C.RONALDO TUANBIA TAWI

C.RONALDO CU A HODAH A SI?

C.Ronaldo hi laimi chung hmanh ah a theilo mi kan umti bal la lo dah ka ti. TV in bawlungchuih a zohbal lomi zong nih a min hi cu kan i zah dih cang.Hi pa hi a hodah a si? ti le a tuanbia tawi langhter kan vawn i zuam la...

A Chuakkehnak;

Maria Dolores dos Santos Aveiro (a cooker) leh José Dinis Aveiro (a Municipal gardener) te fapa ngakchiabik si ding in,Funchal, Madeira, Portugal ah kum 1985, feb 5th ah khan a rak chuak. Amin tak tak cu Cristiano Ronaldo dos Santos Aveiro ti a si.Unau nu pa-2 leh unau pa-1 angei. A tung sanlei hi Pee 6 leh lehmah 1 a si.Fimthiamnak lei(sianginn0 ah cun zei hmanh chim ding a um loh. Siang inn a kai lio ah hin an si a rakfaktuk ve i a hawile cu chim lo an cawnpiaktu sayamah zong nih a rak nihsawh ngai2 ti a si. A ning a zaktuk i cu nak cun sianginn kai a duh ti loh.

Football Lei I A Tuanbia Hmasa;

kum 8 mi a si ah an khua club pakhat amatuer club Andorinha ah a lut.kum 2 hnuah club thar ND nacional ah aa thial than.asinan kum 1 zong a um manh loh. A career caah a biapi tuk mi le europe pi zongah club tha a si ve mi sporting lisbon i luhkhawhnak ding lam a hun i awng! kum 16 te lawng a si rih ko nan senior debut match ah moreirense he an chuih,Sau zong a chuih hlan ah a cawl cangh ning le leh a chuih ning hrim2 kha mi mit a la tuk hringhran,hi puai ah hin goal 1 a kawl...Kum 17 a si ah cun min a ngei ngai2 cang,UEFA's u-17 i a chuih ning nih europe club tha2 hna mit a lak tuk,khalio ah khan arsenal leh liverpool nih khan an duh ve2,asinan harnak te te a um ruangah le a mah an ngakchiat tuk ve rih caah an rak la kho loh(an rak la duh loh).kum 2003 a hun i mer i Man Utd he pre-season ah an chuih ti hna i 3-1 in Man Utd cu an rak tei hna!Hi puai i a cawlcangh ning le a thiamnak(skills) san ning cu Man Utd chuihtu pawl nih vanlawng i a tlunpah ah an i ceih lulh hna ti a si. Man Utd Boss.Sir Alex zong an i ceihmi cu a hnaki ten a rak theih peng ve i, £12m in a cawk colh ve! mitampi zong a khuaruah a har cio. Hi bantuk ngahchia hna hi zat zat( £12m ) phaisa i cawk cu an ti i an rak mawhchiat ngai ngai. Asinan, a rak i cawkfuh ning cu khuaruahhar lei a si..

MAN UTD career...Man utd caah puai hmasabik si ding in boltön he an chuih tan ah bench in a hung lut. min 30 chung lawng a chuih ko nan a thiam ning cu old trafford mipi hmai ah a hmuhsak hna..A thaizing newspaper pawl ah cun ronaldo min lawngte in a khat dih!, skills, adribbling, finishing thatning te hna cu newspaper kip nih an tial cio hna! -kum 2005 ah khan Zu ruangah a Pa nih a rak thihtak i, a lung a rak faktuk,a pa nunnak a la tu Zu zong hi a tu tiang a ding duh loh!-kum 2006 season ah khan Sir.Alex nih goal 15 na kawl khawh an cun £400 ka cawi la.Na kawl lo ah cun na cawi ve la tiah biakamnak an ser.Hi kum ah hin ronaldo nih goal 17 a kawl i a rak tei.-kum 2007 a hung phan cun vawleicung i a thiambik hna cazin ah khumh a si ve..Mah hi kum ah hin EPL nih a ngeihmi conglomhnak laksawng sangbik pahnih "PFA young player of the year,PFA player of the year," award pahnih cu a rak co. Vawleicung i a thiambik thimnak "world player of the year" zongah pa 3-nak a hmuh khawh.-kum 2008 hi cu C.Ronaldo caah cun philhkhawhlo mi kum a si. A ruangcu hmuhkhawh mi upat peknak laksawng sangbik vialte cu a mah nih a co dih caah a si. "world player of the year", "pfa player of the year","european player of the year" pawl a rak co dih!hi kum ah hin Man Utd trophy pa 2 ucl,epl alakpi hna i,goal 42 bak a kawl piak hna.-kum 2009 a hung phan i Man Utd cu EPL alakpi than hna, asinan ucl final ah barcelona lak ah an sung!mah hi season a dihbak hin a ngakchitlio i chuih a rak duhtuknak Real Madrid ah aa thial diam ko,Man Utd fans tampi nih mitthli he tlauh len ko nan vawleicung i player manfakbik siding in pound 80m in Real Madrid nih an cawk diam ko!

REAL MADRID Carrer..world record fee in Real a phanh tik ah,pressure tampi he real madrid ah hin aa thial i,a mah dawnnak puai zongah khan mipi 80000 luan an chuak, A angki(jersey) hrim2 cu zuar a kal tuk i,asinan a duhmi number 7 cu a co kho rih loh, a ruang cu Real Captian Raul a um rih ai! number 9 an hrukter chung.. Real i a luh ka hrawng kha Barcelona chanlio te a si hlei ah a mah zong a tu le tu aa hliam i a min than rup in a hlawhtling loh..Asianan thiamnak cu philh tak tak khawh a si lo i aa telnak puai kip ah a kawl peng..copa delrey ah Barca he an chuih tan ah khan teinak a hmuh piak hna..season 4 hrawng lawng a chuih rih ko nan real madrid caah goal tambik a kawl khotu top 5 ah aa tel kho ve cang... Aman zat hi a goal ve hrim2 cang ko lai..... a sautuk lai caah donghter ko u sih..

