• Paul Davis : Hei Arsenal midfielder hlun hi kum 1988 ah khan Southampton he an chuih lio ah Saints midfielder Glenn Cockerill cu a khabe ah a thongh i, cu ruangah cun puai 9 chuih kholo ding in dan an rak tat hleiah £3,000 an cawiter rih fawn.
• Luis Suarez : World Cup 2014 ah Uruguay nih Italy nih kawl khat i an tei tan ah khan Luis Suarez nih Italy defender Giorgio Chiellini cu a liangah a seh, cu ruangah thla 4 chung chuih kholo ding in dan an tat.
• Vinnie Jones : Leeds United leh Chelsea midfielder hlun a rak si mi, a tu i holly wood fidi a tuan cangmi Jones nih hin 1987 kum ah khan Newcastle United he an chuihlio ah Magpies midfielder Paul Gascoigne-i ' a ci bawm' cu a tlaihpiak ruangah thla 6 chung an rak hrem, cu hlei ah £20,000 bak a cawiter fawn.
• Kolo Toure : Hi Liverpool defender nih hin kum 2011 ah khan Manchester City-i a chuih lio ah khan drug test a ngeihnak ah hman sianlo mi Sii a hmang ti an hmuh ruangah dan an tat , a nupi sii eimi a dinruangah si tiah a nawl ko hna na in an duh loh. Cu caah cun thla 6 chung pumpulluh chuih kholo ding in an hrem.
• Adrian Mutu : Kum 2004, Chelsea i a chuihlio ah khan Adrian Mutu nih hin ritnak caah cocaine a hmang ti an hmuh. Cu ruangah cun FA nih thla 7 chung pumpulluh chuih kholo ding in dan an tat, Cun, £20,000 an cawiter rih fawn. Fiorentina i ai thialhnu zongah January 29, 2010 ah khan drug test a ngei i ritnak sii a tawng ti an hmuh than, Cu caah cun nawlngeitu hna nih thla 9 chung pumpulluh chuih kholo ding in an hrem. Asinan, a caan an tawiter than i thla 6 ah an thialpiak than.
• Rio Ferdinand : Hi England International hlun nih hin September 2003 ah khan Carrington training ground ah drug test ngeih ding an timi i a kal duh lo ruangah FA nih a kong an ceihpiak, Manchester United defender hlun hi thla 8 chung pumpulluh chuih kholo ding i an hrem hleiah £50,000 an cawi ter.
• Mark Bosnich : Chelsea goalkeeper hlun Bosnich hi September 2002 ah khan ritnak caah cocaine a hmang ti an hmuh, ritnak sii a tawng ti an hngalh ah hin cun Australia International hlun nih hin cocaine lo in a rak umkho ti loh, ni khatah gram 10 hna a tawngh tawn ti si. Cu ruangah cun thla 9 chung pumpulluh chuih kholo ding in an hrem, khalio i a chuihnak Chelsea zong nih a contract ngeihmi cu an donghter ve.
• Eric Cantona : Mah hi pa a hngallo mi hi kan um hnga maw???. January 27, 1995 ahkhan Manchester United cu Crystal Palace homeground Selhurst Park ah an vaw leng. Palace fan Matthew Simmons nih Cantona cu bianek in a rak au hnawh ko rua hih, hi French, pa thintawi nih hin Simmons cu a 'kungfu kick' ko hme cu, cu ruangah cun Cantona hi thla 9 chung pumpulluh chuih kholo ding in FA nih a hrem hlei ah, £20,000 an cawiter.
• Diego Maradona : Vawleicung i footballer hna lak ah a thiambik a si tiah mitam pi nih an ruah mi Argentine forward i a tuanbia hi cu kan theih dih ngawt la dah. Kum 1991 ah khan drug test a ngei i, cu tan ah cun cocaine a hmang ti an theih. Sii thalo a hman ruangah hin nawlngeitu hna nih thla 15 (kum 1 leh thla 3) chung pumpulluh chuih kholo ding in dan an tat, Cun, khalio i a chuihnak club Napoli zong nih a nun zia thatlo ruangah US $70,000 an cawiter ve.
No comments:
Post a Comment