NGANDAMNAK CAAH THINGTHEI LEH AN HNAH

Thingthei;-

Thingthei A Rong Hi Kan Takpum Caah A Herh Maw??

Thingthei a rong phunkhat cio hi kan takpum caah a baipi tukmi le a herh tukmi an si. Eidin tirawl thingthei phun i an rong pawl nih hin ngandamnak he pehtlai in anmah an rong hoih ning cio in thiltha an chuahpi cio.

A rong a senmi;
A rong a senmi eidin tirawl ah hin Antioxidants ai tel ruangah cancer zawtnak a khamh, kan lung le kan thin a rawhnak lo ding caah a kilven fawn ti a si.

A rong a engmi;
A rong a aihremi endin tirawl nih hin mit a ṭhatter i vitamin C aitel caah ngandamnak a ṭha bikmi a si.

A rong a hringmi;
A rong a hringmi eidin tirawl hi ngakchia ca le nu pawl caah a ṭha bikmi tirawl a si i nau inn cancer le a dang cancer zawtnak, lungtur zawtnak le thisen zawtnak caah a hlei in a ṭha khunmi tirawl a si.-

An Hnah ;-

Anṭam Tawba (Turnip)

Anṭam tawba (turnip) ahhin 18 calories ai tel ko nain cancer zawtnak a doh khotu Glucosinolates dat tampi ai tel.

Kawipi Par (Cauliflower)

Chumh ciami kawpi paar (Cauliflower) parkhat ah hin ruh fehnak caah nichiar in kan takpum nih a herhmi vitamin K hi zatuak 20% tluk ai tel.

Piat (Onion)

Piat (Onion) ah hin Quercetin tampi ai tel caah kan rilpi cancer zawtnak a chuah khawh lonak hnga caah a kham piak khawh.

Anṭam Tawba Raang (Radish)

Anṭam tawba raang (Radish) ah hin 9 caloreis ai tel. Vintamin C hi tampi ai tel caah kan takpum caah zawtnak tampi a kham khawh.

Khachuan Raang (Garlic)

Khachuan raang (Garlic) nih hin kan thi kalnak hi tampi a control khawh pinah cancer zawtnak zong a kham khawh.

Anṭam Tawba  (Parsnips)

Parsnips ah hin vintamin C tampi ai tel. Parsnips hang hraikhat tluk nih hin nikhat chung i na takpum nih a herhmi dat pawl kha a rulh khawh pinah sa dat 14 gram tluk ai tel.-