A Phu In Le Pumpak I Hlawhtlingnak A Hmuh Cang Mi Hna;

2001-2003

SPORTING B2 Games

SPORTING25 League Games, 3 Goals3 Cup Games, 2 Goals2 European Games

2003-2009

 Man Utd

2003-2004

FA Cup (Manchester United)Sir Matt Busby Player of the YearUEFA Team of the YearUEFA European Championship Runner-Up (Portugal)UEFA Euro Team of the TournamentFIFPro Special Young Player of the YearBravo Award

2004-2005

FIFPro Special Young Player of the Year

2005-2006

Carling Cup (Manchester United)FIFA World Cup - 4th Place (Portugal)PFA League Team of the Year

2006-2007

Premier League (Manchester United)Community ShieldPFA Young Player of the YearSir Matt Busby Player of the YearPFA Players’ Player of the YearPFA Fans’ Player of the YearFWA Footballer of the YearBarclays Player of the YearPremier League Player of the Month (Nov. and Dec. 2006)PFA Premier League Team of the YearUEFA Team of the YearESM Team of the YearCNID Best Portuguese Athlete Abroad

2007-2008

 Premier League (Manchester United)UEFA Champions League (Manchester United)FIFA Club World CupSir Matt Busby Player of the YearPFA Players’ Player of the YearPFA Fans’ Player of the YearFWA Footballer of the YearBarclays Player of the YearPremier League Golden BootBarclays Merit AwardPremier League Player of the Month(Jan. and Mar. 2008)UEFA Champions League Top ScorerUEFA Club Forward of the YearUEFA Club Footballer of the YearFIFA Club World Cup Silver BallUEFA Euro 2008 Man of the Match (Portugal)FIFA World Player of the YearFIFPRO World Player of the YearWorld Soccer Player of the YearPFA Premier League Team of the YearEuropean Golden ShoeCNID Best Portuguese Athlete AbroadUEFA Team of the YearFIFA FIFPRO World XIGoal.com Player of the YearESM Team of the Year

2008-2009

 Premier League (Manchester United)Carling Cup (Manchester United)PFA Premier League Team of the YearFIFA Puskás AwardUEFA Team of the YearCNID Best Portuguese Athlete AbroadFIFA FIFPRO World XI

2009-2010

 Transfer to Real MadridUEFA Team of the YearFIFA FIFPRO World XIFIFA World Cup Man of the Match

2010-2011

 Copa del Rey (Real Madrid)European Golden ShoeCNID Best Portuguese Player AbroadUEFA Team of the YearFIFA FIFPRO World XILa Liga Top ScorerCopa del Rey Top ScorerESM Team of the YearIbero-American Community Trophy

2011-2012

 La Liga (Real Madrid)Supercopa de España (Real Madrid)UEFA European Championship - Runner-Up (Portugal)UEFA Euro Team of the TournamentGoal.com Player of the YearTrofeo Alfredo Di StéfanoESM Team of the YearUEFA Euro 2012 Man of the Match (Portugal)UEFA Euro Top Scorer

2012-2013

 Supercopa de España (Real Madrid)Copa del Rey - Runner-Up (Real Madrid)Fifa FIFpro World XI Award 2012UEFA Champions League TopscorerTrofeo Alfredo Di StéfanoLiga de Fútbol Professional Most Valuable Player

2013-2014

 UEFA Best Player in EuropeUEFA Super CupFernando Soromenho "Prestige Award",Portuguese Sports Journalists' AssociationUEFA Champions League (Real Madrid)European Golden Shoe (Shared with Luis Suárez)Copa del Rey (Real Madrid)Fifa Ballon D'Or 2013Fifa FIFpro World XI Award 2013Globe Soccer Award for Best Player of the YearGreat-Officer of the Order of Infante Dom Henrique

Zan Ih Mitkuh Thawtnak Phun 6

1. Caan hmaante in it: Zantin in ih caan le zinglei thawh caan hmaanter.

2. Na ih hlan ah electronics thilri tawng hlah: Zan i na ih hlan suimilam pakhat ai duh ah, phone le computer tawng hna hlah. Mah hi na zum theng lai lo. Nain electronics thilri tawnghnak nih na takpum kha i hngilh zau kho loin a tuah lai.

3. A si khawh ahcun, ihnak khaan a dangte in ngeih khawh hi a herhmi a si. Laimi kan dirhmun ah cun, a si khawh lonak a tampi lai nain, a si khomi nih cun, ihnak khaan dangte in ngeih hi mitkuh thawtnak caah a tthami a si.

4. Zan i na ih lai ah dingei hlah:

Zan tlai hnu i rawl ei le dinei cu a thaw khun. Sihmanhsehlaw, mitkuh thawte in i hngilh khawhnak caah dawntu a si.

5. Daite in na thinlung chia:

Zan ih tikah, hnangam le daite in khuaruah khi mitkuh thawtnak caah a tthami a si. Siaremte in ih law, daite in khuaruah hmanh, naa hngilh kho zau lai.

6. Pum cawlcanghnak tuah:

Chun caan ah pum cawlcanghnak na tuah ahcun, zan ah na mitkuh a thaw deuh lai. Suimilam 3, 4 hrawnghrang chung pum cawlcanghnak tuah le takpum ceiter tuk belte a tha lo. I hngilh khawh lonak a si.

