak tak cu.
kum 2007 ah khan UCL ah top scorer a si i goal 10 bak a kawl ( hmaitli a si loh. Laikal-hmaitli bawmtu a si)
Mah hi kumah hin European Footballer Of The Year leh FIFA World Player Of The Year minthatnak laksawng zong a hmuh.
(Kum 2007 UCL final i Champion an si tan ah khan a angki chungah 'I BELONG TO JESUS' timi ca a tial. Hi a catial ruangah hin Khrihfa mi tampi nih cun Kaka an hun chin chin)

3) Real Madrid:
Changpi laksual an chim bang in;

Kum 2009 ah khan Real Madrid nih €68.5 in an cawk. A chanlio ah cun vawleicung i man fakbik a rak si ve. ( zarh 3 hnuah Ronaldo nih a vawn lawnh than)
Real ah hin zeingai ai chuah kholoh. Ai hliam lengmang ruangah Mesut Ozil tu Kaka zaka ah an hun hman deuh. Kaka tu cu mi chawngtu dirhmunah a hung um. Real a um lioah hin La Liga leh Copa Del Rey hna ah Champion an si ko nan "Kaka thawng in tiding" ti ding tlak cun

4) AC Milan
Kum 2013 ah ah khan a minthannak AC Millan ah a kir than. A sinan, a hlan i KAKA kha a si tiloh.. (a kum zong a hung u pa ve cang. Brazil lei ah a kir than i thancho leinak in tumchuk lei a panh thluah mah....)

Ram Caah (Brazil) :

Brazil senior team ah hin 31st January 2002 ah khan Bolivia he an chuih i mah kha kha Ram hrang i a chuih hmasabik puai a si. kum 2002 World Cup ah khan; Costa Rica he an chuih tan 1st round minute 25 hrawng a chuih ve. Mah hi tanah hin Brazil star Ronaldinho, Rivaldo hna an um ruangah a nih cu mi chawngtu dirhmun ah an chiah.

-Kum 2005 FIFA Confed Cup ah khan cun Brazil nih an i bochan tak tak mi a hung si ve cang i Final zongah Goal khat a kawl ve.
-Kum 2006 WC zongah Brazil team ah thim a si i.
-Conded Cup 2009 ah Best Player a si,
-World Cup 2010 zongah khan Brazil team ah ai tel..

Chungkhar :
Caroline Celico he kum 2005 December 23 ah khan an i um. Fa 2 an ngei cang. Fapa Luca Celico Leite (born 10 June 2008) leh Fanu Isabella (born 23 April 2011) hna an si.

A nupi hi a ngakchiat lio te i a dh mi a si i an i thitumh ah hin an pahnih in VIRGIN bak an si.

KAKA nih a nunnak ah pakhatnak i a chiahmi cu Pathian a si. Bawlung a chuih i a kawl zongah hin van lei a sawh i Pathian sinah lomhnakbia a chim peng i zumtu tha tak tak a si..

Hi vial hi ka tial khawh tawk si seh. A sautuk ah cun a rel hna na huam sual la loh grin emoticon .

( A tuanbia hi khawmhsuat a har deuh ruangah Palh sualnak te te a um kho men. Rak ka ngaithiam uh. Cun, ka palhnak te te kha Comment nak ah rak ka chim te uh...)

KAKA nih Club le Pumpak In Laksawng A Rak Hmuhmi Hna;

Club
São Paulo;
-Torneio Rio-São Paulo: 2001

AC Milan
**Serie A: 2003–04
**Supercoppa Italiana: 2004
**UEFA Champions League: 2006–07
**UEFA Super Cup: 2007
**FIFA Club World Cup: 2007

Real Madrid
**La Liga: 2011–12
**Copa del Rey: 2010–11
**Supercopa de España: 2012

Ram (Brazil)
**FIFA World Cup: 2002
**FIFA Confederations Cup: 2005, 2009
**Superclásico de las Américas: 2014
Individual

Pumpak In A Hmuhmi Hna;

**Kaká 2008 Samba d'Or
**Revista Placar Bola de Ouro 2002
**Campeonato Brasileiro Bola de Prata (best player by position) 2002
**CONCACAF Gold Cup Best XI 2003
**Serie A Foreign Footballer of the Year 2004, 2006, 2007
**Serie A Footballer of the Year 2004, 2007
**UEFA Champions League Top Assist Provider 2004-05, 2011-12
**UEFA Champions League Best Midfielder 2005
**UEFA Champions League Bronze Top scorer 2005–06
**UEFA Team of the Year 2006, 2007,2009
**FIFPro World XI 2006, 2007, 2008
**Pallone d'Argento 2006–07
**UEFA Champions League Top Scorer 2006–07
**UEFA Champions League Best Forward 2006–07
**UEFA Club Footballer of the Year 2006–07
**FIFPro World Player of the Year 2007
**Ballon d'Or 2007
**FIFA World Player of the Year 2007
**World Soccer Player of the Year 2007
**IFFHS World's Best Playmaker 2007
**IAAF Latin Sportsman of the Year 2007
**Onze d'Or 2007
**FIFA Club World Cup Golden Ball 2007
**Toyota Award 2007
**Time 100 2008, 2009
**Maracanã Hall of Fame 2008
**Samba d'Or 2008
**Marca Leyenda 2009
**FIFA Confederations Cup Golden Ball 2009
**FIFA Confederations Cup Best XI 2009
**FIFA World Cup Top Assist Provider 2010
**A.C. Milan Hall of Fame 2010