THLAURAU CAWMTU TUANBIA TAWI

JESUH He Biaruah Tinak....

Jesuh sin ah cun," Vailamtah na put mi kha a rit maw?" tiah ka hal i,
Jesuh nih cun, "Vailamtah nak khan Na Sualnak ka phorhmi kha a rit deuh," tiah a ka ti,.

"An in tuk,an in velh kha zeitluk in dah a fah", ti'n ka hal i, " Kha vialte nak in Na ka kaltak mi kha ka caah a fak deuh," tiin a ka leh.

"Vailamtah cung i an i thlai kha zeitluk in dah a fah ning a si?" tiah ka hal i, "Kha nak in Keimah sin ra duhlo in Vawlei nuamhnak lei i na ka pialtak hi a fak deuh," tiin a ka leh.

A si ah cun a donghnak ah," Van zongah Bawibik a si mi le Donglo i Vancungmi nih an thangthat mi na si ko nan, minung bantuk in vawlei ah na ra i, nehsawh phun zakip tuar ding le nunnak tiang pek i na ratnak kha zeiruangah dah a si?" tiah ka hal i," Ka fa dawt, Nangmah tello cun vanram zong khi nuam ka ti loh. Cu caah nangmah he Vanram ah zungzal i kan um ti khawhnak hnga serhsat-volhpamh nak vialte zong tuar i ka ratnak a si", tiah a ka leh!!!

Hawidawt, hi tluk i JESUH nih a kan dawtnak hi i theihter duhlo in na caan na liamter sual maw? Velngeihnak caan a um lio te ah hin rak kir than. Bawipa Jesuh nih an hngah peng ko.