Premier League Results

28-12-2014 (SUNDAY ZAN)

FT Newcastle 3-2 Everton
Cisse 34'
Ayoze 51'
Coldback 68'
5' Kone
84' Mirallas

FT West Ham 1-2 Arsenal
54' Kouyate
Cazorla (PEN) 41'
Welbeck 44'

FT Man City 2-2 Burnley
23' David Silva
33' Fernandinho
Boyd 47'
Barnes 81'

FT Aston Villa 0-0 Sunderland

FT Hull City 0-1 Leicester City
Mahrez 32'
Red Card: Konchesky 88' (LEI), Quinn 90' (HULL)

FT QPR 0-0 Crystal Palace

FT Stoke City 2-0 West Brom
Biram Diouf 51', 67'

FT Southampton 1-1 Chelsea
17' Sadio Mane
Eden Hazard 45'
Red Card: Schneiderlin (SOU) 89'

FT Tottenham 0-0 Man United

PATHIAN MI HMAN HNA HMURKA

A dingfelmi hi Pathian thilser lakah aa dawh bik a si.
- Alexander Pope
Dinfelnal a um lo ahcun kanmah nih kan ser awk a si.
- Honore Gabriel Mirabeau
Dinfelnak hi a tha bik pawlisi a si.
- Benjamin Franklin
Dinfelnak hi ro vialte lakah ro tha bik a si.
- William Shakespeare
Midang chimmi fawi tukin a zumhmi lawng hi a dingfelmi lungthin i a sunghnak a
si.
- Sir Philip Sidney
Thil a hmaan lo ning in hmuh i timh cu sunghnak hramthok a si.
-Domocritus
Thilri pawnmi cu a kir than ko lai nain dinfelnak voikhat pawn cangmi cu hmuh
than khawh a si ti lo.
-Conyers Middleton

PHAISA NIH HNANGAMNAK A PE KHO MAW?

PHAISA NIH HIN..

$ Ihkhun tha tha le Ihphah tha tha a cawk khawh ko nan mitkuh thawtnak belte cu a caw kho loh.
$ Cauk cu a cawk khawh ko nan Fimnak cu a caw kho loh.
$ Rawl cu a cawk khawh ko nan Eika thawtnak belte cu a caw kho loh.
$ Nazi dawh dawh a cawk khawh ko nan caan cu a caw kho loh.
$ Thisen cu a cawk khawh ko nan Nunnak bel cu a caw kho loh.
$ Ttamhnak a phun2 cu a cawk khawh ko nan Dawhnak cu a caw kho loh.
$ Hawikomhnak a ser khawh ko nan hawitha a caw kho loh.
$ Inn tha tha a cawk khawh ko nan Chungkhar nuam a caw kho loh.
$ Sii a cawk khawh ko nan Damnak a caw kho loh.
$ Nuamnak caah thil a phun2 a cawk khawh ko nan hnangamnak a caw kho loh.
$ Dirhmunsang a cawk khawh ko nan Upatnak a caw kho loh.
$ Vailamtah a cawk khawh ko nan Khamhnak a caw kho loh.
$ Ramdang kalnak passport cu a cawk khawh ko nan Vanran kainak Passport cu a caw kho loh.

HAWI SIN I THUTDIR NING

Hawi He Hmunkhat I Rawl Nan Dum Ti Tikah;

1. Rawl na ei tik ah na ka khat tuk in i tuh hlah.

2. Na ka chung i rawl a umlio ah holh tuk hlah.

3. Tihang/dinhhang na dintik ah awnlo ding ten na din lai. (cheuhkhat cu faktuk in an dawp i "hruk" tiah a awn tawn)

4. Rawl thlawlo ten ei i zuam.

5. Saruh/Ngahling tbk na ei ciami kha a chiahnak ding kheng chungah thaten na chiah la. A chiahnak kheng a umlo ah cun na kheng pawng te ah khan thaten na chiah la.

6. Rawl na eitik ah hakkautuk le rianrangtuk in ei hlah. Duhsah ten ei i zuam.

7. Rawl na ei tikah na kiu kha cabuai cungah chia hlah.

8. Rawl ei pah ah bia tamtuk in chim hlah. A nih zong ni tuk hlah.

9. Kut i rawl na ei a siah cun na kut ah khan buhfang kha kawpter hlah.
Haileng i na ei ah cun haileng thawng umlo ding te'n ei i zuam.

10. Cabuai cung i chiahmi ei dingpawl kha na kut dong in va sawh len hna hlah.

11. Angki eih/hruklo in rawl ei hrim hrim hlah.

12. Na pawngkam thumi hna kha an mah hal hmasalo in meh va suah hna hlah. Suah na duh hna ah cun hal hmasa ta hna.

13. Rawl ei lio ah irh,hahchiau le khuh ko ding ten i ral ring. Rawleinak pawngah hnap le khak cha hlah.

14. Zapi nan i hrawmmi meh/tihang pawl kha na rawleinak haileng khan va suak hlah. Haileng dang na hman la.

15. Rawl na khim in tikik hraikhat tal na din ta la....

CHUAHTHLA LE AN LUNGPUT

PSYCHOLOGISTS hna chimning ah:-

JANUARY = Mui dawh an tam. Duh an nung. An thluak a tlawm. Dl le nuar hnawh an hmang.

FERBUARY = An biakam ah an dir peng. Dl dawt an thiam.

MARCH = Mitha an si. Mi tang ah an i dor. An Darling le cungah zumh tlak ten an um.
Capo an duh.

APRIL= Mi zawn an ruat. An lung a cang. DL helh an thiam. An bia a thlum.

MAY = An mi duh mi cungah cun zah an hngal loh. Bia an thiam. Mi rum an tam. Dl thlen an i fawih.

JUNE = Kawmh an nuam. An thluak a tha. An mit a par. Mi helh an thiam.

JULY = Mi teima an si. An lung a khauh. An vikvak a tha. Zuun tuar an celh loh.

AUGUST = Mi kholol an tam. An holh a tam. Hawi le caah an tha. Dl le nuamhter an thiam.

SEPTEMBER = Muidawh an tam. An thin a tawi. DL caah nun an siang. An thli a tha.

OCTOBER = Mifim an tam. Ca an thiam. Kawmh an nuam. Darling nei kho lo an tam.

NOVEMBER = Mifel an tam. Nawl an ngai. Duhtu tampi an ngei. Dl tampi ngeih an hmang.

DECEMBER  = Mi nun nem an tam. An khiar loh. An mah nak i muidawh/mirum/mifim/ an i hmuh.

Nang zei thla dah na chuah_?_?_?_?

