"THE BEAST" AN TIMI CU...

Vawleicung i ram liannganbik a simi le minih an upat tuk mi USA President nih an i citmi mawtaw hi....

USA Presiden hna nih khual an tlawnnak i an i cit tawnmi mawtaw hi a min ah "The Beast" tiah an ti. Hi mawtaw hi, hi ti zoh ah cun mawtaw dang he an i dannak a um lem loh. A tung a sau deuh ti dah lo cu. Asinan, zeitluk in dah a that! khuruahhar lei a si ko. Kan zoh hmanh hna lai.

US President John F Kennedy a thih hnu khan US Secret Service hna nih an President hna i an i citmi mawtaw hi a him thluloh ti an hngalh ruangah a hlan nak i tha deuh le him deuhnak ding khua an ruat. US President hna khual an tlawn tik i an him khawhnak ding caah ti'n Mawtaw a tha tak tak mi cu an ser i a min ah "The Beast" an ti.

"The Beast" hi Bio-chemical hmang i an rak doh zongah him ding in a hleibak i sermi mawtaw a si. A Fuel Tanky hi 'Foam' hmang i tuam chihmi a si i, direct i an kah zongah a puak kholoh. Emergency i hman ding Oxygen bawm, Fire Extinguisher leh Obama Blood Group he aa khatmi Thisen zong ready in chiah a si. The Beast hi Steel, Aluminium, Titanium leh Ceramic hmang i sermi a si i cerek/kuanfang (Bullet Proof) lak zongah a himbak mi a si. Avam hi zung 5( Inches 5) in a chah mi a si. Obama he mi 7 a chungah hin an thu kho. A innkhar(thlalang) hi zung-8( Inches 8 ) in a chah. Boeing 757 Cabin innkhar tluk in a rit mi a si.

A innkhar(thlalang) zong hi kuanfang(Bullet Proof) nih hlanh kholo ding i sermi a si, Thlalang(Glass) hi awng lak in kap sual hna hmanhseh law, thlalang changtu ah hin Plastic layer a um rih i Baseball Glove in bawlung fawite i an tlaih bantuk khin Plastic layer nih kuanfang cu fawi ten a rak tlaih khawh. Mawtaw hmai ah hin Night Vision Lens leh Tear Gas Cannons zong a um chih rih. Mawtaw ke (Tyre) hi meithal i kah zongah kuai kholo (puncture) ding i sermi a si i, a kuai sual a si hmanhah a kui? Wheel steel i sermi hin duhtawk in a kal kho rih. Mawtaw a kal lio ah hin a mawngtu law nih thlalang a awn khawh. Asinan zung-3( Inches 3 ) te lawng ai awng kho, cu zong cu lamtluan i a duty mi Secret Service hna chawnh a herh caan te lawngah a si. A mawngtu hi mithiamsang tak tak CIA tang i training chuak mi lawng an hman hna. A Dash board ah GPS Tracking System a um i cu nih cun an kalnak ding hmun kha screen ah a lang dih.

Obama hi thutden(seat) hnulei ah a thu i, a hnulei thutden ah hin mi 4 thutnak a um. Thlalang nih a dan dih hna, Obama lawng nih hin switch glass a control khawh(a duh le a niamter i a santer khawh). Obama thutnak hmaiah hin Desktop leh Laptop Wi-fi a nungmi ai hung, Khoi ka hmun zong in Direct line Vice President leh Pentagon chawnhkhawhnak ai bunh fawn. Obama nih Emergency hrang i an chiahmi Panic Button an timi cu Obama thutnak pawngte ah hmeh khawh cawlh ding in a um. Secret Service in a herh caan paoh ah hman khawh dingmi Remington Shotgun(pistol) zong a pawngte ah hin an chiah cia. Mawtaw tang hi Steel plate zung-5 i chahmi an phah dih. Tanglei i bom a puah sual zongah cu nih cun a ven khawh ti a si.

'The Beast' a saulei hi pee-18 a si i, a san lei hi pee 5 leh zung 10 a si. A rihlei hi 8 tonnes a si i, Diesel a hmang, Maximum Speed hi 60 MPH. A man zat hi $ 300,000 a si.

*** Phone i tialmi a si caah rel a har deuh men la.Cafang palh mi te te zong a um kho. A ruahzia rak ka thiam uh tiah zanhfah kan nawl hna.