Vawleicung Certual(Stadium) Nganbik 10 Hna

A tang i Football Stadium a nganbik-10 kan langter mi hna hi a zohtu thutnak tam lei in tah a si. Regular i chuihnak ah an hman mi pawl lawng langhter an si caah, Stadium ngan leh minthang a si mi,  

North Korea i May Day Stadium zong telh a si.

#1 Salt Lake Stadium (Kolkata, India)

Capacity: 120,000 

Hi Stadium hi India ram kolkata khua pi a um mi a si. Salt Lake Stadium hi 1984 i rak sak mi a si i,Yuva Bharati Krirangan ti zong in an auh tawn. Multi-sports arena a si i, football hi a major sport a si caah. Indian football clubs hna nih home ah hmang in, India national team nih khual an neih tik ah mah stadium hi hman a si .

#2 Estadio Azteca (Mexico City, Mexico)

Capacity: 105,000

 The Estadio Azteca hi 1966 ah an rak sak,hi stadium hi puai ngan deuh pawl ah hamn a tawng ngai ngai mi a si. Major tournaments voi-3- 1968 Summer Olympics ,FIFA World Cups in 1970 leh 1986 - hna ah hman a rak si. ‘Game of the Century’ i an thim mi, FIFA World Cup 1970 semi-

final i Italy nih West Germany an rak teinak puai kha hi certual pi ah hin an rak chuih. FIFA World Cup 1986 i Maradona nih Football history ah min dai ti lo ding mi Goal hnih ( ‘ Hand of God’ & ‘ Goal of the Century’) , quarterfinal match ah England lei i a rak kawl nak certual pi kha a si.

#3 Azadi Stadium (Tehran, Iran)

Capacity: 100,000

Hi Stadium hi footballer pawl nih chuih nuam an ti bik mi certual pi a si. Azadi Stadium hi Iranian national football team nih home ah an hman i, local clubs Persepolis FC leh Esteghlal FC hna zong nih home ground ah an i hman ve mi a si. 1974 Asian Games kha mah certual pi ah hin neih a si, hi Stadium hi Middle East ah Stadium nganbik a si.

#4 Camp Nou (Barcelona, Spain)

Capacity: 99,354

Mah hi certual hi cu football lei a uar mi hna nih cun kan theih dih cio lai dah, Vawlei cung certual hna lak ah a larbik pawl a si. Nou Camp hi vawlei cung club lar leh lianngan a si mi FC Barcelonahome ground a si. Hi certual hi superstars rual Johan Cruyff, Luis Figo,Ronaldinho, Lionel Messi,Xavi leh Iniesta etc te hna minthannak hmunpi a si.

#5 Soccer City (Johannesburg, South Africa)

Capacity: 94,700

Soccer City hi 2010 FIFA World Cup ah khan hmanbik mi a si i, opening ceremony leh final match chuihnak i an hman mi kha a si( shakira nih waka waka a saknak..:D), World Cup chuihnak i hman ding a si caah,remh a si i a design thar hi African BEL design i sak mi a si. a nickname caah ‘The Cabalash’ an sak. S.Africa National team nih khual an neih caan poah ah an hman tawn i, Kaizer Chiefs hna nih national football league chuihnak ah an hman ve tawn.

#6 Wembley Stadium (London, England)

Capacity: 90,000

Hi Stadium hi Football larnak ram England ah a um mi a si i vawleicung certual hna lak ah minthang bik pawl a si. Hi Stadium hi FA ta a si i, England’s international team nih home ah an hman mi a si, Domestic match lianngan deuh a um caan zongah hman a si tawn. Wembley thar hi 2007 ah khan awnnak tuah a si i, nikum ah 2012 Summer Olympics Football final chihnak ah hman a si.

#7 Gelora Bung Karno Stadium (Jakarta, Indonesia)

Capacity: 88,306

Hi Stadium hi list i a lang mi chungah minih an theih lem lo mi a si. Kum 1962 ah an rak sak i, Indonesian national team hna nih khual an neih caan ah an hman tawn, domestic league leh cup fixtuers pawimawh a um caan zongah hman a si twn. Hi Stadium hi Indonesian football club minthang Persijia Jakarta i home ground a si chih.

#8 Santiago Bernabéu (Madrid, Spain)

Capacity: 85,454

Hi Stadium zong hi a thei lo kan um la lo dah. Vawleicung Club lar leh minthang Real Madrid home ground a si i, an club chairman hlun Santiago Bernabéu Yeste sunlawihnak caa i Santiago Bernabéu ti mi min hi an sak mi a si. Hi Stadium hi 1947 ah an sak i, European Cup finals voi-3,Champions League final voi-1, 1964 European Nations Cup leh 1982 FIFA World Cup chuihnak ah an rak hman mi a si.

#9 Estádio do Maracanã (Rio de Janeiro, Brazil)

Capacity: 82,238

South America i Stadium nganbik, Maracana Stadium hi 1950 ah FIFA World Cup chuihnak ding i an sak mi a si i. Hi stadium ah hin Football puaikhat ah zohtu tambik record a nei i, 1950 World Cupah  khan mipi 199,854 nih a hmun ah an zoh i,hi hi a tu tiang i record dirlio mi a si . Hi certual hi 2013 FIFA Confederations Cup, 2014 World Cup, 2015 Copa America leh 2016 Summer Olympics i hman ding mi a si.

#10 Signal Iduna Park (Dortmund, Germany)

Capacity: 80,552

Signal Iduna Park hi a min tak tak cu Westfalenstadion a si i, season liamcia i German Budesliga Champion Borussia Dortmund home ground a si. 1974 ah awnnak puai an rak tuah, German top-flight i Stadium nganbika si. 2006 FIFA World Cup,Germany i tuah a rak si ah khan hi certual hi hman tambik mi a si.