NIKHAT CHUNG I MINUNG KAN TAKPUM KONG

NIKHAT CHUNGAH HIN;

- Na lung voi 103,689 a tur.
- Na thi hi nathihri 168,000,000 tluk ah a lut manh.
- Na thawthawtzat voi 23,040
- Na thlidawpzat 438 cubic feet
- Na thlanchuakmi 1.43 pints

  (england tah ning;pint 8 ah gallon 1, US tah ning; pint 1 ah 0.473 liter)
- Na rawleizat 3.25 pounds
- Ti na dinzat 2.9 quarts(quart1 ah liter 1.4 a si)
- Na zun leh ek hlonhmi 7.8 pounds
- Na holhzat biafang 48000
- Na Tha 750 a cawlcang.
- Na tin .000046 letmah a thang.
- Na sam .01714 lehmah a thang.
- Na thluak cells 7,000,000 a cawl cang.
- Na ihtik ah voi 25-35 hrawng na khel na leh.
- Na takpum nih a linmi 85.6°F a chuahter.
- Buaktlak in mipakhat takpum hi Ti 65% a si i, 20% hi ruh a si.A dang cu taksa dang hna an si.
- Minung takpum ca i sii thabik cu Ti thiangmi te hi a si.

PATHIAN SIN I THLACAM HI...

1. Thlacamnak hi 'teinak biathli'.a si. Evan Roberts

2. Pathian riantuantu si ve tung i nikhat i suimilan 2 chung tal thlacamnak a ngeilo mi hi cu Pathian riantuan tlak an si loh. Leonard Ravenhill

3. Zingchiar Pathian sin i thlacamnak a ngei mi nih cun chunnitlak Pathian kutcak a hmuh. John Bunyun

4. Vawleicung i a nuambikmi le a thlumbikmi cu Pathian he i kawmh(thlacam) hi a si. Brother Lawrence

5. Thlacamnak hi thluachuah hrampi cu a si. Chrysostom

6. Thla kan cam tik ah hin kan harsatnak cungah si lo in, Pathian sin tu ah hin kan thinlung kan chiah awk a si. Oswald Chambers

7. Thlacamnak lo cun zeithil hmanh hi tuahkhawh a si loh i, Thlacamnak he cun tuah khawhlo mi thil zeihmanh a um loh. EM Bound

8. Zumtu si ve tung i thlacam nun a ngeilo mi cu, nung ko na in, thaw a dawplo miMatthew Henry

minung bantuk an si.

9. Zumtu caah cun Pathianbia hi rawl a si i, Thlacamnak hi thazang thawnnak a si. EM Bound

10. Zumtu fale nih zatlaknak le Rawhnak kan tawn mi a chung muru tak tak cu "thlacam" kan daithlan ruangah hin a rak si. The Kneeling Christian

THLARAU NUN CAWMTU TUANBIA TAWI

Voikhat cu Pathian riantuantu pa le zumlotu mirumpa (chapiat sernak company ngeitu) cu hmunkhat ah an kal ti i bia an i ruahpah tluahmah. Tulio Manchester Unite tumchuk ning/ Tukum Ballon D'or hi Ronaldo nih a co khote hngamaw ti bantuk hna an i ceih pah. Tulio ramleng a ummi laingaknu cheukhat nih FB i hmanthlak an tarmi le lenglei i an mui aa dan khawh ning.... tbk zong khi an i ceih ve theu la...

Sau ial an kal hnu ah mirumpa nih cun "na thawngtha chimmi hi a tha tak tak loh le a si la.misual an tamtuk ning ah hin.. mifir,tlaihhrem hmang,lainawng tbk thawngpang hi theih ding a um zulzang..sualnak hi a karh chin chin ko hi teh" tiah Thawngtha chimtupa cu nek nawn te khin a hei ti. Thawngtha Chimtupa nih cun zeihmanh a let loh.

Tlawmpal an kal hnu ah;
Hngakchia rual hi lamkam ah an rak i nuam hna nih cerhcet lah ah cun an rak i bual len ko hna. An luthlung in an kepar tiang cerhcet aa neh dih.
Thawngtha chimtupa nih cun cu hngakchia lei cu a hei sawh i, "Zohhmanh, mithurhnawm an tam ning ah hin na chapiat sermi hi zeihmanh santlaihnak a ngeiloh tinak a si", tiah mirumpa cu a hei a ti ve.
Mirumpa (Chapiat sertupa) nih cun,"Chapiat ka sermi tham cu a hmangtu hrang lawng ah pei thiannak a si ko cu" tiah a leh.
Thawngtha chimtupa nih cun,"na chimmi cu a hmanmi a si ," tiah a leh.
Chapiat sertupa nih cun khua a vawn i ruat i, aw... ka chimmi bia nih pei keimah a ka awh cang ko hi a ti i a lungfim ruang mang.

***Careltu kan dihlak caah hi tuanbia tawi hi Thlarau lei ah thazang petu a si sualah ti ruahchannak in, theihkauhnak cu a si lem loh nan ka vawn tialnak a si.

THEIHTLEI DAL-5 NAK

1) Mrs.Martha Stewart- hi Thonginn chung a um buu in billionaire a si kho. (zeitin dek chaw a leh hnga?  )

2) Vawleicung i music tumnak man fakbik cu( musical instrument) Stradivarius violin a si i kum 2011 ah khan US$15.9 million in an rak zuar.

3) McDonald nih pizza hi 70s hrawng khan zuar hram an rak thawk.

4) Free medical health care ( a lak in i zoh nak) duh ruangah USA mi pakhat nih cun BANK an rak bauh i US-$1 a fir. ( thonginn ah an ka chiah lai i a lak in ka ngandamnak an ka zohpiak la ti a duh ruangah a si.)

5) Venezuela leh Saudi Arabia - ram hna ah cun Ti (water) nak in zinan(Oil) man a fawi deuh!!!!

6) New York khuapi ah khin inndotsang(skyscraper) thlalangawng ngeilo mi an um.

7) Samsung Company hi a hlan ah cun Raltuknak thilri sertu an rak si.

8) U.S ah khin ngakchia College an kai hlan chung i an zohkhenh hna nak i an dihmi cu US$245,000 hrawng a si.

9) Africa -ah khin buaktlak in nikhat chungah Sai 96 tluk an thah peng hna.

10) Mah te'n Hngawng-ngerh(necktie) awih ning a thiamlo mi nan um sual ah hmanthlak hi rak save cio uh. Hmanthlak i na hmuh bantuk te khan Step by Step in rak tuah law na thiam ko la.

Fim Chimtu

NIFA KAN THUTDIRNAK AH HIN..,

1. Na awnmi a si ah cun, a khar zong philhhlah.

2. Na hmeh ruang i a ceu a si ah cun, a phihlei zong kha philhhlah.

3. Na awnmi a si ah cun, a hrenhlei zong philhhlah.

4. Na hrawhmi a si ah cun, i pheh duh hlah.

5. Na tuahkhawhlo ah cun, a thiammi fial ko hna.

6. Na hlanmi a si ah cun, a peklei kha philhhlah.

7. Na hnawmhter mi a di sh ah cun, na thianh than lai.

8. Na thialmi a si ah cun, a hmunah chia than.

9. Hman na duhmi thil kha midang ta a si ah cun, hal hmasa hna.

10. Nangmah he aa pehtlailo mi thilah va thlak len hlah.

Haa Sii Kong Theihtlei Tlawmpal

Haa Sii(TOOTHPAST) Zei Bantuk Dah Na Hman Tawn...?????

Zei ngai cu a si lemloh nan, theihve hrim hrim dingah ka vawn tial ve. Haa Sii (toothpaste) nan hmanlio mi a taw kha zoh hmanh.Rawng/colour na hmuh lai. Cu rawng nih cun haa sii chungah zeibantuk thil dah aa tel ti kha a langhter.

Na hman cuahmah mi toothpaste ingredients kha rel law, zeibantuk toothpaste hi dah ka hman la ti cu nangmah duh thimnak a si.

*** a tang i hmanthlak ka chiah mi ah a fiang ngai ko khih.

Green – All Natural 
Blue – Natural + Medicines 
Red – Natural + Chemicals 
Black – All Chemicals -

Nungak Pawl Caah

¤ Na mithmul na phawi laiah namit tlangah khan cream tlawmten thuh hmasa. Cun, minute 10 hnu ah phawi hmanh. A fawi deuh hrim hrim ko lai.

¤ Na mithmul kha chahdeuh i langhter na duhah cun lachawn ah powder chia law, cu cu na mithmul ah thuh, mahcu hnuah mascara thuh than.

¤ Face powder na hmanlai ah ; na hmuhning nak in na hmaiah khan a rawng langh ning a fakdeuh ti philh hlah.

¤ Na Hmursen Sii (lipstick) aa kiak/tan sualah cun khatlei ve ve kha meiin khang law pehthan. Cun fridge chungah nazi cheu chung hrawng chia.

¤ Na tin a nemtuk maw? Khauhseh ti na duh ah cun tikik ah cite cawhlaw nikhat ah voithum-mintue 2 hrawng ciah lengmang.

¤ Zihmui(Perfume) na taksa a langhnak i nai thuh ah cun nilin lak ah um hlah. Zihmui thuhnak zawn kha ni nih a lak khun. Na nah a zual la  .

¤ Na thilpuan cungi zihmui kahnak in lachawnah khan zihmui kap law, lachawn cu na bawli (bra) chungah chia ziar law saudeuh na hmuila.

¤ Khayan-chinti (Tomato) hang nih hin hmai i riim a ummi, chapiat nih a thianhkhawhlo mu kha a thianter khawh.

¤ Alu dip te'n riamlaw hmaiphiahnak ah hmang hmanh. Hmaibo, hmaikang tbk caah a tha ngai ngai.

¤ Zan na ih lai ah thukboih(make-up) na thukmi kha thianter lo in it hlah.
Hmainih a huattuk mi a si khah.

¤ Na kut tin khauh le tleuter na duhah cun serhang leh glycerine chawhmi in minut 3 chung na ciah la.

NUN HI LAKSAWNG SUNGBIK A SI

& Mi na volhpamh hna hlan ah
-Holh a duh ngai ko nan a holh kholomi an um ti kha philhhlah.

& Rawl na eimi a thawt le thawtlo kong i na buai hlan ah
-Ei ding ngeilo i a vakvaimi tampi an um, ti kha philhhlah.

& Nihin, na tonmi harnak ruangah na phunzai sual maw?
- Nihin ah Thihnak a tawngmi an um ti philh hlah.

& Ka riantuanmi nih a ka simhtuk ti'n na phunzai bal maw?
- Riantuan ding ngeihlo ruangah lungrethei i a um mi an tampi ti kha philh hlah.

& Nan Run-Inn nih hawi Inn a tluk lo ruangah lungfak in na um sual maw?
- Umnak Inn ngeilo i a vak vaimi an tamning hi philhhlah.

& Na Nupi/Pasal cungah lungtlinlonak na ngeih ruangah an lungfahnak na tuah sual maw?
- Nupi/Pasal ngeih a duhtuk ko nan a ngei kholo/tawnglo mi tampi an um ti kha philh hlah.

& Na Innchung a hnawmh ruangah phunzai na hmang maw?
- Lamkam hnawmlak i a riakmi an tamning khi philhhlah.

& Motor/ Motor cycle na cit caan ah khin na phunzai tawn maw?
- Na kal cuahmahnak lamah khan cit ding ngei lo i ke i a kalmi an um ti kha philh hlah.

& Lungrethei, vansang i na um lio caan hna ah khin mi vanchiabik ah na ruat sualtawn maw?
- Hmaipanh le lunglomhnak he Pathian sinah lomhnak bia chim ko. Zei ruangah; 'thihnak chung in an luatter ruangah'

**** Nunnak hi Pathian laksawng sung a si... zei bantuk dirhmun i kan um zongah kan nih Pathian fale hna nih cun 'Pathian sin i lomnak biachim hi kan leiba nganbik si hram ko seh'.

Coffee Mix A Dingmi Hna Caah Theih A Herh Ngai Ngai Mi

Coffee Mix Na Din Tik Ah....

Coffee Mix a dinglo mi hi kan tlawm la dah... 
A siam a fawi hlei ah a thaw ngaimi zong a si caah
Laimi chung zongah hin a ding mi kan tam ngai ngai.

Coffee Mix kan dintik ah hin ralrin ngai a rak herh..
Lakphak hlah maw kan din kan ti lio ah kan ngandamnak caah
tih a nung tu mi TUR ah aa cang kho!!!

Coffee Mix kha hrai chungah kan bungh i tisa kan burh than i kan chawh. Cu hnuah kan din tawn. Hi ka zawn ah hin kan i ral rin dingmi cu a cawhnak kha a si.. Khulrang tuk kan duh ruang ah darkeu hmanglo in Coffee Mix an funnak bawm kha kan zual i mah cu cun cawh a hmang mi kan um.. Hi thil hi a poi tak tak mi cu a si. Thil cheukhat cu a sa(hot) tuk mi he an i tawn tik ah ral an ser khawh..

Coffee Mix tuamnak( ei ding a si mi ready made thil hrim hrim) ah hin formaldehyde timi organic compound dat aa tel caah Coffee Mix funnak bawm in tisa kan cawh tik ah formaldehyde timi dat aa ser i kan mah le kan mah kha Tur kan i serpiak tinak a si...

Voikhat/voihnih hna cu a poi tuk lem loh...Amah belte cu a voi a tam ah cun kan caah tih a nungtuk mi le cancer zawtnak a chuahter khotu thil a si caah tuhnu hrim hrim ah cun a ho hmanh nih Coffee Mix kan din tik ah a funnak in cawk hna hlah u sih tiah kan sawm hna....

Ngandamnak Caah A Thami Eidin

Kazer (carrot) + Aithing + Apple – Chunglei an thianter, thazaang an tamter.

Apple + Zilpum + Celery – Cancer zawtnak an kham, thau (cholesterol) an zorter, i pawfah le lufah an tlauter.

Bawmthor (Tomato) + Kazer + Apple – Titvun an tthatter i, thawthu an tlauter.

Anfangkha + Apple + Cawhnuk – Thawthu a ningter i, chunglei takpum linh an zorter.

Serthlum + Aithing + Zil – Titvun umtuning an tthatter i, taksa linh an zorter.

Rungtawban + Apple + Dawnzuuk (Watermelon) – Takpum chung cite aldat an tlauter i, hnik le kal rianttuanning an tthatter.

Apple + Zil+ Kiwi (thingthei) - Titvun an tthatter.

Pear & Banhla – Pumchung a thlumdat an tthatter.

Kazer+ Apple + Pear + Hai – Ritnak (toxicity) an zuh (lung an fimter), thikai an tthumh.

Honeydew* + Mitsur + Dawnzuuk + Cawhnuk - Vitamin C + Vitamin B2, cell ruantuaning an tthawnter le zawtnak khamtu taksa an tthawnter. 

source: www.globalchinnews.org

* Honeydew cu, meipum bantuk khin a pum i, ei tikah, a thlum ngaingaimi a si.

LAI PHUNGTHLUK BIA DAL-1NAK

1. A cotu ca zei cangkal lo, a petu ca pam phur.
2. A dil na, a sat na.
3. A firtu ningzak lo, a hmutu ningzak.
4. A hrut nih fim chim.
5. A hrut si thei lo.
6. A it mang man, a hrak voih thei
7. A ka hua nih firping ka puh.
8. A lettaling kawl rawn tlawng.
9. A mui in zoh hlah a aan in ngai.
10. A mu cungah a mat cuang.
11. A neh hnu khuaingal meihol luk in.
12. A neh hnu ar nal in.
13. A nep na ah thawng dul
14. A ruh tum hlah, a hang na hap lai.
15. A zaw sa duh, a hrut khuang duh.
16. A zum lo nih ṭum lai bawh hlah.
17. Ar bia duh in.
18. Ar hla fungkhat thiam in.
19. Ar cuk hma, mi biachim fak.
20. Ar nih hma lo cu hlah, mi nih bia lo chim hlah.
21. Arpi hmanh nih mi sir.
22. Arpi takmak sahngar tei lai bang.
23. Arpi ṭap na, sahnga ni na.
24. Ba lian vurh long, laifa tlaih long.
25. Bapi nih thak kaw, bate tiang.
26. Bawinu hrulh ke fangzu hrulh.
27. Bawi pawng ṭhut le cerh kam thlawh.
28. Bawi vel, khua vel.
29. Belpi kai za, belte kai za.
30. Belte kem pam phur, lote kem ngeih bawm.
31. Bia le lam peh.
32. Bia le thli.
33. Bianem chim le lamphei kal.
34. Biate in biapi la.
35. Biathli thlungpar in au.
36. Buluk umnak ti nawi, mihrut umnak khua lum.
37. Caicim zarhmarh thiang.
38. Cang-ai khur chung hrang.
39. Cangai sir vak, fale sir vak.
40. Cangpinte hmanh sul loin a um lo.
41. Capo biatak tla.
42. Cepa der lei ekceh in
43. Chak-um ah voih i thlangum ah ek in thang.
44. Chihzawh rawl nganh in.
45. Chizawh innpi hngah in.
46. Chingchi lakah bengbe.
47. Chunhlan faruahthawh.
48. Cangpin pial rawl tarh in
49. Chia chin hawi soi hlah, soi chin sazaw lam e.
50. Ci le kawr tlau hlah.
51. Cinthlak long, fa hrin long.
52. Co khawh lo lei soisel.
53. Cupi, cuti, ba ti hlah.
54. Derpheh chia, pampheh chia.
55. Duh zoh le huat zoh a lo.
56. Daithlang hang din lo.
57. Dawh duh lo um hlah.
58. Dawh lo hlei ah ing chiat.
59. Der ah der khat, thau ah thau khat.
60. Dongpi bia le ngaknu bia al awk a ṭha lo.
61. Duh zoh fak, huat zoh fak.
62. Ei cutmat, ṭuan cutmat.
63. Ei hre, ṭuan daw.
64. Ei le ṭuan ai zul.
65. Eiding in nung hlah, nun dingin ei.
66. Eiduh tuk pamnak, hur duhtuk liamnak.
67. Ek nih mi ngang hlah, caan nih mi ngang hlah.
68. Fakhat ngeih le pangpar tonh.
69. Falai chia le lo lai chia.
70. Fir cu thing par in au.
71. Furpi ni le pa hnawm thin.
72. Fir thangchia, hal thanchia.
73. Fathih hnu hlei donh in.
74. Fahniang thih le ngalcar khawn.
75. Fanu pakhat thawng, lopi pakhat thawng.
76. Farhmui ber hlah, khang ca par hlah.
77. Lei le dang hmanh ai seh.
78. Hlawn ah mit khat, mui ah mit dang.
79. Hruh hmasa fim hma dung.
80. Hmuh duh ko nain zoh duh lo.

KAN KHUALTLAWNNAK VAWLEI AH HIN

1) Kan duh ning in kan chuah loh i, kan duhlo ning in kan liam than.

2) Ngakchia kan silio ah upat zok2 kan duh i, tar ding cu kan tih ngai fawn.

3) Thangcho ding in kan i cawnpiak i, beidonghnak zong kan tawn thiam2 ko.

4) Mifim kan si khawhnak hnga fimnak hlei ah kan kai i, mihrut pawl he kan i kawm thiam2 ko.

5) Raltha ding in forhfial kan si ko nan, tangdor i kan um caan a tlawm loh!

6) Ruahchannak in vawlei thar kan ser i, titsa in langhter a hau.

7) Mi lianngan kan sinak lai rum kan duh i, midang nun kan theih khawhnak lai sifah kan luat hlei loh!

8) Kan takpum caah ei, ding tha kan herh ko nan, kan ngandamnak caah i sumkhawh zong kan herh thiam2 ko.

9) Vawlei sining kan hngalh khawhnak hnga kan mit kan au i, sual i kan tluknak hnga lo kan mit kan chimh a herh ve.

10) 'Kan ngaihthiam hna' kan ti ko nan, a voi rel kan hmang.

11) Teinak kan hmuhkhawhnak hnga ralthat a hau i, tangdor nak in kan nun tlamtlinter a hau.

12) Harnak in kan nun fianh a si i, a tuar kho mi nih a theipar an hmuh.

13) Hlawhtlinnak hmu ding in kan i zuam i, sunghnak chung in kan luat hlei loh.

14) Nifa tin kan thih a hau i, midang caah nifa tin kan nun a hau than.

15) Midang zawn a ruat kho mi si kan duh i, kan mah zawn kan i ruat deuh cio hna.

16) Phaisa tampi ngei ding in kan tuan i, hnangamnak dorh khatte hmanh kan caw kho loh.

17) Mi chimhhrin cu kan thiam ngai i, kan mah nun bel kan i chimhrin kho loh.

18) Mi kongceih cu a fawite ko nan, kan bia phiah than cu a fawi ti loh!

19)Zalong te i nun kan duh i, cu nih cun a kan pial pi tawn.

20) Midang thatlonak hmuh piak cu a fawite nan, mah palhnak cohlan cu kan i harh tuk !

21) Tahnak in vawlei kan lut i, tah bu in thlah kan si than

THEIHTLEI DAL-1 NAK

Part-1

1. Thlai a phun2 na chumh tik ah Soda vut tlawmpal in telh law a hmin hnu zongah tlai hring mui a keng peng la. Cun, Pawpi caah a tha fawn.

2. Arti na chumh tik ah cite asilo ah lakphakfe peih chih law a kuai la loh

3. Kha-Yan-Chin-Ti(Tomato) a hmin tuk cang mi hi, ti a kik tak2 mi le cite cawh mi chungah chia law a mui aa dawh than lai.

4. Na hruk mi thilpuan cungah ball pen ti aa neh ah cun kha-yan-chin-ti kha a lai in cheu law hnur, nazi cheu hnu ah su than law a thiang ko lai.

5. Na mit tang vun a duk/nak maw? Alu kha cheu law hnur lengmang hmanh a dam ko lai.

6.Fang, pee tbk pawl nan chiahnak ah khan puan in cite fun law chia hmanh. Zeitikhmanh ah a bum la loh.

7. Na hawi le nih kuak,sahdah le kuan-ya an in pek hna hi dawtnak an si loh. CANCER zawtnak va nei tinak bantuk a si.. Nan huat mi hna lawng nan pek hna lai    

Part-2

1) Buaktlak in minung ek 75% hi ti a si.

2) Lung zatnak kham tu ding ah kha-yan-chin-ti(Tomato) a thar mi nak in a uai/durh mi nih a kham khawh deuh.

3) Na cuap kehlei cu na vawrlei cuap nak in a fa deuh, cu caah na lung nih umnak hmun a co ve.

4) Roman Emperor Gaius Caligula- nih khan a Rang tumpi cu Bawi(senator) pakhat ah a ser.

5)Strawberries nih hin Serthlum(orange) nak in vitamin C tam deuh a ken.

6) Electric traffic light hmasabik cu kum 1914 ah khan Cleveland, Ohio ah bunh a rak si.

7) Russia ram i museum pakhatah cun chizawh hi an hlan(hire ) tawn, a ruang cu zu nih an zuk tar mi pawl a seh/tam sual la tiah chizawh an venter.

8) U.K nak in Nigeria - ah khin English holh a hmang mi an tam deuh.

9) English Alphabet i " j " cafang hi neh hnubik i an chap mi a si.

10. Mirang number ah "four" lawng hi a sullam le cafang aa khat mi a si.

Part-3

The Library of congress, Washington D.C , U.S.A-ah khin cauk 33 million leng a um i, an cauk chiahnak bizu khi a tlar in chia hna seh law, meng 838- hrawng a sua lai.

karate hi kum 1920 lio ah khan Japan ram i an rak thawk mi a si i, "kut lawng" tinak a si

singapore min khi sanskrit holh in a rami a si i, singa leh pura timi biafang pahnih fonh mi a si. Asullam cu chiandeih khuapi tinak a si.

Vawnlawng ke-ah hin thli phunkhat, nitrogen an rawn tawn.

Statue of liberty kut i lung ah khin july 4,1776 timi aa tial, Cu cu, USA -nih Great Britain sin in zalonak a hmuh ni a si.

Uico fabik phun, Chihuahua hi Mexican state pakhat, Chihuahhua min an lak mi a si.

Australia ram i a rak um hmasa mi hna chung in mi tam u khi cu - British cozah nih misual an kuat mi a si.

THEIHTLEI DAL-2 NAK

Khuaruahhar;

@ Vawleicungah ah hin Second 10 danah ZU ruangah mipakhat tal an thi peng.

@ Scotland singpahrang Nu Queen Mary kha Ni ruk lawng i a upa ( a chuah in Ni ruk) a si ah QUEEN sinak an pek.

@ U.K. ah cun ngakchia kum 5 ri in a cunglei paoh cu an inn asiloah mibu lak ah cun ALCOHOL din hi sianh an si.

@Sai(vui) nih hin nikhat chungah rawl kg 300 Leh ti litres 160 hrawng a herh.

@ Kan hahchiau ah hin cil dor fa te te 40,000 reng lo kan ka chung in a chuak.

@ Theodore Roosevelt- ( US President) nih khan nifatin cauk pakhat cu a rel peng.

@ Japan ramah cun chizawh nak(black) nih hin bawng an phur tiah an ruah.

.@ Soviet hna nih vawleicung i khur thukbik mi cu kum 14 chung an cawh i, a thuk lei hi 12,262 metres (40,230 ft) a si.

@ Moor Utlak pa hna nih ci an thlah lio ( sex an hman lio   ) ah hin an rawng hi a pawl dih.

KAN UMNAK VAWLEI(EARTH) HI.

> kum million 4550 hrawng i upa a si.

> A kauh lei hi million 510 Sq Km a si.

> Vawlei nih a khuhnak(area) hi 29.2% a si.

> Rili nih a khuhnak(area) hi 70.8% a si.

> Nikhat i aa mer(rotate) chung hi suimilam 23, miniute 56 leh second 4.100 a si.

> Ni(Sun) a hel chung hi ni 365, sml 5 leh second 45.51 a si.

> Ni(day) sau bik cu June 21 a si.

> zan(night) tawi bik cu December 22 a si.

Theihtlei Tlawmpal;

1. Laak hi kum 30 in 50 tiang an nung kho.

2. Canada i golf aa celh mi 71.4% cu pa an si i, 28.6% cu nu an si.

3. Na chuahni (birthday) na lomh lio ah khin midang million 9 tluk nihan rak lomh ve.

4. American mi 70% nih Disneyland/Disney World khi an pal cang

5. Vawleicung ah rungrul(insect) ci/phun 900,000 tluk a um.

6. Scottish miphun, Kerr miphun hna khi miphun dang nak inkehtlak(left handed) an tam deuh ti a si.

7. Minung haa hi lung tluk i a hak mi an si.

8. Bawhkeuh(Ngakchia chuak ka) hna nih hin zarhkhat an tlin hlan chungcu an i lomh caan ah hin mitthli tel lo in an tap !!

9. Gallon khat cawhnuk chuak dingah, buaktlak in voi 350 tluk sawr(squirt) a hau.

10. “Go” timi cafang hi Mirang holh ah catlang a tlingbik le a tawibik(shortest complete sentence) a si.

11. South Africa ram nih holh phun hnih lawng an rak ngei nan, tu ahcun, holh phun 11 an ngei cang.

12. Na cuap (lung) vorhlei nih kehlei cuap nak in thli tam deuh a dawp.

13. Uico nih hin a fa le a ngan (size) an thleidang kho loh. Curuangahuico fete nih a nganpi zong an tih hna lo.

14. “Q” cafang pakhat te lawng hi, USA i zeimin hmanh ah a tel lo mium chun a si.

15. USA i Las Vegas ah khin vawleicung i innkhan (room) tambik mi hotel a um.

16. USA ah khin voi-million 40 tluk kumkhat chungah tek a tla.

17. Buaktlak in Arpi pakhat nih hin kumkhat chungah ti pum 260 tluk a tit.

Theihtlei Pawl;

1. Yugoslavia ram tiah kawh a rak si mi ram kha ram sarih an an i then. ( Bosnia, Herzegovina, Croatia, Kosovo, Macedonia, Montenegro, Serbia leh Slovenia ).

2. Kum 1991 ah khan ram lianngan soviet Union cu a kuai i, ram 15 bak ah an i chuah!. (Armenia, Azerbaijan, Belarus,Estonia, Geargia, Kazakhstan, Kyrgyzstan, Latvia, Luthuania, Maldova, Russia, Tajikistan, Ukraine, Uzbekistan, leh Turkmenistan ).

3. Hongkong/US film star Bruce Lee i a min tak2 cu, Lee Yuan Kan a si.

4. Kum 1981 i, Hinckley nih US President Ronald Reagan a rak kah hnu te ah khan, a nupui Nancy- sin ah, " dawt, rak kun deuh ding ka si nan," tiah a ti sa lam ko.

5. Israel ram khi a ram minung i tuah ah vawleicung i Computer tamnakbik a si.

6. The Library of Congress Washington D.C , USA ah khin , cauk 33million hrawng a um i , an chiahnak bizu khi artlang ten chia hna sehlaw, meng 838 tluk a sau lai.

7. Vawleicung i ti vialte zaa ah 46% hi Pacific .zaa ah 23.9% hi Atlantic,zaah 20.3% hi india ocen.zaa ah 3.7 hi Artic.